ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ມອບ-ຮັບການຄຸ້ມຄອງ ສ້ອມແປງ ປົກປັກຮັກສາລະບົບໄຟເຍືອງທາງ ແລະ ໄຟອໍານາດ ໃນນະຄອນຫຼວງວຽງຈັນ

ວັນທີ 17 ກັນຍາ 2020 ຢູ່ສໍານັກງານໃຫຍ່ ຝ່າຍປະຕິບັດການໄຟຟ້ານະຄອນຫຼວງ (ບ້ານໜອງບຶກ) ໄດ້ມີ ພິທີມອບ-ຮັບການຄຸ້ມຄອງ ສ້ອມແປງ ປົກປັກຮັກສາລະບົບໄຟເຍືອງທາງ ແລະ ໄຟອໍານາດ ໃນນະຄອນຫຼວງວຽງຈັນ ລະຫວ່າງ ທ່ານ ຈັນສົມ ພິລາລົມ ຮອງຫົວໜ້າຝ່າຍປະຕິບັດການໄຟຟ້ານະຄອນຫຼວງ ແລະ ທ່ານ ບຸນຈັນ ແກ້ວສີທໍາມະ ຫົວໜ້າຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ. ມີທ່ານ ຊົງເລົາ ຢົງນູ ຫົວໜ້າພະແນກພະລັງງານ ແລະ ບໍ່ແຮ່ ນະຄອນຫຼວງ ເຂົ້າຮ່ວມເປັນສັກຂີພະຍານ.

ໄຟເຍືອງທາງ ແລະ ໄຟອໍານາດ ໃນນະຄອນຫຼວງທັງ ໝົດ ແມ່ນມອບໃຫ້ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ເປັນຜູ້ຄຸ້ມຄອງ ສ້ອມແປງ ຕິດຕັ້ງ ແລະ ປົກປັກຮັກສາ ໃນນັ້ນມີ: ເສັ້ນທາງທີ່ຕິດຕັ້ງໄຟ 109 ເສັ້ນ, ເສົາໄຟເຍືອງທາງຖາວອນ 6.219 ຕົ້ນ, ດອກໄຟເຍືອງທາງ 10.506 ດອກ, ຕູ້ຄວບຄຸມໄຟ 338 ໜ່ວຍ, ໝໍ້ນັບໄຟ 382 ໜ່ວຍ, ໝໍ້ແປງໄຟຟ້າ 44 ໜ່ວຍ, ລະບົບໄຟອໍານາດ 39 ຈຸດ ແລະ ງົບປະມານຄ່າກະແສໄຟຟ້າສາທາລະນະ ແມ່ນມອບໃຫ້ຫ້ອງການຄຸ້ມຄອງ ແລະ ບໍລິການຕົວເມືອງວຽງ ຈັນເປັນຜູ້ຮັບຜິດຊອບເລີ່ມ ແຕ່ເດືອນກໍລະກົດ 2020 ເປັນຕົ້ນໄປ ແລະ ລັດວິສາຫະກິດໄຟຟ້າລາວ ຈະຊ່ວຍໃຫ້ຄໍາແນະນໍາດ້ານເຕັກນິກ.

Cr: EDL