ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ພິທີສະເຫລີມສະຫລອງ ວັນສ້າງຕັ້ງສູນກາງແນວລາວສ້າງຊາດ ຄົບຮອບ 70ປີ ຈະມີຜູ້ແທນເຂົ້າຮ່ວມທັງມົດ 400 ກວ່າຄົນ

ມາຮອດປະຈຸບັນ ການຫ້າງຫາກະກຽມຄວາມພ້ອມດ້ານຕ່າງໆ ເພື່ອສະເຫຼີມສະຫຼອງວັນສ້າງຕັ້ງສູນກາງແນວລາວສ້າງຊາດ ວັນທີ 13 ສິງຫາ ຄົບຮອບ 70 ປີ, ເຊິ່ງຈະຈັດຂຶ້ນໃນວັນທີ 13 ສິງຫາໜ້ານີ້ ໄດ້ສຳເລັດແລ້ວເປັນສ່ວນໃຫຍ່, ໂດຍຈະມີແຂກຮັບເຊີນເຂົ້າຮ່ວມປະມານ 400 ກວ່າຄົນ,
ໃນໂອກາດໃຫ້ສຳພາດຕໍ່ສື່ມວນຊົນໃນຕອນບ່າຍວັນທີ 28 ກໍລະກົດນີ້, ທ່ານ ຄຳໃບ ດຳລັດ ກຳມະການສູນກາງພັກ ຮອງປະທານຜູ້ປະຈຳການສູນກາງແນວລາວສ້າງຊາດໃຫ້ຮູ້ວ່າ: ມາຮອດປະຈຸບັນໄດ້ສຳເລັດການແຕ່ງຕັ້ງອະນຸກຳມະການຮັບຜິດຊອບແຕ່ລະໜ້າວຽກ ເປັນທີ່່ຮຽບຮ້ອຍແລ້ວ ເປັນຕົ້ນ: ພາກສ່ວນເນື້ອໃນ, ຂະບວນການ, ບຸກຄະລາກອນ, ພາກສ່ວນພິທີກອນ ສະຖານທີ່ ແລະ ອື່ນໆ.
ຮອງປະທານຜູ້ປະຈຳການສູນກາງແນວລາວສ້າງຊາດໃຫ້ຮູ້ຕື່ມວ່າ: ສ່ວນວັນທີ 13 ສິງຫານີ້ ຕອນເຊົ້າ ຈະມີພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 70 ປີ ຢູ່ຫໍປະຊຸມແຫ່ງຊາດ, ໂດຍຈະມີການສະເໜີປະຫວັດຫຍໍ້ມູນເຊື້ອແນວລາວສ້າງຊາດ ແລະ ມອບຫຼຽນຄຳແຫ່ງຊາດ ໃຫ້ສູນກາງແນວລາວສ້າງຊາດ ນອກຈາກນີ້ຍັງຈະໄດ້ຮັບຟັງການໂອ້ລົມ ຂອງເລຂາທິການໃຫຍ່ ຄະນະບໍລິຫານງານສູນກາງພັກປະທານປະເທດ.