ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ພິທີປະກາດຮັບຮອງເອົາວັດພຣະທາດພະບາດ-ໂພນສັນເປັນມໍລະດົກແຫ່ງຊາດທາງດ້ານວັດ ທະນະທໍາ ແລະພິທີເປີດປີທ່ອງທ່ຽວລາ2024 ຂອງແຂວງບໍລິຄໍາໄຊ ຈັດຂຶ້ນໃນວັນທີ23 ມັງກອນ 2024 ນີ້ໂດຍການເຂົ້າຮ່ວມຂອງທ່ານກອງແກ້ວ ໄຊສົງຄາມ, ເຈົ້າແຂວງບໍລິຄໍາໄຊ, ມີທ່ານວັນສີກົ່ວມົ່ວ, ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳແລະທ່ອງທ່ຽວ, ເຈົ້າແຂວງໜອງຄາຍຂອງໄທ, ພ້ອມດ້ວຍບັນດາພະແນກການທີ່ກ່ຽວຂ້ອງຈາກສູນກາງ, ແຂວງ, ເມືອງອ້ອມຂ້າງ, ແຂກຮັບເຊີນຕະຫລອດຮອດຊາວຄ້າຂາຍ ແລະ ປະຊາຊົນພາຍໃນແຂວງເຂົ້າຮ່ວມຢ່າງຫລວງຫລາຍ.
ທ່ານ ສົນທອງ ວີບຸນກວ້າງ, ຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ຄະນະຮັບຜິດຊອບຊີ້ນໍາຈັດປີທ່ອງທ່ຽວລາວ 2024 ຂອງແຂວງບໍລິຄໍາໄຊ ມີຄໍາເຫັນວ່າ:ວັດພຣະບາດ-ໂພນສັນເປັນວັດໜຶ່ງທີ່ເກົ່າແກ່ທີ່ສຸດຂອງແຂວງບໍລິຄຳໄຊມີຕໍານານເລົ່າຂານກັນມາເປັນເວລານານກວ່າ 2.500 ປີມາແລ້ວ, ມາຮອດວັນທີ່ 22 ມັງກອນ 2016 ໄດ້ປະກາດຮັບຮອງເປັນມໍລະດົກລະດັບທ້ອງຖິ່ນ.ຍ້ອນມີຄວາມເຫຼື້ອມໃສສັດທາ ແລະເປັນບ່ອນກາບໄຫວ້ສັກກາລະບູຊາຂອງປວງຊົນຊາວບໍລິຄຳໄຊ ກໍ່ຄືປວງຊົນຊາວລາວທັງຊາດ.ເມື່ອເຫັນໄດ້ຄວາມສຳຄັນຄືແນວນັ້ນການນຳຂອງແຂວງຈຶ່ງມີແຜນຍາກຍົກລະດັບສະຖານທີ່ແຫ່ງນີ້ໃຫ້ກາຍເປັນມໍລະດົກລະດັບຊາດ, ມາຮອດປັດຈຸບັນຄົບຮອບ8 ປີພໍດີ, ພາຍຫຼັງການຫ້າງຫາກະກຽມທາງດ້ານນິຕິກຳ ແລະ ຄວາມພ້ອມດ້ານຕ່າງໆເພື່ອສະເໜີຫາກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວອະນຸຍາດ, ຈຶ່ງໄດ້ຈັດພິທີປະກາດຮັບຮອງເອົາວັດພຣະທາດພະບາດ-ໂພນສັນ ເປັນມໍລະດົກລະດັບຊາດທາງດ້ານວັດທະນະທໍາຂື້ນຢ່າງເປັນທາງການ. ສໍາລັບຄໍາຂວັນ ປີທ່ອງທ່ຽວບໍລິຄຳໄຊ ປີນີ້ແມ່ນ: “ທ່ອງທ່ຽວລາວ-ທ່ອງທ່ຽວບໍລິຄໍາໄຊອົບອຸ່ນໄປກັບ ວັດທະນະທໍາ, ຊື່ນໃຈໄປນໍາທໍາມະຊາດ” ໂດຍໄດ້ກຳນົດເອົາ 13ກິດຈະກໍາ, ໃນນີ້ມີ 1 ກິດຈະກຳລະດັບຊາດ ເເລະ 6 ກິດຈະກໍາລະດັບເເຂວງ, 6 ກິດຈະກໍາລະດັບເມືອງ, ເພື່ອສ້າງຂະບວນການໃຫ້ຟົດຟື້ນໃນຂອບເຂດທົ່ວແຂວງ ຕະຫຼອດຮອດຂັ້ນເມືອງທ່າເເຮງຂອງການທ່ອງທ່ຽວຂອງບັນດາເມືອງເພື່ອເຊີນຊວນໃຫ້ນັກທ່ອງທ່ຽວເຂົ້າໄປທ່ຽວຊົມໃຫ້ບັນລຸຄາດໝາຍວາງໄວ້.
ໃນພິທີຄັ້ງນີ້ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄໍາໄຊມີຄໍາເຫັນວ່າ: ປີ 2024 ເປັນອີກປີໜື່ງທີ່ລາວໄດ້ກຳນົດເປັນປີທ່ອງທ່ຽວລາວພາຍໃຕ້ຄໍາຂວັນ:“ທ່ອງທ່ຽວລາວປອດໄພ, ຊື່ນໃຈໃນວັດທະນະທຳ, ທຳມະຊາດເເລະປະຫວັດສາດ” ແລະສັນຍາລັກ “ຊ້າງເຜືອກງວງກ້ຽວແຄນລາວ” ສໍາລັບແຂວງບໍລິຄໍາໄຊ ໄດ້ກໍານົດຄໍາຂວັນທີ່ຈະນໍາໃຊ້ໃນການໂຄສະນາວ່າ: “ທ່ອງທ່ຽວລາວ – ທ່ອງທ່ຽວບໍລິຄໍາໄຊ ອົບອຸ່ນໄປກັບວັດທະນະທໍາຊື່ນໃຈໄປນໍາທໍາມະຊາດ”ການຈັດກິດຈະກໍາສົ່ງເສີມການທ່ອງທ່ຽວປີ 2024 ເປັນການສ້າງຄວາມຮັບຮູ້ເຖິງຄວາມອຸດົມສົມບູນດ້ານທໍາມະຊາດທີ່ສວຍສົດງົດງາມ ແລະ ວັດທະນະທໍາອັນເປັນເອກະລັກໂດດເດັ່ນຂອງແຂວງພວກເຮົາ ເພື່ອດຶງດູດແຂກພາຍໃນ ແລະ ຕ່າງປະເທດໃຫ້ໄປທ່ຽວຊົມ ແລະ ສ້າງລາຍຮັບໃຫ້ປະຊາຊົນທ້ອງຖິ່ນ, ປະກອບສ່ວນສ້າງຄວາມເຂັ້ມແຂງໃຫ້ລະບົບເສດຖະກິດແຫ່ງຊາດ,ປີ 2024 ຖືເປັນປີເລີ່ມຕົ້ນໃນການຈັດກິດຈະກໍາໃຫຍ່ ເພື່ອປະກາດໃຫ້ຊາວໂລກໄດ້ຮັບຮູ້ວ່າ: ລາວພ້ອມແລ້ວທີ່ຈະຮັບນັກທ່ອງທ່ຽວຈາກທຸກຊາດທຸກລະດັບຫຼັງຈາກຜ່ານພົ້ນວິກິດໂລກລະບາດ ແລະ ບັນຫາເສດຖະກິດ, ໃນ13 ກິດຈະກໍາຂອງແຂວງບໍລິຄໍາໄຊ ທັງລະດັບຊາດ, ລະດັບແຂວງ ແລະ ລະດັບເມືອງແມ່ນກະຈາຍໄປຢູ່ໃນທຸກເມືອງທົ່ວແຂວງ ສະນັ້ນ, ທຸກພາກສ່ວນຕ້ອງຮ່ວມກັນເປັນເຈົ້າພາບທີ່ດີປະກອບສ່ວນຕ້ອນຮັບນັກທ່ອງທ່ຽວໃຫ້ເກີດຄວາມປະທັບໃຈ, ປົກປັກຮັກສາຊັບພະຍາກອນການທ່ອງທ່ຽວດ້ານທໍາມະຊາດ ແລະ ວັດທະນະທໍາໃຫ້ຍືນຍົງ ສ້າງຄວາມອຸ່ນໃຈໃຫ້ແກ່ນັກທ່ອງທ່ຽວທັງພາຍໃນ ແລະ ຕ່າງປະເທດຫລາຍກວ່າເກົ່າ
ພິທີປະກາດຮັບຮອງເອົາວັດພຣະທາດພະບາດ-ໂພນສັນເປັນມໍລະດົກແຫ່ງຊາດ ລະດັບຊາດ ທາງດ້ານວັດທະນະທໍາແລະ ພິທີເປີດປີທ່ອງທ່ຽວລາວ-ທ່ອງທ່ຽວລາວ2024 ຂອງແຂວງບໍລິຄໍາໄຊປີ້ນີ້ໄດ້ດໍາເນີນເປັນເວລາ 4 ວັນ ລະຫວ່າງວັນທີ 22 ຫາ 25 ມັງກອນນີ້ ໂດຍໄດ້ຈັດຫລາຍກິດຈະກໍາເປັນຕົ້ນ: ການປະກວດສິລະປະວັນນະຄະດີ, ການແຂ່ງຂັນຮ້ອງເພງ ແລະ ການຟ້ອນຂອງນ້ອງນັກຮຽນຈາກໂຮງຮຽນຕ່າງໆພາຍໃນເມືອງທ່າພະບາດພ້ອມທັງການປະກວດຂັບລໍາທ້ອງຖິ່ນ, ເດີນແບບຊົນເຜົ່າພາຍໃນເມືອງ ແລະ ຊົມການສະແດງກາຍະສິນຈາກສູນກາງ ເພື່ອເປັນການໂຄສະນາເຜີຍແຜ່ວັດທະນະທໍາອັນດີງາມຂອງຊາດລາວ, ງານວາງສະແດງສິນຄ້າ. ຕອນທ້າຍຍັງໄດ້ມີພິທີມອບໃບຢັ້ງຢືນມໍລະດົກລະດັບຊາດ ເປັນກິດຈະກໍາທີ່ສໍາຄັນທີ່ສຸດຂອງແຂວງມາທ່ຽວຊົມງານໄດ້ສໍາພັດ ຕີຄ້ອງ 9 ບາດ ເພື່ອເອົາເລີກເອົາໄຊ ແລະ ຮ່ວມກັນເບີກບານມ່ວນຊື່ນ.%
ຂ່າວວິທະຍຸກະຈາຍສຽງແຫ່ງຊາດລາວ ( ວສລ )
See Translation
May be an image of one or more people and dais