ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ພ້ອມກັນຈັດຕັ້ງປະຕິບັດຄຳສັ່ງນາຍົກລັດຖະມົນຕີ ເລກທີ 06/ນຍ ໃຫ້ເກີດປະສິດທິຜົນສູງສຸດ

ການຈັດຕັ້ງປະຕິບັດຄໍາສັ່ງຂອງນາຍົກລັດຖະມົນຕີ ເລກທີ 06/ນຍ ລົງວັນທີ 29 ມີນາ 2020 ແມ່ນການສ້າງຄວາມເຂັ້ມແຂງໃຫ້ແກ່ວຽກງານສາທາລະນະສຸກຊຸມຊົນ ບໍ່ປະຖິ້ມຜູ້ໃດໄວ້ເບື້ອງຫລັງ
ທ່ານພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ ແລະ ຜູ້ປະຈໍາການຄະນະສະເພາະກິດຄວບຄຸມພະຍາດໂຄວິດ-19 ກ່າວໃນໂອກາດພິທີຖະແຫລງຂ່າວຕໍ່ສື່ມວນຊົນ ໃນວັນທີ່ 30 ມິນາ 2020 ທີ່ກະຊວງສາທາລະນະສຸກ, ນະຄອນຫຼວງວຽງຈັນ, ກ່ຽວກັບສະພາບການແຜ່ລະບາດຂອງເຊື້ອພະຍາດໂຄວິດ-19 ໂດຍທ່ານໄດ້ຮຽກຮ້ອງເຖິງທຸກຂະແໜງການທີ່ກ່ຽວຂ້ອງ, ລວມທັງອໍານາດການປົກຄອງທຸກພາກສ່ວນໃນສັງຄົມ ຈົ່ງນໍາເອົາເນື້ອໃນຈິດໃຈຂອງຄໍາສັ່ງຂອງນາຍົກລັດຖະມົນຕີສະບັບນີ້ ໄປຈັດຕັ້ງຜັນຂະຫຍາຍເປັນອັນລະອຽດ ເພື່ອໃຫ້ເຂົ້າໃຈງ່າຍ ແລະ ສະດວກໃນການຈັດຕັ້ງປະຕິບັດເພື່ອໃຫ້ເກີດດອກອອກຜົນໃນຊີວິດສັງຄົມຕົວຈິງ. ດັ່ງນັ້ນ ຈ່ຶງຂໍຮຽກຮ້ອງໃຫ້ທົ່ວທັງສັງຄົມເຮົາ ຈົ່ງຊ່ວຍກັນຮ່ວມແຮງຮ່ວມໃຈ ແລະ ຮ່ວມສາມັກຄີກັນ ຈັດຕັ້ງປະຕິບັດຄໍາສັ່ງສະບັບນີ້ ໃຫ້ເກີດປະສິດທິຜົນສູງສຸດ ເພື່ອພ້ອມກັນຜ່ານຜ່າ ສະພາບການລະບາດຂອງພະຍາດຮ້າຍແຮງນີ້ໃຫ້ໄດ້, ທັງເປັນໂອກາດທີ່ສໍາຄັນ ທີ່ພວກເຮົາຈະໄດ້ສ້າງຄວາມເຂັ້ມແຂງໃຫ້ແກ່ວຽກງານສາທາລະນະສຸກຊຸມຊົນ, ໂດຍສະເພາະຄະນະກໍາມະການຮັກສາສຸຂະພາບຂັ້ນບ້ານ, ໂຮງໝໍນ້ອຍ, ແພດປະຈໍາບ້ານ, ອາສາສະໝັກບ້ານ, ຊຸມຊົນຕ່າງໆ ຈະໄດ້ຮ່ວມກັນເຮັດວຽກງານຮັກສາສຸຂະພາບຂັ້ນຕົ້ນນີ້ ໃຫ້ມີຄວາມແຂງແກ່ນ ໝາຍຄວາມວ່າ ເຮັດໜ້າທີ່ສາທາລະນະສຸກທົ່ວປວງຊົນ ເພື່ອສຸຂະພາບທີ່ດີຂອງໝົດທຸກຄົນ ບໍ່ປະຖິ້ມຜູ້ໃດໄວ້ເບື້ອງຫລັງ ນັ້ນເອງ