ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ 15 ພຶດສະພາ 2024 ພົບສຽນພຣະພຸທທະຮູບ ທີ່ເຂດແຄມຂອງ ບ້ານຫາຍໂສກ ເມືອງສີສັດຕະນາກ ນະຄອນຫລວງວຽງຈັນ ສະຖານທີ ທີ່ພົບແມ່ນຢູ່ໃນເຂດແຄມຝັ່ງ ຂອງໂຄງການຕ້ານເຈື່ອນຕາຝັ່ງແຄມຂອງ.
ສັນນິຖານເບື້ອງຕົ້ນ ແຕ່ກ່ອນກີ້ບ່ອນນີ້ ແມ່ນທໍລະນີສົງຂອງວັດສວນມອນ ຫລັງຈາກເສີກຫໍ້ເຂົ້າມາຮຸກຮານ ແລະ ປຸ້ນສະດົມ ເພື່ອຂຸດຄົ້ນເອົາຊັບສົມບັດຈາກວັດຕ່າງໆ ຫນຶ່ງໃນນັ້ນກໍ່ແມ່ນວັດສວນມອນແຫ່ງນີ້ ທີ່ຖືກທຳລາຍ ເພື່ອຫາສົມບັດ ໂດຍມີການເຈາະອົງພຣະ ສ່ວນພຣະວໍຣະກາຍຂອງພຣະອົງນີ້ແມ່ນຫລົ້ມລົງສູ່ນ້ຳຂອງໄປແລ້ວ ເຫລືອແຕ່ສຽນ ທີ່ຄ້າງຢູ່ແຄມຝັ່ງແລ້ວຖືກດິນທັບຖົມເລື້ອຍມາ.
ປັດຈຸບັນນີ້ ກຳລັງລໍຖ້າກົມມໍລະດົກ ຂອງກະຊວງຖະແຫລງຂ່າວ ແລະ ວັດທະນະທຳ ມາເກັບກຳຂໍ້ມູນ ແລະ ຊອກບ່ອນໄປເກັບຮັກສາໄວ້ບ່ອນທີ່ເໝາະສົມ.
ຂໍຂອບໃຈຮູບພາບຈາກ ​:​ ພຣະອາຈາຣຍ໌ ບຸນທະວີ ປະສິທທິສັກ.