ຫໍພິພິດຕະພັນມໍລະດົກທາງວັດທະນະທໍາທີ່ບໍ່ມີຕົວຕົນເຫວ໋ໄຫ່ (Weihai Intangible Cultural Heritage Exhibition Hall ) ຕັ້ງຢູ່ເມືອງ Weihai, ແຂວງຊານຕົງຂອງຈີນ ເຊີ່ງມີເນື້ອທີ່ 800 ຕາແມັດ, ແບ່ງອອກເປັນ 3 ເຂດການວາງສະແດງ ຄື: “ສິນລະປິນຕົ້ນສະບັບ”, “ຄວາມກະຕັນຍູແລະການໄຫວ້ເພື່ອທະເລ” ແລະ ” ຫັດຖະກໍາຂອງມວນມະນຸດ” ທີ່ສະແດງໃຫ້ຮູ້ຈັກກ່ຽວກັບວັດທະນະທໍາທີ່ບໍ່ມີຕົວຕົນຂອງ Weihai ໃນຫລາຍດ້ານ ເປັນຕົ້ນແມ່ນ: ການຜະລິດ ແລະ ຊີວິດການເປັນຢູ່ຂອງທ້ອງຖິ່ນ, ປະເພນີເກົ່າແກ່ດັ້ງເດີມ ແລະ ອື່ນໆ, ໂດຍມີການວາງສະ ແດງຜະລິດຕະພັນຫຼາຍກວ່າ 20 ລາຍການ ເຊີ່ງເປັນມໍລະດົກວັດທະນະທໍາທີ່ບໍ່ມີຕົວຕົນຂອງຊາດ, ແຂວງ ແລະ ນະຄອນ ເຊີ່ງຖືເປັນອີກສະຖານທີ່ສໍາຄັນໜຶ່ງໃຫ້ນັກທ່ອງ ທ່ຽວ ກໍຄື ຜູ້ທີ່ມີຄວາມສົນໃຈໄດ້ທ່ຽວຊົມ ເພາະນອກຈາກໄດ້ ຮຽນຮູ້ກ່ຽວກັບວັດທະນະທໍາທີ່ດີງາມຂອງເມືອງ Weihai ຍັງໄດ້ສໍາຜັດຕົວຈິງຜ່ານການເຂົ້າຮ່ວມກິດຈະກໍາຕ່າງໆ ພາຍໃນຫໍດັ່ງກ່າວນີ້ ເປັນຕົ້ນ: ການແຕ້ມຮູບ, ການປະດິດວັດຖຸສິ່ງຂອງຕ່າງໆ ແລະ ອື່ນໆ.
ດັ່ງນັ້ນ, ຖ້າຫາກໃຜໄດ້ມີໂອກາດເດີນທາງໄປເມືອງ Weihai, ແຂວງຊານຕົງຂອງຈີນ ຢ່າລືມໄປທ່ຽວຊົມຫໍວາງສະແດງມໍລະດົກທາງວັດທະນະທໍາທີ່ບໍ່ມີຕົວຕົນເຫວ໋ໄຫ່ ເພື່ອໃຫ້ຮູ້ຈັກກັບວັດທະນະທໍາດັ້ງເດີມທີ່ດີງາມ ກໍຄື ວິຖີການດໍາລົງີວິດຂອງຊາວ Weihai ທີ່ມີມາແຕ່ບູຮານນະ ການ.
ສໍາລັບເມືອງ Weihai) ເປັນເມືອງທີ່ອ້ອມຮອບດ້ວຍທະເລເຫລືອງທາງທິດເໜືອ, ທິດຕາເວັນອອກ ແລະ ທິດໃຕ້, ມີເນື້ອທີ່ຫລາຍກວ່າ 5.821 ກິໂລຕາແມັດ ແລະ ເນື້ອທີ່ທາງທະເລ 11.400 ກິໂລຕາແມັດ, ເປັນເມືອງໜຶ່ງຂອງຈີນທີ່ມີປະຫວັດສາດມາຍາວນານ ແລະ ມີປະຊາກອນທັງໝົດ 2,9 ລ້ານຄົນ.
