ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ພິທີມອບ-ຮັບຫົວໜ້າດ່ານພາສີສາກົນນໍ້າເງິນລະຫວ່າງຜູ້ເກົ່າ ແລະ ຜູ້ໃໝ່

ວັນທີ 8 ມີນາ 2018ນີ້ ຢູ່ຫ້ອງປະຊຸມດ່ານສາກົນນໍ້າເງິນເມືອງເງິນ ແຂວງໄຊຍະບູລີ ໄດ້ຈັດພິທີມອບ-ຮັບຫົວໜ້າດ່ານພາສີສາກົນນໍ້າເງິນລະຫວ່າງຜູ້ເກົ່າ ແລະ ຜູ້ໃໝ່ພາຍໃຕ້ການເປັນປະທານຂອງທ່ານ ບຸນແທນ ທິແກ້ວ ກຳມະການພັກແຂວງ ຫົວໜ້າພະແນກການເງິນແຂວງໄຊຍະບູລີ , ມີທ່ານ ບຸນສົດ ອິນທະປັນຍາ ຮອງເລຂາພັກເມືອງ ຮອງເຈົ້າເມືອງ, ມີເລຂາໜ່ວຍພັກດ່ານສາກົນນ້ຳເງິນ,ມີພາກສ່ວນທີ່ກ່ຽວຂ້ອງຕະຫຼອດຮອດພະນັກງານພາສີດ່ານສາກົນນໍ້າເງິນເຂົ້າຮ່ວມ.

ທ່ານຫຸມພັນ ແສງພະຈັນ ຮອງຫົວໜ້າກອງຄຸ້ມຄອງພາສີ III ກໍ່ໄດ້ຜ່ານຂໍ້ຕົກລົງຂອງຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ສະບັບເລກທີ 0562/ກງ, ລົງວັນທີ 23 ກຸມພາ 2018 ວ່າດ້ວຍການຍົກຍ້າຍ-ແຕ່ງຕັ້ງຫົວໜ້າ ດ່ານພາສີສາກົນຂອງກອງຄຸ້ມມຄອງພາສີ ຄື: ຍົກຍ້າຍ ແລະ ແຕ່ງຕັ້ງ ທ່ານ ຄຳຜາຍ ຈັນນີຍາວົງ ຫົວໜ້າດ່ານພາສີສາກົນນໍ້າເງິນ ກອງຄຸ້ມຄອງພາສີ III ຜູ້ເກົ່າ ໄປເປັນຫົວໜ້າດ່ານພາສີສາກົນ ຂົວມິດຕະພາບ 4, ແຕ່ງຕັ້ງ ທ່ານ ຄຳພຽງ ແສງທອງຄຳ ຫົວໜ້າ ກອງຄຸ້ມຄອງພາສີ ປະຈຳແຂວງໄຊຍະບູລີ ມາເປັນຫົວໜ້າດ່ານພາສີ ສາກົນນໍ້າເງິນຜູ້ໃໝ່.

ຈາກນັ້ນຫົວໜ້ານດ່ານພາສີ ສາກົນນໍ້າເງິນຜູ້ເກົ່າແລະ ໃໝ່ກໍ່ໄດ້ຮ່ວມກັນເຊັນບົດບັນທຶກ ມອບ-ຮັບໜ້າທີ່ ຢ່າງເປັນທາງການ ໂດຍສ່ອງໜ້າພາກສ່ວນທີ່ກ່ຽວຂ້ອງ.

ຕອນທ້ານຍຂອງພິທີ ທ່ານ ບຸນແທນ ທິແກ້ວ ກຳມະການພັກແຂວງ ຫົວໜ້າພະແນກການເງິນ ແຂວງໄຊຍະບູລີ ກໍ່ໄດ້ໃຫ້ກຽດໂອ້ລົມ ກ່ອນອື່ນ ທ່ານໄດ້ຍ້ອງຍໍຊົມເຊີຍ ຕໍ່ຜົນງານທີ່ທາງດ່ານພາສີສາກົນນໍ້າເງິນ ຍາດມາໄດ້ໃນໄລຍະຜ່ານມາ ໃຫ້ສືບຕໍ່ສຶກສາອົບຮົມການເມືອງແນວຄິດໃຫ້ຕໍ່ເນື່ອງປົກກະຕິ, ສຸ່ມໃສ່ການຈັດຕັ້ງປະຕິບັດວຽກງານວິຊາສະເພາະໃຫ້ແຂງແຮງ ມີແບແຜນວິທີການເຮັດວຽກ, ມີຄວາມສາມັກຄີໃຫ້ແໜັນແຝັນ, ມີການປະສານງານສົມທົບສາຍຕັ້ງ ແລະ ສາຍຂວາງຖຶສໍາຄັນຈັນຍາບັນຂອງພະນັກງານ, ມີຄວາມອົດທົນ, ເອົາໃຈໃສ່ການບໍລິການໃຫ້ແກ່ສັງຄົມ ແລະ ຮັບໃຊ້ປະຊາຊົນຢ່າງແທ້ຈິ່ງ.