ໃນຕອນບ່າຍວັນທີ 27 ພະຈິກ ປີ 2020 ທີ່ສູນວິເຄາະ ແລະ ລະບາດວິທະຍາ ກ່າວມອບໂດຍ ທ່ານ ຊ້ຽງ ຟາງ ສຽງ ທູດທີ່ປຶກສາການເມືອງ, ເອກອັກຄະລັດຖະທູດຈີນ ປະຈຳລາວ ແລະ ຮັບໂດຍທ່ານ ຄຳພອນ ພຸດທະວົງ
ຮອງລັດຖະມົນຕີກະຊວງສາທາລະນະສຸກ ມີຫົວໜ້າກົມ ຮອງຫົວໜ້າກົມ ຕາງໜ້າແພດຊ່ຽວຊານຈາກແຂວງຢູໜານ ແລະ ພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມ.

ໂອກາດນີ້ທ່ານ ຄຳພອນ ພຸດທະວົງ ຮອງລັດຖະມົນຕີກະຊວງສາທາລະນະສຸກ ໃນນາມຕາງໜ້າໃຫ້ລັດຖະບານລາວກ່າວສະແດງຄວາມຂອບໃຈ ແລະຮູ້ບຸນຄຸນເປັນຢ່າງສູງຕໍ່ລັດຖະບານ ແລະປະຊາຊົນຈີນ ທີ່ໄດ້ສົ່ງທີມ
ແພດຊ່ຽວຊານ ແລະອຸປະກອນການແພດຄວາມຈຳເປັນ ເພື່ອນຳໃຊ້ເຂົ້າໃນວຽກງານຕ້ານແລະສະກັດກັ້ນພະຍາດໂຄວິດ19ຢູ່ລາວ ພ້ອມທັງຕີລາຄາສູງຕໍ່ການຊ່ວຍເຫຼືອຂອງລັດຖະບານຈີນໃນຄັ້ງນີ້ ເຊີ່ງເປັນສີ່ງທີ່ຢັ້ງ
ຢືນເຖິງຂີດໝາຍສາຍພົວພັນແບບເພື່ອນມິດຍຸດທະສາດ ລາວ-ຈີນ ທີ່ຍາມໃດກໍມີຄວາມເອື້ອເຟຶ້ອເພື່ອແຜ່ ມີຄວາມເປັນຫ່ວງເປັນໃຍປະຊາຊົນລາວ ສະແດງເຖິງການເປັນຄູ່ຮ່ວມຍຸດທະສາດທີ່ແທ້ຈິງ.
ສຳລັບເຄື່ອງທີ່ນຳມາມອບໃນຄັ້ງນີ້ລວມມີຊຸດກວດຫາເຊື້ອພະຍາດໂຄວິດ19, ຢາປົວພະຍາດ, ເຄື່ອງວັດແທກອຸນຫະພູມ, ຜ້າອັດປາກ, ຖົງມືແລະເກີບສຳລັບແພດໝໍ, ອຸປະກອນການແພດທີ່ນຳໃຊ້ເຂົ້າການທົດລອງ
ແລະ ເງິນຈຳນວນໜື່ງເພື່ອປັບປຸງຫ້ອງກວດວິເຄາະຫາເຊື້ອພະຍາດໂຄວິດ19 ລວມມູນຄ່າທັງໝົດ 381,000 ໂດລາສະຫະລັດ.
Loading...