ວັນທີ 21 ມິຖຸນາ 2024 ທີ່ຫ້ອງວ່າການແຂວງຄຳມ່ວນ ໄດ້ຈັດພິທີ ມອບ-ຮັບ ລົດຈັກ, ດອກໄຟໂຊລາເຊວ ແລະ ເຄື່ອງໃຊ້ຫ້ອງການ ໃຫ້ແກ່ 4 ກົມກອງທະຫານຊາຍແດນແຂວງຄຳມ່ວນ ຄື: ກອງຮ້ອຍທະຫານຊາຍແດນ 311, 312,316 ແລະ 317 ເຊິ່ງເຄື່ອງທີ່ນຳມາມອບ ປະກອບມີ ລົດຈັກ Honda wave 100 ຈໍານວນ 08 ຄັນ, ດອກໄຟໂຊລາເຊວ 200 w ຈໍານວນ 20 ດອກ, ຄອມພິວເຕີ ຕັ້ງໂຕະ ຈຳນວນ 04 ຊຸດ ແລະ ເຄື່ອງປິນເຕີ ຈຳນວນ 04 ໜ່ວຍ ລວມມູນຄ່າທັງໝົດ 364 ລ້ານກວ່າກີບ ເພື່ອຮັບໃຊ້ເຂົ້າໃນການເຄື່ອນໄຫວປະຕິບັດໜ້າທີ່ວຽກງານຂອງກົມກອງ ໃຫ້ມີຄວາມສະດວກ ແລະ ສຳເລັດຕາມການມອບໝາຍ.
ເຂົ້າຮ່ວມໃນພິທີ ມອບ-ຮັບ ພາຫະນະ ແລະ ອຸປະກອນດັ່ງກ່າວ ມີທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ, ທ່ານ ພົນຈັດຕະວາ ສົມແຄນ ອັບປະສອນ ຫົວໜ້າການເມືອງ ກອງບັນຊາການທະຫານແຂວງຄຳມ່ວນ, ມີບັນດາການນຳຂອງແຂວງ, ຄະນະພັກ-ຄະນະບັນຊາ ແລະ ຕາງໜ້າທັງ 04 ກົມກອງເຂົ້າຮ່ວມ.
ທີ່ມາ: ມີເດຍລາວ ຄຳມ່ວນ
