ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ 7 ມີຖຸນາ 2024 ນີ້ຢູ່ຫ້ອງວ່າການປົກຄອງແຂວງ ໄດ້ມີພິທີມອບ-ຮັບ ພາຫານະລົດໃຫຍ່ 01 ຄັນ ປະເພດ ລົດຮັບ-ສົ່ງຄົນເຈັບ ( HYUNDAI ) ໂດຍການເຂົ້າຮ່ວມເປັນສັກຂີພິຍານຂອງ ທ່ານ ພົນໂທ ວັນທອງ ກອງມະນີ ເຈົ້າແຂວງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ກ່າວມອບໂດຍ ທ່ານ ອິນປັນ ອິນທິລາດ ຫົວໜ້າພະແນກສາທາລະນະສຸກແຂວງ ແລະ ຮັບໂດຍ ທ່ານ ນາງ ພູດອນ ຈູມມະລີ ຮອງເຈົ້າເມືອງ, ຊີ້ນໍາວຽກງານຂົງເຂດວັດທະນາທໍາ-ສັງຄົມ ເມືອງສະໜາມໄຊ.
ລົດດັ່ງກ່າວ ໄດ້ຮັບຈາກ ກະຊວງແຮງງານ ແລະ ສະຫວັດດີການສັງຄົມ ເຊິ່ງເປັນລົດທີ່ໄດ້ມາຈາກການຊ່ວຍເຫລືອຂອງຕ່າງປະເທດ ເພື່ອອໍານວຍຄວາມສະດວກໃຫ້ແກ່ໂຮງໝໍດັ່ງກ່າວໃນການຮັບ-ສົ່ງຄົນເຈັບ ໃຫ້ທັນເວລາ ແລະ ມີຄວາມສະດວກສະ ບາຍ.
ຂໍ້ມູນ-ພາບ- ຂ່າວ ບັງອອນ ສທຂ