ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ພິທີ​ປິດ​ກອງ​ປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊີຕາເວັນອອກສ່ຽງໃຕ້ ຄັ້ງ​ທີ 41 ທີ່ ສສຫວຽດນາມ.

ໃນ​ລະຫວ່າງ ວັນທີ 08-10 ກັນຍາ 2020 ທີ່ ນະຄອນຫຼວງ​ຮ່າ​ໂນ້ຍ​ ໄດ້​ດຳ​ເນີນກອງປະຊຸມສະມັດຊາໃຫຍ່ລັດຖະ​ສະພາລະຫວ່າງຊາດອາຊີຕາເວັນອອກສ່ຽງໃຕ້ ຄັ້ງທີ 41 (AIPA 41) ດ້ວຍ​ຮູບ​ແບບ​ອອນ​ລາຍ, ພາຍ​​ໃຕ້​ການ​ເຂົ້າ​ຮ່ວມ ​ແລະ ​ເປັນ​ປະທານ​ຂອງ​ທ່ານ ນາງ ຫງວຽນ​ທິກີ​ມ​ເງິນ ປະທານ​ໄອ​ປາ ຄັ້ງ​ທີ 41, ປະທານ​ສະພາ​ແຫ່ງ​ຊາດ ສສ ຫວຽດນາມ ພ້ອມ​ດ້ວຍ​ບັນດາ​ທູ​ຕາ​ນຸທູດ​ຂອງບັນດາ​ປະ​ເທດສະມາຊິກ​ເຂົ້າ​ຮ່ວມ.

​ພາຍຫຼັງ​ທີ່ໄດ້​ດຳ​ເນີນ​ກອງ​ປະຊຸມ​ມາ​ເປັນ​ເວລາ 3 ວັນ ກອງ​ປະ​ຊຸມປິດ​ລົງ​ໃນ​ວັນ​ທີ 10 ກັນຍາ ດ້ວຍ​ຜົນ ສຳ​ເລັດ​ອັນ​ຈົບງາມ, ​​ໃນ​ພິທີປິດໄດ້​ຮັບຮອງ​ເອົາ​ປະ​ເທດ​ໂມ​ໂຣກ​ໂກ (Morocco) ​ແລ​ະ ປະ​ເທດ ນອກ​ແວ (Norway) ​ເປັນ​ປະ​ເທດ​ສັງ​ເກດ​ການ ​ແລະ ​ໄດ້​ມອບ​ລາງວັນ​ປະກອບສ່ວນ​ດີ​ເດັ່ນ​ໃຫ້​ແກ່ ທ່ານ​ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ​ແຫ່ງ ສປປ ລາວ ​ແລະ ທ່ານນາງ ຕ່ອງ​ທິຟ່ອງ ຮອງ​ປະທານ​ສະພາ​ແຫ່ງ​ຊາດ​ຫວຽດນາມ.

​ໃນ​ພິທີ​ມອບ​ຮັບ​ລາງວັນ “ກິ​ຕິ​ມະ​ສັກ​ໄອ​ປາ” ຂອງ​ທ່ານ​ນາງ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ​ແຫ່ງ ສປປ ລາວ ຄະນະ​ປະຈຳ​ສະພາ​ແຫ່ງ​ຊາດ​ແຫ່ງ ສປປ ລາວ ​ໄດ້​ມອບ​ສິດ​ໃຫ້ທ່ານ​ວຽງ​ໄຊ ດາລາ​ແສນ, ອັກຄະ​ລັດຖະທູດທີ່​ປຶກສາ, ອຸປະ​ທູດ​ຊົ່ວຄາວ, ​ສະຖານ​ເອກ​ອັກຄະ​ລັດຖະທູດ​ແຫ່ງ ສປປ ລາວ ປະຈຳ ສສ ຫວຽດນາມ ຂຶ້ນ​ຮັບ​ລາງວັນ​ດັ່ງກ່າວ​ແທນ. ​ ນອກຈາກ​ນັ້ນ ​​ໃນ​ພິທີ​ກໍຍັງ​ໄດ້​ມອບ-​ຮັບ​ປະທານ​ໄອ​ປາ AIPA ຄັ້ງ​ທີ 42 ປີ 2021​ ​ໂດຍ​ແມ່ນ​ປະ​ເທດ ບຣູ​ໄນ​ດາ​ລູຊາ​ລາມ.