ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ພິທີສະເຫຼີມສະຫຼອງປີທ່ອງທ່ຽວລາວ 2024 ແລະ ງານທ່ຽວຊົມດອກຄາຍປ່າ ແລະດອກຊາກຸຣະທີ່ແຂວງຫົວພັນ ຈັດຂື້ນຢ່າງເປັນທາງການໃນວັນທີ 12 ມັງກອນ 2024, ທີ່ສວນແກ້ວຫລັກເມືອງ ເມືອງຊໍາເໜືອ ໂດຍມີທ່ານ ນາງ ສວນສະຫວັນ ວິຍະເກດ, ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະທ່ອງທ່ຽວ, ນາງ ກ້ຽວທິ ຮັງຟຸກ ຫົວໜ້າສະຖານກົງສຸນໃຫຍ່ຫວຽດນາມ ປະຈຳພາກເໜືອ, ທ່ານ ຕ່ຽວ ໝິງ ຮອງຫົວໜ້າກົງສຸນໃຫຍ່ຈີນ ປະຈຳພາກເໜືອລາວ ພ້ອມດ້ວຍບັນດາທ່ານເຈົ້າແຂວງ, ຮອງ ເຈົ້າແຂວງທົ່ວປະເທດ, ຄະນະປະຈຳພັກແຂວງ, ເຈົ້າເມືອງ, ພະແນກການ, ພະນັກງານ-ລັດຖະກອນ, ທະຫານ-ຕຳຫຼວດ ແລະ ພໍ່ແມ່ປະຊາຊົນຊາວແຂວງຫົວພັນເຂົ້າຮ່ວມ.
ໃນພິທີຜູ້ເຂົ້າຮ່ວມໄດ້ຮັບຟັງການລາຍງານກ່ຽວກັບການກະກຽມຄວາມພ້ອມໃນການສະເຫລີມສະ ຫລອງປີທ່ອງທ່ຽວລາວ 2024 ແລະ ງານທ່ຽວຊົມດອກຄາຍປ່າ ແລະດອກຊາກຸຣະທີ່ແຂວງຫົວພັນໃນໄລຍະຜ່ານມາ ຈາກທ່ານ ນາງ ໝັ້ນ ເພັງຄັດທິຍະ, ຫົວໜ້າພະແນກຖະແຫລງຂ່າວ, ວັດທະນະທໍາ ແລະທ່ອງທ່ຽວ ໂດຍທ່ານໄດ້ຍົກໃຫ້ເຫັນບັນດາກິດຈະກຳປີທ່ອງທ່ຽວລາວ 2024 ໃນແຕ່ລະເດືອນ ພ້ອມທັງໂຄສະນາເຜີຍແຜ່ບັນດາກິດຈະກຳທ່ອງທ່ຽວທັງພາຍໃນ ແລະຕ່າງປະເທດ ໂດຍສະເພາະແຂວງທີ່ມີຊາຍແດນຕິດຈອດກັນ ເປັນຕົ້ນງານວາງສະແດງສິນຄ້າ, ການໂຄສະນາການທ່ອງທ່ຽວ, ງານປະກວດນາງສາວດອກຄາຍປ່າ, ການຊິມອາຫານ 9 ເຜົ່າຂອງແຂວງຫົວພັນ, ກິດຈະກຳຍ່າງເພື່ອສຸຂະພາບ, ກິດ ຈະກຳຖ່າຍຮູບຢູ່ສວນສາທາລະນະຫົວພັນ-ກວາງນິງ ແລະ ສວນດອກຊາກຸຣະທີ່ເມືອງວຽງໄຊ, ແຂ່ງ ຂັນກິລາພື້ນເມືອງ, ບຸນກິນຈຽງເຜົ່າມົ້ງບ້ານຫົວຄັງ ແລະກິດຈະກຳອື່ນໆຕະຫລອດປີ 2024 ແນໃສ່ເພື່ອດຶງດູດນັດທ່ອງທ່ຽວທັງພາຍໃນ ແລະຕ່າງປະເທດໃຫ້ເຂົ້າມາທ່ຽວແຂວງຫົວພັນຫລາຍຂື້ນ.
ຈາກນັ້ນທ່ານ ຄໍາແພງ ໄຊສົມແພງ ເຈົ້າແຂວງຫົວພັນໄດ້ມີຄໍາເຫັນ ແລະກ່າວເປີດງານຢ່າງເປັນທາງການ ໂດຍທ່ານຊີ້ໃຫ້ເຫັນວ່າ: ການຈັດປີທ່ອງທ່ຽວລາວ2024 ຂອງແຂວງຫົວພັນ ເພື່ອໂຄສະນາດຶງດູດໃຫ້ນັກທ່ອງທ່ຽວພາຍໃນ ແລະ ຕ່າງປະເທດ ມາທ່ຽວແຂວງຫົວພັນນັບມື້ຫຼາຍຂຶ້ນເທື່ອ ທັງເປັນການສ້າງວຽກເຮັດງານທໍາໃຫ້ແກ່ສັງຄົມປະກອບສ່ວນແກ້ໄຂຄວາມທຸກຍາກໃຫ້ແກ່ປະຊາຊົນເທື່ອລະກ້າວ. ໃນປີ 2023 ຜ່ານມາມີນັກທ່ອງທ່ຽວເຂົ້າມາທ່ຽວແຂວງຫົວພັນ ຈຳນວນ 45.000 ກວ່າເທື່ອຄົນ ສາມາດສ້າງລາຍຮັບໄດ້ຫຼາຍກ່ວາ 32 ຕື້ກ່ວາກີບ. ຄາດວ່າປີ 2024 ນີ້ຈະມີນັກທ່ອງທ່ຽວເຂົ້າມາ ທ່ຽວ ແຂວງຫົວພັນ ຫຼາຍກວ່າ 47 ພັນກວ່າຄົນ ແລະສ້າງລາຍຮັບໃຫ້ໄດ້ 50 ຕື້ກ່ວາກີບ.
ວຽກງານທ່ອງທ່ຽວໃນປະຈຸບັນກຳລັງມີທ່າແຮງຂະຫຍາຍຕົວຢ່າງໄວວາ ແລະ ກໍ່ແມ່ນຂະແໜງໜຶ່ງທີ່ມີບົດບາດສຳຄັນໃນການພັດທະນາເສດຖະກິດ-ສັງຄົມຂອງຊາດ, ເປັນອຸດສະຫະກຳໜຶ່ງທີ່ປອດຄັວນ ພິດ ເຊິ່ງໄດ້ກະຕຸກຊຸກຍູ້ໃຫ້ບັນດາຂະແໜງການອື່ນ ໄດ້ມີສ່ວນຮ່ວມໃນການພັດທະນາໄປພ້ອມໆກັນ, ເປັນການສ້າງວຽກເຮັດງານທຳໃຫ້ແກ່ປະຊາຊົນ, ສ້າງໃຫ້ປະຊາຊົນມີລາຍຮັບເພີ່ມຂຶ້ນ, ພ້ອມກັນນັ້ນ ຍັງເປັນການອະນຸລັກຮັກສາວັດທະນະທຳ ແລະ ຮີດຄອງປະເພນີອັນດີງາມໄວ້ໃຫ້ຊາວໂລກໄດ້ຮັບຮູ້ອີກດ້ວຍ.
ເຈົ້າແຂວງຫົວພັນເຊື່ອໝັ້ນວ່າການຈັດງານໃນຄັ້ງນີ້ ຈະເປັນການສົ່ງເສີມພັດທະນາການທ່ອງທ່ຽວ ແລະ ໂຄສະນາດຶງດູດເອົານັກທ່ອງທ່ຽວທັງພາຍໃນ ແລະ ຕ່າງປະເທດ ເຂົ້າມາທ່ຽວແຂວງຫົວພັນໃຫ້ ນັບມື້ນັບຫຼາຍຂຶ້ນ. ພ້ອມກັນນັ້ນ, ກໍ່ຂໍຮຽກຮ້ອງມາຍັງທຸກພາກສ່ວນ ຈົ່ງພ້ອມກັນອະນຸລັກຮັກສາຮີດ ຄອງປະເພນີອັນດີງາມຂອງປະຊາຊົນບັນດາເຜົ່າທີ່ມີມູນເຊື້ອມາແຕ່ດົນນານ, ຮັດແໜ້ນຄວາມສາມັກ ຄີປອງ ດອງຂອງຄົນພາຍໃນຊາດ ແລະໂຄສະນາແລກປ່ຽນບົດຮຽນສືບສານດ້ານວັດທະນະທຳເຊິ່ງກັນ ແລະ ກັນ ຢ່າງເປັນປົກກະຕິ.
ພິທີສະເຫຼີມສະຫຼອງປີທ່ອງທ່ຽວລາວ 2024 ແລະ ງານທ່ຽວຊົມດອກຄາຍປ່າ ແລະດອກຊາກຸຣະທີ່ແຂວງຫົວພັນ ຄັ້ງນີ້ຜູ້ເຂົ້າຮ່ວມຍັງໄດ້ຮັບຊົມການສະແດງສິນລະປະບັນດາເຜົ່າ, ການວາງສະແດງສິນ ຄ້າໜື່ງເມືອງໜື່ງຜະລິດຕະພັນຂອງບັນດາເມືອງພາຍໃນແຂວງ, ຊິມອາຫານ 9 ເຜົ່າຕື່ມອີກ ຊື່ງແຕ່ລະ ລາຍການລ້ວນແຕ່ສ້າງຄວາມປະທັບໃຈໃຫ້ແກ່ຜູ້ເຂົ້າຮ່ວມໄດ້ເປັນຢ່າງດີ.
May be an image of 2 people and text
May be an image of 7 people and text