ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ພິທີມອບ-ຮັບຂົວອູ່ຂ້າມນໍ້າແຊງ ເມືອງວຽງຄຳ ແຂວງຫຼວງພະບາງ ຈັດຂຶ້ນໃນວັນທີ 12 ກັນຍາ 2022, ພາຍຫລັງລົງມືກໍ່ສ້າງມາແຕ່ວັນທີ 10 ມິຖຸນາ ຫາ 8 ກັນຍາ 2022 ລວມໄລຍະເວລາໃນການກໍ່ສ້າງທັງໝົດ 3 ເດືອນ.
ໂຄງການກໍ່ສ້າງຂົວອູ່ຂ້າມນໍ້າແຊງ ຕັ້ງຢູ່ບ້ານວັງເຫິງ ເມືອງວຽງຄໍາ ມີຄວາມຍາວທັງໝົດ 148,23 ແມັດ; ກວ້າງ 1,5 ແມັດ, ລວມມູນຄ່າການກໍ່ສ້າງທັງໝົດ 2,5 ຕື້ກວ່າກີບ ໂດຍເປັນທຶນປຸກລະດົມຈາກຫລາຍພາກສ່ວນ ໂດຍສະເພາະ ພະແນກໂຍທາທິການ ແລະ ຂົນສົ່ງແຂວງຫລວງພະບາງ ປະກອບສ່ວນມູນຄ່າ 500 ລ້ານກີບ, ພະແນກແຜນການ ແລະ ການລົງທຶນແຂວງ 500 ລ້ານກີບ ແລະ ພາກສ່ວນອື່ນໆຈໍານວນໜຶ່ງ. ພາຍຫລັງສໍາເລັດການກໍ່ສ້າງຂົວອູ່ຂ້າມນ້ຳແຊງ ໄດ້ເຮັດໃຫ້ປະຊາຊົນ, ລວມທັງພະນັກງານຄູ ແລະ ນັກຮຽນ ເດີນທາງໄປ-ມາມີຄວາມສະດວກຍິ່ງຂຶ້ນ.
ໂອກາດນີ້, ທ່ານ ຊາຍພອນ ຈັນທຸມມາ ເຈົ້າເມືອງວຽງຄໍາ ໄດ້ສະແດງຄວາມຂອບໃຈ ມາຍັງທຸກພາກສ່ວນທີ່ປະກອບສ່ວນຊ່ວຍເຫລືອ ໃນການກໍ່ສ້າງຂົວອູ່ ຈົນໄດ້ຮັບຜົນສໍາເລັດ, ພ້ອມທັງຊີ້ນໍາຂະແໜງການທີ່ກ່ຽວຂ້ອງ, ລວມທັງອົງການປົກຄອງບ້ານ ເປັນເຈົ້າການຕິດຕາມ, ເຜີຍແຜ່ກົດລະບຽບການຊົມໃຊ້ ແລ ະພ້ອມກັນປົກປັກຮັກສາຂົວອູ່ ເພື່ອຊົມໃຊ້ໄດ້ຢ່າງຍາວນານ.
ຂ່າວ: ບຸນທັນ ໄຊຍະວົງ