ວັັນທີ່ 3 ກໍລະກົດ 2023 ຢູ່ທີ່ເມືອງວຽງໄຊ ແຂວງຫົວພັນ ໄດ້ຈັດພິທີ ເປີດໂຄງການກໍ່ສ້າງສໍານັກງານ ອົງການປົກຄອງເມືອງວຽງໄຊ ແຂວງຫົວພັນ ຫຼັງໃໝ່ຢ່າງເປັນທາງການ, ພິທີໄດ້ຈັດຂື້ນຢູ່ສະຖານທີ່ຂອງການກໍ່ສ້າງ, ທີ່ບ້ານນາໄກ່, ເມືອງວຽງໄຊ. ສໍານັກງານອົງການປົກຄອງເມືອງວຽງໄຊຫຼັງໃໝ່, ມີເນື້ອທີ່ ການກໍ່ສ້າງ ທັງໝົດ 100 x 120 ແມັດ, ເປັນອາຄານ 4 ຊັ້ນ, ຍາວ 64 ແມັດ 85 ຊັງຕີແມັດ, ກວ້າງ 26 ແມັດເຄິ່ງ, ປະກອບມີຫ້ອງເຮັດວຽກ 31 ຫ້ອງ, ຫ້ອງນໍ້າພາຍໃນອາຄານ 13 ຫ້ອງ, ຫ້ອງປະຊຸມໃຫ່ຍ 1 ຫ້ອງ, ຫ້ອງປະຊຸມນ້ອຍ 4 ຫ້ອງ, ມີມູນຄ່າການກໍ່ສ້າງໃນເບື້ອງຕົ້ນແມ່ນ 50 ຕື້ດົງ, ເຊີ່ງເປັນທືນຊ່ວຍເຫຼືອຈາກແຂວງແທັງຮວ່າ ສສ ຫວຽດນາມ,ໂດຍແມ່ນຫ້ອງວ່າການແຂວງຫົວພັນເປັນເຈົ້າຂອງໂຄງການ ແລະ ມອບໃຫ້ ບໍລິສັດ ຮືງຟາດ ກໍ່ສ້າງຈໍາກັດ ເປັນຜູ້ຮັບເໝົາກໍ່ສ້າງ, ເຊີ່ງມີໄລຍະຂອງການກໍ່ສ້າງແມ່ນ 3ປີ ( 2023-2025 ) ເປັນກຽດເຂົ້າຮ່ວມເປີດໂຄງການກໍ່ສ້າງໃນຄັ້ງນີ້ ມີທ່ານ ຄໍາໂຮມ ມີໄຊ ເຈົ້າເມືອງໆ ວຽງໄຊ,ມີຫົວໜ້າ, ຮອງຫົວໜ້າພະແນກການທີ່ກ່ຽວຂ້ອງຂັ້ນແຂວງ, ຫົວໜ້າຮອງຫົວໜ້າຫ້ອງການເມືອງວຽງໄຊ, ບໍລິສັດຮັບ ເໝົາກໍ່ສ້າງເຂົ້າຮ່ວມນໍາ.
