ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ ຮ່ວມກັບສູນຄົ້ນຄວ້າກະສິກໍາ ແຂວງຫລວງນໍ້າທາ ໄດ້ມອບແນວພັນເຂົ້າໜຽວຮຸ່ນ 2 ຈໍານວນ 5 ໂຕນ ມູນຄ່າ 90 ລ້ານກີບ ມອບໃຫ້ພະແນກກະສິກໍາ ແລະ ປ່າໄມ້ (ກປ) ແຂວງຫລວງນໍ້າທາ ໃນວັນທີ 27 ພຶດສະພາ 2024 ທີ່ສູນຄົ້ນຄວ້າກະສິກໍາ ແຂວງຫລວງນໍ້າທາ ເພື່ອນໍາໄປແຈກຢາຍໃຫ້ກະສິກອນ ນໍາໄປທົດລອງນໍາໃຊ້ປູກໃນພື້ນທີ່ທີ່ມີຄວາມສ່ຽງກັບນໍ້າຖ້ວມ ແລະ ເຂດທີ່ມີການລະບາດຂອງພະຍາດ ແລະ ແມງໄມ້.
ຕາງໜ້າມອບໂດຍທ່ານ ປະດິດ ຈັນທະນຸວົງ ຫົວໜ້າສູນຄົ້ນຄວ້າກະສິກໍາ ແຂວງຫລວງນໍ້າທາ ແລະ ຕາງໜ້າຮັບໂດຍ ທ່ານ ສາຍຄໍາ ສົມຫວັງ ຮອງຫົວໜ້າພະແນກກະສິກໍາ ແລະ ປ່າໄມ້ ແຂວງຫລວງນໍ້າທາ.
