ພິທີມອບ-ຮັບ ຫົວຫນ້າຄະນະຈັດຕັ້ງແຂວງຫລວງພະບາງ ລະຫວ່າງ ທ່ານ ມອນໄຊ ລາວມົວຊົ່ງ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງ ຜູ້ເກົ່າ ແລະ​ ທ່ານ​ ຄໍາຄ່ອງ ພົມມະປັນຍາ ຄະນະປະຈຳພັກແຂວງ​ ມາເປັນຫົວໜ້າຄະນະຈັດຕັ້ງແຂວງ ຜູ້ໃໝ່ ໄດ້ຈັດຂຶ້ນໃນວັນທີ 9 ທັນວາ 2020 ນີ້ຢູ່ຫ້ອງປະຊຸມຄະນະຈັດຕັ້ງແຂວງ ໂດຍການເຂົ້າຮ່ວມຂອງທ່ານ ຄໍາຂັນ ຈັນທະວີສຸກ ເລຂາຄະນະບໍລິຫານງານພັກແຂວງ, ເຈົ້າແຂວງຫລວງພະບາງ. ພິທີ ຫົວຫນ້າຫ້ອງການຄະນະຈັດຕັ້ງແຂວງ ໄດ້ຂຶ້ນຜ່ານຂໍ້ຕົກລົງຂອງຄະນະປະຈໍາພັກແຂວງ ວ່າດ້ວຍການ ແຕ່ງຕັ້ງຫົວຫນ້າຄະນະຈັດຕັ້ງແຂວງຫລວງພະບາງ ສະບັບເລກທີ 348/ຄປພຂ-ຫຼບ ລົງວັນທີ 7 ທັນວາ 2020 ໂດຍເຫັນດີຕົກລົງແຕ່ງຕັ້ງ ທ່ານ ປອ ຄໍາຄ່ອງ ພົມມະປັນຍາ ກໍາມະການປະຈໍາພັກແຂວງ ເປັນຫົວຫນ້າຄະນະຈັດຕັ້ງແຂວງ ຜູ້ໃຫມ່ .ຈາກນັ້ນ ຫົວຫນ້າຄະນະຈັດຕັ້ງແຂວງ ຜູ້ເກົ່າ ແລະ ຜູ້ໃຫມ່ ໄດ້ພ້ອມກັນລົງນາມເຊັນບົດບັນທຶກມອບ-ຮັບໜ້າທີ່ ໂດຍຊ່ອງໜ້າຜູ້ເຂົ້າຮ່ວມເປັນສັກຂີພະຍານ.
ຕອນທ້າຍ ທ່ານ ຄໍາຂັນ ຈັນທະວີສຸກ ເຈົ້າແຂວງຫລວງພະບາງ, ກໍໄດ້ມີຄຳເຫັນໂດຍເນັ້ນໃຫ້ຫົວໜ້າຜູ້ໃໝ່ສືບຕໍ່ຮັກສາມູນເຊື້ອ ເສີມຂະຫຍາຍດ້ານດີ, ແກ້ໄຂດ້ານອ່ອນ, ຕິດພັນກັບການປັບປຸງ ແລະ ສືບຕໍ່ຈັດຕັ້ງປະບັດວຽກງານບັນດາອົງການຈັດຕັ້ງ ພັກ-ລັດ ມອບຫມາຍໃຫ້ຂະຫຍາຍຕົວ ແລະ ມີຄວາມເຂັ້ມແຂງຂຶ້ນເປັນກ້າວໆ.
ຂ່າວ: ຈໍາປາ
Loading...