ເນື່ອງໃນໂອກາດ ສະເຫລີມສະຫລອງ ວັນຄົບຮອບ 72 ປີ ຂອງ ສື່ມວນຊົນລາວ ແລະ ການພິມຈໍາຫນ່າຍ,ກະຊວງຖະແຫລງຂ່າວ ວັດທະນະທໍາ ແລະ ທ່ອງທ່ຽວ
ໄດ້ມອບ ຫຼຽນໄຊແຮງງານ ຊັ້ນ 3 ໃຫ້ ທ່ານຕະບອງເພັດ ພຸດທະວົງ ຜູ້ຊ່ຽວຊານ ວຽກງານໂຄສະນາ ແລະ ສື່ສານມວນຊົນ ຂອງອົງການຢູນີເຊັບ ປະຈຳ ລາວ,
ເພື່ອເປັນການຍ້ອງຍໍຜົນງານ ການມີສ່ວນຮ່ວມໃນການພັດທະນາ ສື່ມວນຊົນລາວ, ການມີສ່ວນຮ່ວມຂອງໄວຫນຸ່ມ ພ້ອມທັງ ໂຄສະນາສົ່ງເສີມ ແລະປັບປຸງ
ສະພາບການເປັນຢູ່ທີ່ດີ ສໍາລັບ ແມ່ຍິງ ແລະ ເດັກ ພິທີມອບ ຫຼຽນແຮງງານ ຈັດຂຶ້ນທີ່ ກະຊວງຖະແຫລງຂ່າວ ວັດທະນະທໍາ ແລະ ທ່ອງທ່ຽວ ໃນຕອນບ່າຍວັນ
ທີ 19 ສິງຫາ 2022 ໂດຍການເຂົ້າຮ່ວມ ຂອງ ທ່ານ ນາງສວນສະຫວັນ ວິຍາເກດ ລັດຖະມົນຕີ ກະຊວງຖະແຫລງຂ່າວ ວັດທະນະທໍາ ແລະ ທ່ອງທ່ຽວ ແລະ
ທ່ານນາງ ເພຍ ຣີແບນໂລ ບະຣິດໂຕ ຜູ້ຕາງຫນ້າອົງການຢູນີເຊັບ ປະຈໍາ ລາວ ແລະ ບັນດາຜູ້ຕາງຫນ້າຈາກກະຊວງ ແລະ ອົງການຈັດຕັ້ງຕ່າງໆ.

ທ່ານ ສົມສະຫວາດ ພົງສາ ຫົວຫນ້າກົມ ສື່ມວນຊົນ ກະຊວງ ຖະແຫລງຂ່າວ ວັດທະນະທໍາ ແລະ ທ່ອງທ່ຽວ ກ່າວວ່າ: ໃນໄລຍະ 20 ກ່ວາປີ ຜ່ານມາ ທ່ານຕະບອງເພັດ
ພຸດທະວົງ ໄດ້ປະກອບສ່ວນຢ່າງກວ້າງຂວາງໃນການ ປະສານງານ ແລະ ເພີ່ມທະວີການຮ່ວມມືລະຫວ່າງ ອົງການຢູນີເຊັບ ແລະ ລັດຖະບານລາວ, ໂດຍສະເພາະໃນຂົງ
ເຂດວຽກງານສື່ມວນຊົນ ມາຮອດປະຈຸບັນ ໃນໄລຍະທີ່ເຮັດວຽກໃຫ້ ອົງການຢູນີເຊັບ, ທ່ານ ຕະບອງເພັດ ພຸດທະວົງ ໄດ້ມີບົດບາດສຳຄັນໃນປະສານງານ ແລະ ການ
ໂຄສະນາ ວຽກງານຫຼາຍ ຂົງເຂດເພື່ອຜົນປະໂຍດໃຫ້ແກ່ ເດັກນ້ອຍ ແລະ ແມ່ຍິງລາວ, ໂດຍສະເພາະວຽກງານສື່ສານ ມວນຊົນ, ຂົງເຂດວຽກງານດ້ານ ສຸຂະພາບ
ແລະ ໂພຊະນາການ, ສຸຂາພິບານ ແລະ ສຸຂະອານາໄມ, ການສຶກສາ, ການປົກປ້ອງເດັກ ແລະ ດ້ານນະໂຍບາຍທາງສັງຄົມ.
ທ່ານຕະບອງເພັດ ພຸດທະວົງ ກ່າວ ສະແດງຄວາມຂອບໃຈຢ່າງສຸດຊຶ້ງ ມາຍັງລັດຖະບານ ລາວ ເເລະ ຖືເປັນກຽດຢ່າງສູງທີ່ໄດ້ຮັບ ຫຼຽນໄຊແຮງງານຊັ້ນ 3 ໃນຄັ້ງນີ້.
ຂໍສະແດງຄວາມຂອບໃຈ ກະຊວງ ຖະແຫລງຂ່າວ ວັດທະນະທໍາ ແລະ ທ່ອງທ່ຽວ, ບັນດາກະຊວງ, ອົງການຈັດຕັ້ງຕ່າງໆ ແລະ ອົງການຢູນີເຊັບ ທີ່ໄດ້ໃຫ້ໂອກາດ ຂ້າ
ພະເຈົ້າ ໄດ້ຝຶກຝົນຫລໍ່ຫລອມໂຕເອງ ຜ່ານສື່ມວນຊົນ ແລະ ການພັດທະນາແມ່ຍິງ ແລະ ເດັກນ້ອຍ ໃນ ລາວ. ຂ້າພະເຈົ້າສຸດແສນພາກພູມໃຈ ທີ່ໄດ້ມີໂອກາດ ມີ
ສ່ວນຮ່ວມ ໃນ ວຽກງານຊ່ວຍເຫລືອເດັກ ຊຶ່ງເປັນ ອະນາຄົດຂອງຊາດລາວເຮົາ.
Loading...