ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ພິທີມອບ-ຮັບ ໂຄງການກໍ່ສ້າງສາງເກັບມ້ຽນລົດເຫຼົ່າຮົບຊ່າງແສງ ກອງຮ້ອຍເອກະລາດ 51 ໄດ້ຈັດຂຶ້ນໃນວັນທີ 30 ພຶດສະພາ 2023 ນີ້ ໂດຍການເປັນປະທານຂອງສະຫາຍພົນຕີ ປະສິດ ທ່ຽງທໍາ ກໍາມະການຄະນະປະຈໍາພັກກະຊວງ ຫົວໜ້າກົມໃຫຍ່ເຕັກນິກກອງທັບ, ມີຄະນະອານຸກໍາມະການ, ຕາງໜ້າທີ່ປຶກສາທູດ ຝ່າຍປ້ອງກັນຊາດ ສສ ຫວຽດນາມ ປະຈໍາລາວ ແລະ ພາກສ່ວນທີ່ກ່ງວຂ້ອງເຂົ້າຮ່ວມ.
ເພື່ອເປັນການປະຕິບັດຕາມແຜນການ ຍຸດທະສາດການປັບປຸງ-ກໍ່ສ້າງກຳລັງປະກອບອາວຸດ ເວົ້າລວມ, ເວົ້າສະເພາະ ໃນການປັບປຸງພື້ນຖານໂຄງລ່າງຂອງເຫຼົ່າຮົບຊ່າງແສງ ແລະ ເປັນຈັດຕັ້ງຜັນຂະຫຍາຍແຜນການຮ່ວມມື ທາງດ້ານເຕັກນິກການທະຫານ ລະຫວ່າງເພື່ອນມິດຍຸດທະສາດ ໃນສະເພາະໜ້າ ແລະ ຍາວນານ. ພ້ອມກັນນັ້ນ, ກໍ່ເປັນການຈັດຕັ້ງປະຕິບັດ ສັນຍາຮັບເໝົາໂຄງການກໍ່ສ້າງສາງເກັບມ້ຽນລົດ ລະຫວ່າງ ກົມຊ່າງແສງ ກົມໃຫຍ່ ເສນາທິການ ກອງທັບ(ໃນນາມເຈົ້າຂອງໂຄງການ) ແລະ ບໍລິສັດ ມີໄຊກອນ ກໍ່ສ້າງ ຈຳກັດຜູ້ດຽວ (ໃນນາມຜູ້ຮັບເໝົາ) ໃຫ້ຖືກຕ້ອງຕາມລະບຽບຫຼັກການ ແລະ ຖືກຕ້ອງຕາມກົດໝາຍວາງອອກໃຫ້ປະກົດຜົນເປັນຈີງນັ້ນ. ອີງຕາມສັນຍາຮັບເໝົາໂຄງການກໍ່ສ້າງກະລາລົດຢູ່ສາງເຫຼົ່າຮົບຊ່າງແສງຢູ່ ຄໍ 51, ສະບັບເລກທີ 0505/ມຊກ, ລົງວັນທີ 25 ເມສາ 2022 ແລະ ໄດ້ເລີ່ມຕົ້ນກໍ່ສ້າງ ໃນເດືອນ ເມສາ 2022 ເປັນຕົ້ນມາ ມາຮອດປະຈຸບັນ ໂຄງການກໍ່ສ້າງສາງເກັບມ້ຽນລົດຊ່າງແສງ ໄດ້ມີຜົນສຳເລັດ 100 % ສາມາດມອບ-ຮັບ ແລະ ນໍາໃຊ້ໄດ້ຢ່າງເປັນທາງການ. ເຊີ່ງໂຄງການດັ່ງກ່າວແມ່ນໄດ້ຮັບທຶນຊ່ວຍເຫຼືອຈາກກະຊວງປ້ອງກັນປະເທດ ສສ ຫວຽດນາມ ປະກອບມີ 2 ໜ້າວຽກໃຫຍ່ຄື: ວຽກກໍ່ສ້າງສາງເກັບມ້ຽນລົດ ເບີ01 ຂະໜາດ 28×84 ແມັດ, ວຽກກໍ່ສ້າງສາງເກັບມ້ຽນລົດເບີ 02 ຂະໜາດ 14×100ແມັດ ລວມມູນຄ່າກໍ່ສ້າງທັງໝົດ 13,574, 937,688 ກີບ.
ໂດຍ: ເກນ ວິໄລສານ