ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກົມພົວພັນຄົນເຊື້ອຊາດລາວ ກະຊວງການຕ່າງປະເທດ ຮ່ວມກັບ ສະມາຄົມການສຶຶກສາພາກເອກະຊົນ ຈັດການເເຂ່ງຂັນບານເຕະມິດຕະພາບ ລະຫວ່າງ ສະມາຄົມການສຶກສາພາກເອກະຊົນລາວ ກັບ ພີ່ນ້ອງເຊື້ອຊາດລາວ ທີ່ມາຈາກສະຫະລັດອາເມລິກາ ໃນຕອນບ່າຍວັນທີ 4 ກຸມພາ 2024ຢູ່ເດີ່ນເຕະບານ ມະຫາວິທະຍາໄລເເຫ່ງຊາດ ວິທະຍາເຂດດົງໂດກ, ນະຄອນຫລວງວຽງຈັນ ໂດຍມີທ່ານ ສີສຸກ ໄຊຍະລາດ ຮອງຫົວຫນ້າກົມພົວພັນຄົນເຊື້ອຊາດລາວຢູ່ຕ່າງປະເທດ ກະຊວງການຕ່າງ ປະເທດ, ທ່ານ ຄໍາເເສນ ສີສະວົງ ປະທານສະມາຄົມການສຶກສາພາກເອກະຊົນລາວ, ທ່ານ ນາງ ຖາວອນ ຊະນະຂຸນເພັດ ຫົວຫນ້າຄະນະນໍາພີ່ນ້ອງເຊື້ອຊາດລາວ ທີ່ມາຈາກສະຫະລັດອາເມລິກາ ພ້ອມດ້ວຍນັກກິລາທັງສອງທີມເຂົ້າຮ່ວມ.
ການຈັດເເຂ່ງຂັນກິລາຄັ້ງນີ້ ເພື່ອຮັດເເຫນ້ນຄວາມສາມັກຄີຮັກເເພງລະຫວ່າງພີ່ນ້ອງຄົນເຊື້ອລາວທີ່ດໍາລົງຊີວິດຢູ່ສະຫະລັດອາເມລິກາກັບສະມາຄົມການສຶກສາພາກເອກະຊົນລາວ. ນອກຈາກນີ້ຍັງເປັນການເປີດໂອກາດໃຫ້ພີ່ນ້ອງຄົນເຊື້ອຊາດລາວ ໄດ້ກັບຄືນມາຢ້ຽມຢາມບ້ານເກີດເມືອງນອນ, ກັບຄືນມາເບີ່ງສະພາບການພັດທະນາເສດຖະກິດ-ສັງຄົມຂອງລາວໃນປັດຈຸບັນ ເພື່ອເປັນຈິດຫນື່ງໃຈດຽວກັນສ້າງສາພັດທະນາປະເທດຊາດອັນເເສນຮັກຂອງພວກເຮົາ.
ສໍາລັບການເເຂ່ງຂັນບານເຕະມິດຕະພາບຄັ້ງນີ້ ດໍາເນີນໄປດ້ວຍບັນຍາກາດເບີກບານມ່ວນຊື່ນ,ມີໄມຕີຈິດມິດຕະພາບຢ່າເເຫນ້ນເເຟ້ນ. ຜ່ານການເເຂ່ງຂັນຄົບ 90ນາທີ ຜົນປະກົດວ່າ: ສະມາຄົມການສຶຶກສາພາກເອກະຊົນລາວ ສາມາດເອົາຊະນະ ພີ່ນ້ອງເຊື້ອຊາດລາວ ທີ່ມາຈາກສະຫະລັດອາເມລິກາ 2ປະຕູຕໍ່ 1.
ຂ່າວ: ເດດອາລຸນ ແກ້ວິໄລ
May be an image of 9 people, people playing soccer, people playing football and grass