ເນື່ອງໃນໂອກາດວັນເດັກນ້ອຍສາກົນ ຄົບຮອບ 100 ປີ (1/6/1924-1/6/2024), ກະຊວງພະລັງງານ ແລະ ບໍ່ແຮ່ (ພບ) ໄດ້ລະດົມບັນດາບໍລິສັດທີ່ມີເງື່ອນໄຂ ໃຫ້ການຊ່ວຍເຫຼືອ ມອບອຸປະກອນການແພດ ກໍຄືເຄື່ອງຊ່ວຍຫາຍໃຈທຽມສຳລັບເດັກ (Ventilation Invasive) 1 ເຄື່ອງ ແລະ Continues posting airway pressure (CPAP) 2 ເຄື່ອງ ໃຫ້ແກ່ໂຮງໝໍແມ່ ແລະ ເດັກເກີດໃໝ່ສູນກາງ ລວມມູນຄ່າ 902 ລ້ານກວ່າກີບ.
ພິທີມອບ-ຮັບ ອຸປະກອນການແພດ ໃຫ້ແກ່ໂຮງໝໍດັ່ງກ່າວ ໄດ້ຈັດຂຶ້ນໃນວັນທີ 30 ພຶດສະພາ ນີ້ ທີ່ກະຊວງສາທາລະນະສຸກ; ກ່າວມອບໂດຍ ທ່ານ ໂພໄຊ ໄຊຍະສອນ ລັດຖະມົນຕີ ກະຊວງ ພບ, ກ່າວຮັບໂດຍ ທ່ານ ສະໜອງ ທອງຊະນະ ຮອງລັດຖະມົນຕີກະຊວງສາທາລະນະສຸກ.
