ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ມວນຊົນຈາກທ້ອງຖິ່ນຕ່າງໆ ສືບຕໍ່ສະເຫລີມສະຫລອງຮູບຫລໍ່ ພຣະໄຊເຊດຖາທິຣາດ

ງານບຸນສະເຫລີມສະຫລອງພຣະບໍຣົມມະຮູບຊົງຊ້າງ ຂອງສົມເດັດພຣະໄຊຍະເຊດຖາທິຣາດເຈົ້າ ພຣະວິຣະມະຫາຣາດ ຈັດຂຶ້ນທີ່ຫໍທໍາມະສະພາ ວັດທາດຫລວງເໜືອ ເມືອງໄຊເຊດຖາ ນະຄອນຫລວງວຽງຈັນ ລະຫວ່າງວັນທີ 21 ຫາ26 ກໍລະກົດ 2020 ທຸກວັນ ເລີ່ມແຕ່ເວລາ 8ໂມງ ເພື່ອໃຫ້ປະຊາຊົນບັນດາເຜົ່າ ກໍຄືຜູ້ມີຈິດໃຈສັດທາທຸກຖ້ວນໜ້າໄດ້ປະກອບສ່ວນສ້າງກຸສົນເວລາ 17ໂມງ ສູດປະຣິດຕະມຸງຄຸນ, ຟັງທໍາມະເທສະໜາປາຣະມີ 30 ທັດ ເພື່ອເສີມປາຣະມີ ຈາກພະສົງ 39ອົງ, ເວລາ 19ໂມງ ນຸ່ງຂາວຫົ່ມຂາວ ໄຫວ້ພະສູດມົນ ຈະເລີນສະມາທິພາວະນາ .
ສໍາລັບວັນທີ 26 ກໍລະກົດ ເວລາ 7ໂມງ, ພິທີຕັກບາດ ຖວາຍທານ ແດ່ພະສົງ 39ອົງ, ເວລາ 9ໂມງ ເຄື່ອນຮູບຫລໍ່ ຂອງພຣະເຈົ້າໄຊເຊດຖາທິຣາດ ຈາກນະຄອນ ຫລວງວຽງຈັນ ໄປແຂວງບໍລິຄໍາໄຊ ແລະປະກອບພິທີສະເຫລີມສະຫລອງ ຢູ່ທີ່ນັ້ນ1ຄືນ ຈາກນັ້ນ ຈະສືບຕໍ່ເຄື່ອນຍ້າຍໄປປະກອບພິທີສະເຫລີມສະຫລອງຢູ່ທີ ແຂວງຄໍາມ່ວນ, ສະຫວັນນະເຂດ ແລະແຂວງຈໍາປາສັກ.
ໂຄງການກໍ່ສ້າງອະນຸສາວະລີ ສົມເດັດພຣະໄຊຍະເຊດຖາທິຣາດ ເຈົ້າສ້າງຂຶ້ນ ເພື່ອຈາລຶກຄຸນງາມຄວາມດີເຊີດຊູກຽດສັກສີຂອງວີຣະມະຫາກະສັດຕາທິຣາດເຈົ້າ ອານາ ຈັກລາວລ້ານຊ້າງ ຜູ້ຊົງສະຫຼຽວສະຫຼາດ ພຣະອົງເປັນຜູ້ຍ້າຍນະຄອນຫລວງຈາກນະຄອນຊຽງທອງ ມາທີ່ນະຄອນຫລວງວຽງຈັນ, ຍ້ອນຄວາມອົງອາດກ້າຫານ ຊົງມີພຣະປີຊາສາມາດ ສະຫຼາດໃນການພິໄຊສົງຄາມ ຊົງເປັນພຸດທະສາສະນິກະຊົນອັນເລີດ ຊົງເປັນ ພຣະມະຫາຣາດເຈົ້າຜູ້ຊົງທັມ ຊົງສ້າງພຣະທາດຫລວງ, ສ້າງຫໍພຣະແກ້ວ, ສ້າງພຣະອົງຕື້, ພຣະອົງແສນ, ພຣະສຸກ, ພຣະໃສ, ພຣະເສີມ ພ້ອມທັງສ້ອມແປງບູລະນະພຣະທາດພະນົມ, ພຣະທາດອີງຮັງ, ຮ່ວມສ້າງພຣະທາດສີສອງຮັກ ແລະວັດຖຸທີ່ເປັນມິ່ງບ້ານຂວັນເມືອງອື່ນໆອີກຈໍານວນຫລວງຫລາຍ ເຊິ່ງເປັນແບບ ຢ່າງ ອັນດີງາມ ໃນການສ້າງສາພັດທະນາບ້ານເມືອງ ສີລະປະວັດທະນະທັມ ຮີດຄອງປະເພນີຂອງຊາດ ເປັນພຣະມະຫາກະ ສັດຕາທິຣາດເຈົ້າ ສະເໝີດັ່ງແວ່ນແຍງອັນໃສແຈ້ງແກ່ອານາປະຊາຣາດ ຕັ້ງແຕ່ບັນພະການສືບມາ ຈົນເຖິງລູກຫຼານ ໄດ້ສືບທອດກັນມາຫຼາຍເຊັ່ນຄົນ ຈວບຈົນທຸກວັນນີ້ ແລະ ຊົ່ວກາລະນານ.
ໂຄງການສ້າງຮູບຫລໍ່ ສົມເດັດພຣະໄຊຍະເຊດຖາທິຣາດມະຫາຣາ ຊົງປະທັບຊ້າງປະທານພອນ ຫຼໍ່ດ້ວຍທອງເຫຼືອງ ເນື້້ອບໍຣິສຸດ ນໍ້າໜັກລວມ 18 ໂຕນ, ຈະນໍາໄປປະດິດສະຖານໄວ້ທີ່ຫໍພິພິດທະພັນ ໄຊເຊດຖາທິຣາດ ບ້ານຫ້ວຍຊາຍຂາວ ເມືອງໄຊເຊດຖາ ແຂວງອັດຕະປື ໃນວັນທີ 1 ສິງຫາ 2020.
ໂດຍ: ເຂີຍຫລ້າ