ພິທີເປີດໂຄງການຂຸດຄົ້ນແຮ່ ການາລາຍ ແລະ ການປຸງແຕ່ງເປັນໂປຕາສ໌ຊຽມອໍລາຍສ໌

ໃນພິທີ ທ່ານ ຫຼີຢູນເວິນ ປະທານ ບໍລິສັດພັດທະນາ ລົງທຶນບໍ່ແຮ່ລາວ-ຈີນຢຸນນານ ຈໍາກັດໄດ້ມີຄວາມເຫັນວ່າ: ບໍລິສັດ ປຸຍກາລີ ລາວ-ຈີນ ແມ່ນບໍລິສັດລູກ ຂອງບໍລິສັດພັດທະນາລົງທຶນບໍ່ແຮ່ລາວ-ຈີນຢຸນນານ ຈໍາກັດ ຂອງກຸ່ມບໍລິສັດຢຸນທຽນຮວາ, ເຊິ່ງມີໜ້າທີ່ຮັບຜິດຊອບໃນການພັດທະນາກໍ່ສ້າງໂຄງການປຸຍກາລີຢູ່ລາວ,ແລະດຳເນີນກິດ ຈະການ ການຜະລິດ.ປຸຍກາລີ ລາວ-ຈີນໄດ້ເຮັດການຄົ້ນຄ້ວາທົດລອງວິທີການປຸງແຕ່ງ KCl ຈາກແຮ່ເກືອໂປຕາສ, ພັດທະ ນາເຕັກນິກການທົດລອງແບບຈີນ ແລະ ໂຄງການແບບຈຳລອງການນຳໃຊ້ເຕັກນິກອັນທັນສະໄໝໃນການຂຸດຄົ້ນປຸງແຕ່ງແຮ່ເກືອໂປຕາສ ຫົົກແສນຫ້າໝື່ນໂຕນຕໍ່ປີຫຼື KCl ຫ້າໝື່ນໂຕນຕໍ່ປີ ທີ່ມີຄຸນນະພາບສູງ ໄດ້ເປັນອັນສໍາເລັດແລ້ວ. ຜ່ານ ຄົ້ນຄ້ວາມາຫຼາຍປີ, ແມ່ນສາມາດເກັບກຳຂໍ້ມູນທີ່ເປັນບ່ອນອີງທາງດ້ານເຕັກນິກແລະພື້ນຖານການປຸງ ແຕ່ງແລະຂຸດຄົ້ນ, ແລະເປັນບ່ອນອີງທີ່ສະໜອງຂໍ້ມູນຈາກປະສົບການແລະເຕັກນິກໃຫ້ແກ່ການຂຸດຄົ້ນພັດທະນາແລະນຳໃຊ້ແຮ່ເກືອໂປຕາສແບບຂະໜາດໃຫຍ່.

ໂຄງການຂຸດຄົ້ນແຮ່ທີ່ມີສຳນັກງານ ຢູ່ບ້ານ ທົ່ງມັ່ງ ເມືອງໄຊທານີ ນະ ຄອນຫຼວງວຽງຈັນ, ມີຄວາມສາມາດຂຸດຄົ້ນ ການາລາຍ ໄດ້ 4 ລ້ານໂຕນຕໍ່ປີ ແລະ ປຸງແຕ່ງເປັນໂປຕາສຊຽມຄລໍໄຣ ໄດ້ 5 ແສນໂຕນຕໍ່ປີ, ແມ່ນໄດ້ຮັບ ການສະໜັບສະໜູນຢ່າງແຂງແຮງຂອງລັດຖະບານລາວແລະລັດຖະບານຈີນ, ສຳຫຼັບການຂຸດຄົ້ນເກືອໂປຕາສໃນຈີນ ແລະ ລາວ, ບໍລິສັດ ບໍ່ແຮ່ ປຸຍກາລີ ລາວ-ຈີນ ຈໍາກັດຜູ້ດຽວ ຈະສືບຕໍ່ຢຶດຫມັ້ນແນວຄວາມຄິດຂອງ ການ ສ້າງຕັ້ງວິສາຫະກິດສີຂຽວ, ເສີມສ້າງວິສາຫະກິດດ້ວຍນະວັດຕະກຳໃຫມ່, ພັດທະນາວິສາຫະກິດໂດຍການແບ່ງປັນ.

ໂອກາດເຂົ້າຮ່ວມເປີດໂຄງການ ທ່ານ ດາວວົງ ພອນແກ້ວ ລັດຖະມົນຕີ ກະຊວງພະລັງງານ ແລະບໍ່ແຮ່ ໄດ້ມີຄວາມເຫັນວ່າ: ໂຄງການຂຸດຄົ້ນ ແຮ່ ການາລາຍ ແລະ ປຸງແຕ່ງເປັນໂປຕາສຊຽມຄລໍໄຣ ໃນ ສປປ ລາວ ໄດ້ມີການສຶກສາສຳຫຼວດ ມາດົນສົມຄວນແລ້ວ ແລະຖຶກກຳນົດໄວ້ໃນແຜນຍຸດທະສາດ ການພັດທະນາວຽກງານປຸງແຕ່ງບໍ່ແຮ່ແຕ່ນີ້ ຮອດປີ 2025. ເຊິ່ງເປັນໂຄງການທີ່ນຳໃຊ້ເຕັກນິກທີ່່ທັນສະໄໝ, ນຳໃຊ້ທຶນກໍ່ສ້າງສູງ, ມີລັກສະນະຄົບວົງຈອນ ແລະເປັນມິດກັບສິ່ງແວດລ້ອມ ແລະຈະເປັນເງື່ອນໄຂ ແລະສ່ວນປະກອບທີ່ສຳຄັນເຂົ້າໃນການພັດທະນາອຸດສະຫະກຳແຮ່ທາດ ກໍ່ຄືການພັດທະນາເສດຖະກິດສັງຄົມຂອງປະເທດຊາດໃນສະເພາະໜ້າແລະຍາວນານ.

ທ່ານ ຈ້າວເວີນຢູ ທີ່ປຶກສາເສດຖະກິດການຄ້າ ສະຖານທູດ ສປ ຈີນ ປະຈໍາ ສປປ ລາວ ກະໄດ້ໃຫ້ກຽດຂຶ້ນມີຄວາມເຫັນຕໍ່ພິທີ ທ່ານ ກ່າວວ່າ: ການຮ່ວມມື ທາງດ້ານການຂຸດຄົ້ນບໍ່ແຮ່ລະຫວ່າງສອງປະເທດຈີນ-ລາວ ໄດ້ຮັບການພັດທະນາຢ່າງວ່ອງໄວ ເຊິ່ງໄດ້ປະກອບສ່ວນອັນສຳຄັນເຂົ້າໃນການຟື້ນຟູເສດຖະກິດຂອງລາວ, ໂດຍສະເພາະການຮ່ວມມືທາງດ້ານບໍ່ແຮ່ ການາລາຍ ແລະ ປຸງແຕ່ງເປັນໂປຕາສຊຽມຄລໍໄຣ ໄດ້ສະແດງໃຫ້ເຫັນການຮ່ວມມືຂອງສອງປະເທດ, ການຮ່ວມມື ທາງດ້ານບໍ່ແຮ່ ການາລາຍ ແລະ ປຸງແຕ່ງເປັນໂປຕາສຊຽມຄລໍໄຣ, ໄດ້ຜ່ານຄວາມຫຍຸ້ງຍາກ ແລະສິ່ງທ້າທາຍຫຼາຍຢ່າງ ແຕ່ໄດ້ຮັບການປັບປຸງ ທາງດ້ານເຕັກນິກໃຫ້ດີຂຶ້ນຢ່າງຕໍ່ເນື່ອງ ໃນທີ່ສຸດກໍ່ປະສົບຜົນສຳເລັດ, ໂດຍສະເພາະ ດ້ານເຕັກນິກຮັກສາສິ່ງແວດລ້ອມ ແລະດ້ານເຕັກນິກອື່ນຯຕື່ມອີກ, ຈົນກາຍເປັນຕົວແບບທີ່ດີ ແຫ່ງການຮ່ວມມື ແບບເປັນມິດກັບສິ່ງແວດລ້ອມ.