ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ພິທີມອບລາງວັນການແຂ່ງຂັນວິດິໂອສັ້ນ ພາຍໃຕ້ຫົວຂໍ້: ເລື່ອງລາວຂອງຂ້ອຍກັບທາງລົດໄຟລາວ-ຈີນ ຈັດຂື້ນໃນ ວັນທີ 16 ຕຸລາ 2023 ທີ່ໂຮງແຮມດອນຈັນພາເລດ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ວັນສີ ກົວມົວ ຮອງລັດຖະມົນຕີກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ, ທ່ານ ຫວາງ ຊ້າງ ອຸປະທູດ ສະຖານທູດແຫ່ງສາທາລະນະລັດປະຊາຊົນຈີນປະຈໍາລາວ, ມີບັນດາຜູ້ຕາງໜ້າຈາກສະຖານທູດຈີນປະຈໍາລາວ, ບໍລິສັດລົດໄຟລາວ-ຈີນ, ສູນວັດທະນະທໍາຈີນປະຈໍາລາວ, ສໍານັກຂ່າວສານຊິນຫົວ ແລະ ສະຖານີວິທະຍຸ-ໂທລະພາບສູນກາງຈີນປະຈໍາລາວ ພ້ອມດ້ວຍແຂກຮັບເຊີນທັງສອງຝ່າຍລາວ-ຈີນເຂົ້າຮ່ວມ.
ທ່ານ ຫວາງ ຊ້າງ ອຸປະທູດ ສະຖານທູດແຫ່ງສາທາລະນະລັດປະຊາຊົນຈີນປະຈໍາລາວ ມີຄໍາເຫັນວ່າ: ການຈັດການແຂ່ງຂັນວິດິໂອສັ້ນໃນຄັ້ງນີ້, ເປົ້າໝາຍແມ່ນຊຸກຍູ້ປະຊາຊົນຈີນ-ລາວ ເລົ່າເລື່ອງລາວຂອງຕົນເອງກັບທາງລົດໄຟຈີນ-ລາວ ລາວ-ຈີນ ເຊິ່ງເປັນໂຄງການທີ່ເປັນສັນຍາລັກ ແລະ ໄມຕີຈິດມິດຕະພາບຂອງສອງຊາດ, ເປັນການສືບຕໍ່ຊຸກຍູ້ໃຫ້ສັງຄົມລາວມີຄວາມເຂົ້າໃຈເຖິງການສະໜັບສະໜູນກ່ຽວກັບໂຄງການທາງລົດໄຟຈີນ-ລາວໃຫ້ຫຼາຍຂື້ນ, ການຈັດກິດຈະກໍາຄັ້ງນີ້ແມ່ນມີຄວາມພາກພູມໃຈຫຼາຍທີ່ເຫັນວ່າໄດ້ຮັບຄວາມສົນໃຈ ແລະ ດຶງດູດໃຈຈາກປະຊາຊົນສອງຊາດຈີນ-ລາວ ລາວ-ຈີນໄດ້ເຂົ້້າຮ່ວມແຂ່ງຂັນຢ່າງຕັ້ງໜ້າ ແລະ ກວ້າງຂວາງ ໂອກາດນີ້, ຂ້າພະເຈົ້າຂໍສະແດງຄວາມຂອບໃຈຢ່າງຈິງໃຈມາຍັງລັດຖະບານລາວກໍຄືກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ພ້ອມດ້ວຍພາກສ່ວນກ່ຽວຂ້ອງທີ່ໄດ້ໃຫ້ການຊ່ວຍເຫຼືອຕະຫຼອດມາ. ການຈັດການແຂ່ງຂັນວິດິໂອສັ້ນ ພາຍໃຕ້ຫົວຂໍ້: ເລື່ອງລາວຂອງຂ້ອຍກັບທາງລົດໄຟລາວ-ຈີນ ຈັດຂື້ນໂດຍ ສະຖານທູດຈີນປະຈໍາລາວຮ່ວມກັບບໍລິສັດລົດໄຟລາວ-ຈີນ, ສູນວັດທະນະທໍາຈີນປະຈໍາລາວ, ສໍານັກຂ່າວສານຊິນຫົວ ນະຄອນຫຼວງວຽງຈັນ ແລະ ສະຖານີວິທະຍຸ-ໂທລະພາບສູນກາງຈີນປະຈໍາລາວໃນຄັ້ງນີ້ໄດ້ຮັບຜົນສໍາເລັດຢ່າງຈົບງາມໂດຍໄດ້ຮັບການຕອບຮັບເປັນຢ່າງດີຈາກປະຊາຊົນລາວ ແລະ ປະຊາຊົນຈີນທຸກສາຂາອາຊີບ ເຊິ່ງການແຂ່ງຂັນໄດ້ຄັດເລືອກເອົາຜົນງານທີ່ດີເດັ່ນ 21 ຜົນງານ ໃນນັ້ນ ລາງວັນຊະນະເລີດ 1 ລາງວັນໄດ້ແກ່ທ້າວ ບຸນສຸກ ຄັ່ງໄຊ ລວມມູນຄ່າ 12.500.000 ກີບ ພ້ອມປີ້ລົດໄຟຊັ້ນໜື່ງພາຍໃນປະເທດຈໍານວນ 3 ປີ້, ລາງວັນທີ 1 ສອງລາງວັນມູນຄ່າ 7.500.000 ກີບ ພ້ອມປີ້ລົດໄຟຊັ້ນໜື່ງພາຍໃນປະເທດຈໍານວນ 2 ປີ້, ລາງວັນທີ 2 ສາມລາງວັນມູນຄ່າ 2.500.000 ກີບ ພ້ອມປີ້ລົດໄຟຊັ້ນສອງພາຍໃນປະເທດຈໍານວນ 2 ປີ້ ແລະ ລາງວັນທີ 3 ສິບຫ້າລາງວັນ ມູນຄ່າ 1.250.000 ກີບ ພ້ອມປີ້ລົດໄຟຊັ້ນສອງພາຍໃນປະເທດຈໍານວນ 1 ປີ້, ເຊິ່ງຜົນງານທີ່ໄດ້ຮັບເຫຼົ່ານີ້ສະແດງໃຫ້ເຫັນວ່າໂຄງການທາງລົດໄຟລາວ-ຈີນໄດ້ຊ່ວຍພັດທະນາປະເທດລາວທັງໄດ້ສ້າງຜົນປະໂຫຍດໃຫ້ແກ່ປະຊາຊົນຢູ່ທ້ອງຖິ່ນໄດ້ເຫັນການພັດທະນາເສດຖະກິດ-ສັງຄົມ ເຊິ່ງໄດ້ປ່ຽນຄວາມຝັນແຫ່ງຄວາມຜາສຸກໃຫ້ປະຊາຊົນຕາມແລວເສັ້ນທາງລົດໄຟໃຫ້ປະກົດຜົນເປັນຈິງໂດຍຜ່ານຄວາມຄິດ ແລະ ເລື່ອງລາວທີ່ພວກເຂົາໄດ້ແບ່ງປັນ ແລະ ສະແດງໃຫ້ເຫັນເຖິງຜົນປະໂຫຍດທີ່ຕ່າງຝ່າຍຕ່າງໄດ້ຮັບ ແລະ ຮ່ວມມືກັນໃນການສ້າງຂໍ້ລິເລີ່ມໜື່ງແລວໜື່ງເສັ້ນທາງ.
ຂ່າວ: ບັນລັງທອງ ກຽງຄຳຊຸນນີ
ພາບ: ຍຸພິນທອງ ໜັງສືພິມປະຊາຊົນ