ຂ່າວສານຫວຽດນາມລາຍງານວ່າ: ໃນຕອນເຊົ້າວັນ 22 ພຶດສະ ພານີ້, ພາຍຫຼັງສະພາແຫ່ງຊາດລົງຄະແນນສຽງຮັບຮອງເອົາມະຕິເລືອກຕັ້ງປະທານປະເທດ, ທ່ານພົນເອກ ໂຕເລີມ ໄດ້ສາ ບານຕົວຂຶ້ນຮັບຕຳແໜ່ງເປັນປະທານປະເທດສາທາລະນະລັດ ສັງຄົມນິຍົມ ຫວຽດນາມ ໄລຍະ 2021-2026 ຢ່າງເປັນທາງ ການ.
ຂ່າວລະບຸວ່າ: ໃນພິທີສາບານຕົວຮັບດຳລົງຕຳແໜ່ງ, ທ່ານພົນເອກ ໂຕເລີມ ກ່າວວ່າ: ພາຍໃຕ້ທຸງສີແດງອັນສັກສິດ ປະດັບດ້ວຍດາວສີເຫຼືອງຂອງປະເທດຊາດ, ຕໍ່ສະພາແຫ່ງຊາດ ແລະ ຜູ້ມີສິດເລືອກຕັ້ງທົ່ວປະເທດ, ຂ້າພະເຈົ້າ, ປະທານປະເທດ ສາທາ ລະນະລັດ ສັງຄົມນິຍົມ ຫວຽດນາມ ໄດ້ສາບານຕົວວ່າ: ຈະຈົງ ຮັກພັກດີຕໍ່ປະເທດຊາດ, ປະຊາຊົນ ແລະ ລັດຖະທຳມະນູນແຫ່ງ ສາທາລະນະລັດ ສັງຄົມນິຍົມ ຫວຽດນາມ. ສູ້ຊົນເຮັດໃຫ້ສຳ ເລັດໜ້າທີ່ທີ່ພັກ, ລັດ ແລະ ປະຊາຊົນໄດ້ມອບໝາຍໃຫ້.
ກ່ອນໜ້ານີ້, ຕາມຜົນການນັບຄະແນນ, ມີຈຳນວນຜູ້ແທນທີ່ເຂົ້າຮ່ວມປ່ອນບັດເຫັນດີ 96,92%, ເທົ່າກັບ 97,13% ຂອງຈໍານວນຜູ້ແທນສະພາແຫ່ງຊາດທີ່ເຂົ້າຮ່ວມການເລືອກຕັ້ງເອົາ ທ່ານ ໂຕເລິມ ດຳລົງຕຳແໜ່ງປະທານປະເທດ ສາທາລະນະລັດ ສັງຄົມ ນິຍົມຫວຽດນາມ.
