ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ 7 ກຸມພາ 2024 ນີ້, ອົງການຄົນພິການອາຊີເພື່ອການພັດທະນາ ໄດ້ຈັດພິທີມອບ-ຮັບ ແລະ ເປີດນຳໃຊ້ສູນຂໍ້ມູນຂ່າວ ສານການທ່ອງທຽ່ວເມືອງວຽງໄຊ ຢູ່ເມືອງວຽງໄຊ ແຂວງຫົວພັນ ໂດຍມີ ທ່ານ ຄຳແພງ ໄຊສົມແພງ ເຈົ້າແຂວງໆຫົວພັນ, ທ່ານ ໂພສີ ແກ້ວມະນີວົງ ຮອງລັດຖະມົນຕີກະຊວງຖະແຫຼງຂ່າວ, ວັດທະ ນະທຳ ແລະ ທ່ອງທຽ່ວ, ທ່ານ ໂຄບະຢະຊິ ເຄນອິຈິ ເອກອັກຄະລັດຖະທູດຢີ່ປຸ່ນ ປະຈຳ ສປປ ລາວ, ມີພາກສ່ວນກຽ່ວຂ້ອງຂັ້ນກະຊວງ, ຂັ້ນແຂວງ, ເມືອງວຽງໄຊ ແລະ ພະນັກງານອົງການຄົນ ພິການອາຊີເພຶ່ອການພັດທະນາເຂົ້າຮ່ວມນຳ.
ໂຄງການກໍ່ສ້າງສູນຂໍ້ມູນຂ່າວສານການທ່ອງທຽ່ວເມືອງວຽງໄຊ ແມ່ນໄດ້ລົງມືກໍ່ສ້າງມາແຕ່ວັນທີ 31 ມີນາ 2023 ແລະ ໄດ້ສຳເລັດໃນວັນທີ 31 ມັງກອນ 2024, ເປັນອາຄານກໍ່ຊັ້ນ ດຽວ ມີ 2 ຫ້ອງ, ກ້ວາງ 5 ແມັດ, ຍາວ 10 ແມັດ, ເຄື່ອງເຟີນີເຈີຄົບຊຸດ, ລວມມູມຄ່າກໍ່ສ້າງທັງໝົດແມ່ນ 300 ລ້ານກວ່າກີບ ເຊີງແມ່ນທຶນຊ່ວຍເຫຼືອຈາກ ອົງການຄົນພິການອາຊີເພຶ່ອການພັດທະນາ.
ຈຸດປະສົງໃນການກໍ່ສ້າງ ເພຶ່ອເປັນການສະໜອງຂໍ້ມູນການທ່ອງທຽ່ວທີສຳຄັນຕ່າງໆຢູ່ ສປປ ລາວ ໂດຍສະເພາະແມ່ນແຂວງຫົວພັນ ພ້ອມທັງພັດທະນາ, ຍົກລະດັບການທ່ອງທຽ່ວ ພາຍໃນແຂວງຫົວພັນໃຫ້ມີຄວາມສະດວກ, ເປັນຕົ້ນແມ່ນແຫຼ່ງທ່ອງທຽ່ວທາງດ້ານປະຫວັດສາດ, ວັດທະນະທຳ ແລະ ທຳມະ ຊາດ ພິເສດແມ່ນທຽ່ວຊົມຖ້ຳທ່ານຜູ້ນຳຕ່າງໆ, ດອກຄາຍປ່າ ແລະ ດອກສະກຸລະ, ພ້ອມທັງເປັນການໂຄສະນາ, ດືງດູດນັກທ່ອງທຽ່ວທັງພາຍໃນ ແລະ ຕ່າງປະເທດໃຫ້ເຂົ້າມາແຂວງຫົວພັນໃຫ້ນັບມື້ຫຼາຍຂື້ນ. ໃນໂອກາດດຽວກັນນີ້ ບັນດາທ່ານແຂກທີເຂົ້າ ຮ່ວມພິທີຍັງໄດ້ຮ່ວມຕັດແຖບຜ້າ ແລະ ຍ່າງມະລາທອນທຽ່ວຊົມເມືອງວຽງໄຊຕື່ມອີກ.
ຂ່າວ-ພາບ: ອຸທິດາ