ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນວັນທີ 7 ກຸມພາ 20224 ນີ້, ຢູ່ທີ່ສະໂມສອນ ກົມໃຫຍ່ການເມືອງກອງທັບ ກະຊວງປ້ອງກັນປະເທດ ໄດ້ຈັດພິທີ ມອບນາມມະຍົດ ສາດສະດາຈານ ແລະ ຮອງສາດສະດາຈານ ໃຫ້ນາຍທະຫານກະຊວງປ້ອງປ້ອງກັນປະເທດ ໂດຍການເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ, ມີສະຫາຍ ຮອງສາດສະດາຈານ ປະລີນຍາເອກ ພຸດ ສິມມາລາວົງ ກໍາມະການສູນກາງພັກ, ລັດຖະມົນຕີກະຊວງສຶກສາທິການ ແລະ ກິລາ, ມີບັນດາຄະນະກະຊວງປ້ອງກັນປະເທດ, ບັນດາກົມໃຫຍ່, ຫ້ອງວ່າການກະຊວງປ້ອງກັນປະເທດ, ບັນດາຫ້ອງວ່າການສູນກາງພັກ, ກະຊວງປ້ອງກັນຕາມສະຫງົບ, ກະຊວງສຶກສາທິການ ແລະ ກິລາ, ກົມນິຕິກຳ, ສຳນັກງານນາຍົກລັດຖະມົນຕີ, ມະຫາວິທະຍາໄລແຫ່ງຊາດ, ວິທະຍາໄລວິທະຍາສາດ ແລະ ສຸຂະພາບ, ສູນກາງແຮງລາວສ້າງຊາດ, ສະຫະພັນນັກຮົບເກົ່າ, ສູນກາງຊາວໜຸ່ມປະຕິວັດລາວ, ສູນກາງສະຫະພັນແມ່ຍິງລາວ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ສະຫາຍ ຮອງສາດສະດາຈານ ປະລີນຍາເອກ ຫຼ້າວັນ ວົງຄຳສານ ຫົວໜ້າກົມການສຶກສາຊັ້ນສູງ ກະຊວງສຶກສາ ແລະ ກິລາ ໄດ້ຂຶ້ນຜ່ານດຳລັດຂອງນາຍົກລັດຖະມົນ ວ່າດ້ວຍການແຕ່ງຕັ້ງສາດສະດາຈານຈຳນວນ 2 ສະຫາຍ ຄື: ສະຫາຍ ພົນໂທ ປອ ທອງລອຍ ສີລະວົງ ດຳລົງຕຳແໜ່ງ ສາດສະດາຈານກຽດຕິຄຸນ, ສາຂາຍຸດທະສາດປ້ອງກັນຊາດ; ສະຫາຍ ພົນໂທ ປອ ວົງຄຳ ພົມມະກອນ ດຳລົງຕຳແໜ່ງ ສາດສະດາຈານກຽດຕິຄຸນ ສາຂາ ຍຸດທະສາດປ້ອງກັນຊາດ ແລະ ດຳລັດ ວ່າດ້ວຍການແຕ່ງຕັ້ງຮອງສາດສະດາຈານ ຈໍານວນ 7 ສະຫາຍ ຄື: ສະຫາຍ ພົນຈັດຕະວາ ປອ ຄຳຜາຍ ສະພັງເໜືອ ດຳລົງຕຳແໜ່ງ ຮອງສາດ ສະດາຈານ ສາຂາ ຍຸດທະສາດປ້ອງກັນຊາດ, ສະຫາຍ ພົນຈັດຕະວາ ປອ ສົມພອນ ສີສຸວັນນະ ດຳລົງຕຳແໜ່ງ ຮອງສາດສະ ດາຈານ ສາຂາ ຍຸດທະສາດປ້ອງກັນຊາດ, ສະຫາຍ ພົນຈັດຕະວາ ປອ ຈັນສະໝອນ ມະຫາວົງ ດຳລົງຕຳແໜ່ງ ຮອງສາດສະ ດາຈານ ສາຂາ ພະຍາດຊຶມເຊື້ອເຂດຮ້ອນ-ແມ່ກາຝາກ ແລະ ຕິດແປດ, ສະຫາຍ ພັນເອກ ປອ ກິ່ງແກ້ວ ແສງຄຳຢອງ ດຳລົງຕຳແໜ່ງ ຮອງສາດສະດາຈານ ສາຂາ ຜ່າຕັດສະໝອງ-ເສົາສັນຫຼັງ, ສະຫາຍ ພັນເອກ ປອ ສະແຫວງໄຊ ດາລາສາດ ດຳລົງຕຳແໜ່ງ ຮອງສາດສະດາຈານ ຜ່າຕັດຜົ້ງເອິກ, ສະຫາຍ ພັນໂທ ປອ ຄຳມູນ ສົມຕະກຸນ ດຳລົງຕຳແໜ່ງ ຮອງສາດສະດາຈານ ສາຂາ ກະທົບຜ່າຕັດກະດູກ, ສະຫາຍ ພັນໂທ ຄຳຫຼ້າ ສາລີວົງຄໍາໃສ ດຳລົງຕຳແໜ່ງ ຮອງສາດສະດາຈານ ສາຂາ ພະຍາດລະບົບລະລາຍ. ຈາກນັ້ນ, ສະຫາຍ ພົນເອກ ຈັນສະໝອນ ຈັນຍາລາດ ກໍໄດ້ຂຶ້ນມອບຕໍາແໜ່ງສາດສະດາຈານ ແລະ ຮອງສາດສະດາຈານ ຢ່າງສົມກຽດ. ໃນພິທີ, ຍັງໄດ້ຜ່ານຂໍໍ້ຕົກລົງຂອງກະຊວງປ້ອງກັນປະເທດ ວ່າດ້ວຍປະດັບຫຼຽນໄຊພິລະອາດຫານຊັ້ນ I ລວມໝູ່ ໃຫ້ກະຊວງສຶກສາທິການ ແລະ ກິລາ; ຫຼຽນໄຊພິລະອາດຫານຊັ້ນ II ໃຫ້ ສະຫາຍ ຮອງສາດສະດາຈານ ປອ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ, ມອບຫຼຽນໄຊພິລະອາດຫານຊັ້ນ III ໃຫ້ ສະຫາຍ ຮອງສາດສະດາຈານ ປອ ຫຼ້າວັນ ວົງຄໍາສານ ຫົວໜ້າກົມສຶກສາຊັ້ນສູງ ກະຊວງສຶກສາທິການ ແລະ ກິລາ, ສະຫາຍ ວິໄຈ ຈັນທະສອນ ຫົວໜ້າຫ້ອງການສະພາການສຶກສາຊັ້ນສູງ ແລະ ສະຫາຍ ຄຳລຽງ ນາມບຸດ ຮອງຫົວໜ້າຫ້ອງການສະພາການສຶກສາຊັ້ນສູງ.
May be an image of 6 people, dais and text