ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ 29 ມັງກອນ ນີ້ ສະຖານີວິທະຍຸກະຈາຍສຽງແຫ່ງ ສາທາລະນະລັດ ສັງຄົມນິຍົມຫວຽດນາມ ສົມທົບກັບກະຊວງກະຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ແຂວງໄຊສົມບູນ ຈັດພິທີມອບ-ຮັບ ແລະ ເປີດນໍາໃຊ້ສະຖານີວິທະຍຸ-ໂທລະພາບ ແຂວງໄຊສົມບູນຢ່າງເປັນທາງການ ໂດຍການເຂົ້າຮ່ວມຂອງທ່ານ ໂພສີ ແກວມະນີວົງ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ມີທ່ານ ພອຍຄຳ ຮຸ່ງບຸນຍວງ ເຈົ້າແຂວງໄຊສົມບູນ ແລະ ທ່ານ ວຽງສະຫວັນ ວິໄລພອນ ຮອງປະທານຄະນະກຳມະການຮ່ວມມືລາວ-ຫວຽດນາມ, ມີທ່ານ ເຈີ້ ມີຮຸ່ງ ຮອງຜູ້ອຳນວຍການໃຫຍ່ສະຖານີວິທະຍຸກະຈາຍສຽງ ແຫ່ງຊາດ ສ.ສ ຫວຽດນາມ ພ້ອມດ້ວຍ ການນໍາແຂວງໄຊສົມບູນ ແລະ ພາກສ່ວນທີ່ກ່ຽວຂອງ ເຂົ້າຮ່ວມ.
ໂອກາດນີ້ ທ່ານ ທົງສະຫວັນ ໂພສະລາດ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງໄຊສົມບູນ ໄດ້ຂຶ້ນລາຍງານການຈັດຕັ້ງປະຕິບັດໂຄງ ການກໍ່ສ້າງສະຖານີວິທະຍຸ -ໂທລະພາບ ແຂວງໄຊສົມບູນ ວ່າ : ໂຄງການກໍ່ສ້້າງສະຖານີວິທະຍຸ-ໂທລະພາບ ແຂວງ ຕັ້ງຢູ່ບ້ານພູຫົວຊ້າງ ເມືອງອະນຸວົງ ແຂວງໄຊສົມບູນ ຊຶ່ງປັນໂຄງການຊ່ວຍເຫຼືອລ້າ ຈາກລັດຖະບານ ສາທາລະນະລັດ ສັງຄົມນິຄົມ ຫວຽດນາມ ລວມມູນຄ່າໃນການກໍ່ສ້າງທັງໝົດ 118.866.220.881 ດົງ( 118ຕື້ ກວ່າດົງ ) ໃນນັ້ນ ທຶນຈາກຝ່າຍລັດຖະບານ ສ.ສ ຫວຽດນາມ 115 ຕື້ກວ່າດົງ ແລະ ທຶນສົມທົບຝ່າຍລັດຖະ ບານລາວ 3 ຕື້ ກວ່າດົ່ງ, ຊຶ່ງໄດ້ເລີ່ມລົງມືຈັດຕັ້ງປະຕິບັດມາແຕ່ ປີ 2020 ເປັນຕົ້ນມາ ໂດຍມີ 3 ບໍລິສັດຮັບເໝົາກໍ່ສ້າງ ຄື: ບໍລິສັດຮ່ວມມືເສດຖະກິດ-ທະຫານຂດ 4 ຮັບຜິດຊອບການກໍ່ສາຕຶກອາຄານ, ບໍລິສັດ ຮຸນສ່ວນລົທຶນການຄາ ແລະ ກໍ່ສາຮົ່ງຮ່າ ຮັບຜິດຊອບວຽກຕິດຕັ້ງເສົາອັງແຕນ ແລະ ອຸປະກອນເຄື່ອງຮັບ-ສົ່ງສັນ ຍານ ວິທະຍຸ-ໂທລະພາບ ແລະ ບໍລິສັດ ໂກເອກໂກລາວ ແມ່ນຮັບຜິດຊອບຮ່ວງທຶນສົມທົບຂອງລັດຖະບານ ໂຄງການດັ່ງກ່າວປະກອບມີ: ອາຄານຫໍພັກພະນັກ ງານ 4 ຫ້ອງ,ອາຄານຫ້ອງສົ່ງ ແລະ ອາຄານສຳນັກງານເປັນອາຄານສອງຊັ້ນ, ມີປ່ອມຍາມ, ເຄື່ອງຈັກໄຟຟ້າສຳຮອງ, ອ່າງເກັບ ແລະ ເຈາະນໍ້າບາດານ, ກຳແພງເບຕົງເສີມເຫຼັກອ້ອມຈອດສະຖານີ, ເສົາອັງແຕນສູງ 75 ແມັດ, ຕິດຕັ້ງອຸປະກອນເຄື່ອງຮັບ-ສົ່ງສັນຍານ ແລະ ດຶງສາຍໄຟຟາເຊື່ອມເຂົ້າຫ້ອງສົ່ງ, ຕິດຕັ້ງອຸປະກອນເຄື່ອງສົ່ງສັນຍານວິທະຍຸ ກຳລັງສົ່ງ 10 Kw, ຄື້ນຄວາມຖີ່ FM 104,5Mhz ໃນນັ້ນ ລາຍການວິທະຍຸມີທັງໝົດ 15 ລາຍການ ສຳລັບອຸປະກອນເຄື່ອງຮັບສົ່ງໂທລະພາບ ຄື້ນຄວາມຖີ່ 674 Mhz, ກໍາລັງສົ່ງ 1,1 Kw ຊ່ອງ 33 ເປັນລະບົບດີຈີຕອນ ສຳລັບລາຍການໂທລະພາບ ມີ 6 ລາຍການ.
ຈາກນັ້ນ ທ່ານ ໂພສີ ແກ້ວມະນີວົງ, ຮອງລັດຖະມົນຕີກະຊວງ ຖວທ ໄດ້ມີຄໍາເຫັນວ່າ: ໂຄງການກໍ່ສ້້າງສະຖານີວິທະຍຸ- ໂທລະພາບ ແຂວງໄຊສົມບູນ ກໍເພື່ອຜັນຂະຫຍາຍໂຄສະນາເຜີຍ ແຜ່ແນວທາງນະໂຍບາຍຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດຖະບານ ກໍຄືຂອງແຂວງ ໃນການສ້າງສາພັດທະນາປະເທດຊາດ ແລະ ຂໍ້ມູນຂ່າວສານຕ່າງໆ ທີ່ເປັນປະໂຫຍດລົງສູ່ປະຊາຊົນພາຍໃນແຂວງ ໃຫ້ຮັບຮູ້ຢ່າງກວ້າງຂວາງ ແລະ ທົ່ວເຖິງ ເພື່ອນຳເອົາປະຊາຊົນຫຼຸດພົ້ນອອກຈາກຄວາມທຸກຍາກ ແລະ ນຳພາປະເທດຊາດ ຫຼຸດພົ້ນອອກຈາກສະຖາ ນະພາບປະເທດດ້ອຍພັດທະນາ ເທື່ອລະກ້າວ ນອກຈາກນີ້ ກໍເພື່ອພັດທະນາສື່ມວນຊົນລາວໃຫ້ມີຄຸນນະພາບ, ເປັນລະບົບ ທັນສະໄໝ, ວ່ອງໄວ, ຊັດເຈນ ແລະ ທັນເຫດການ; ສືບຕໍ່ສ້າງໃຫ້ສື່ມວນຊົນລາວ ເປັນກະບອກສຽງອັນແຫຼມຄົມຂອງ ພັກ-ລັດ ທັງລວງເລິກ ແລະ ລວງກວ້າງ ມີຄວາມຫຼາກຫຼາຍທັງຄົບຖ້ວນດ້ານເນື້ອໃນ, ເປັນແຫຼ່ງ ສະໜອງຂໍ້ມູນຂ່າວສານ ແລະ ໃຫ້ສາລະຄວາມຮູ້ຢ່າງຮອບດ້ານ.
ໃນໂອກາດດຽວກັນ ທ່ານ ພອຍຄຳ ຮຸ່ງບຸນຍວງ ເຈົ້າແຂວງໄຊສົມບູນ ໄດ້ມີຄຳເຫັນ ທ່ານໄດ້ສະແດງຄວາມຂອບໃຈ ແລະ ຮູ້ບຸນຄຸນຢ່າງລົ້ນເຫຼືອຕໍ່ພັກ-ລັດ ຖະບານ ສສ ຫວຽດນາມ ກໍຄືຄະນະພັກ ຄະນະນຳ ຂອງສະຖານີວິທະຍຸ- ໂທລະ ພາບ ແຫ່ງຊາດ ສສ ຫວຽດນາມ ທີ່ໄດ້ເປັນຫ່ວງ ເປັນໄຍ ແລະ ຊ່ວຍເຫຼືອ ແຂວງໄຊສົມບູນ ມາໂດຍຕະຫຼອດ ຊຶ່ງເປັນການປະກອບສ່ວນອັນສຳຄັນເຂົ້າໃນການພັດທະນາເສດຖະກິດ-ສັງຄົມ ຂອງແຂວງ ພິເສດ ສະຖານີວິທະຍຸ-ໂທ ລະພາບ ແຂວງໄຊສົມບູນ ແຫ່ງນີ້ ຈະກາຍເປັນສັນຍາລັກແຫ່ງຄວາມສາມັກຄີອັນດູດດືມ ແລະ ການພົວພັນຮ່ວມມື ລະຫວ່າງສອງພັກ-ສອງລັດ ແລະ ປະຊາຊົນ ສອງຊາດລາວ-ຫວຽດນາມ, ຫວຽດນາມ-ລາວ ໃຫ້ໝັ້ນຄົງທະນົງແກ່ນຕະຫຼອດໄປ.
ຈາກນັ້ນ ຕາງໜ້າການນຳລັດຖະບານລາວ ແລະ ຫວຽດນາມ ໄດ້ພ້ອມກັນລົງນາມເຊັນບົດບັນທຶກມອບ-ຮັບໂຄງການດັ່ງກ່າວ ພ້ອມທັງຮ່ວມຕັດແຖບຜ້າ, ເປີດປ້າຍ ແລະ ລັ່ນຄ້ອງ 9 ບາດ ເພື່ອເປັນສິລິມຸງຄຸນ ເປີດນຳໃຊ້ຢ່າງເປັນທາງການ ຫຼັງຈາກນັ້ນ ຜູ້ແທນຍັງໄດ້ ທ່ຽວຊົມຕຶກ ອານຄານ ແລະ ຫ້ອງເຮັດວຽກຂອງສະຖານີວິທະຍຸ-ໂທລະພາບ ແຂວງ ຕື່ມອີກ.
ຂ່າວ: ພຸດທະສອນ ເວດສະວົງ
May be an image of 9 people and text
May be an image of 4 people and temple
May be an image of 16 people and text
May be an image of 5 people, dais and text
May be an image of 7 people and text
May be an image of 11 people, suit and newsroom
May be an image of 3 people, newsroom and text
May be an image of 5 people and text
May be an image of 9 people and text
May be an image of 3 people