ພິທີມອບ-ຮັບໜ້າທີ່ ລະຫວ່າງ ທ່ານ ຄຳໄຫລ ສີປະເສີດ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຫລວງນ້ຳທາ (ຜູ້ເກົ່າ) ແລະ ທ່ານ ວຽງສະຫວັດ ສີພັນດອນ ເລຂາຄະນະບໍລິຫານງານພັກແຂວງ, ເຈົ້າແຂວງຫລວງນໍ້າທາ (ຜູ້ໃໝ່) ຈັດຂຶ້ນໃນວັນທີ 3 ກຸມພາ ຜ່ານມາ ໂດຍການເປັນປະທານຂອງ ທ່ານ ພົນເອກ ວິໄລ ຫລ້າຄຳຟອງ ກໍາມະການກົມການເມືອງສູນກາງພັກ, ເລຂາທິການສູນກາງພັກ, ຮອງນາຍົກລັດຖະມົນຕີ, ລັດຖະ ມົນຕີກະຊວງປ້ອງກັນຄວາມສະຫງົບ, ມີກໍາມະການສູນກາງພັກ, ຄະນະປະຈໍາພັກແຂວງ, ອະດີດການນຳຂອງແຂວງ ເຂົ້າ ຮ່ວມ.
ໂອກາດກາດນີ້, ທ່ານ ຄຳໄຫລ ສີປະເສີດ ກຳມະການສູນກາງພັກ ເລຂາພັກແຂວງ ເຈົ້າແຂວງໆຫລວງນ້ຳທາຜູ້ເກົ່າ ໄດ້ຜ່ານບົດສະຫລຸບການຊີ້ນຳໆພາ ວຽກງານຮອບດ້ານໄລຍະ 2 ປີຜ່ານມາ ໄດ້ຍົກໃຫ້ຮູ້ເຖິງຜົນງານ ຂອງຄະນະບໍລິຫານງານພັກແຂວງຫລວງນ້ຳທາຍາດມາໄດ້ຄື: ການຈັດຕັ້ງປະຕິບັດແນວທາງນະໂຍບາຍຂອງພັກ ໄດ້ນຳພາເຊື່ອມຊຶມ, ຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ແລະ XI ຂອງພັກ, ມະຕິກອງປະຊຸມໃຫຍ່ຄັ້ງທີ VIII ຂອງອົງຄະ ນະພັກແຂວງ ແລະ ແຜນພັດທະ ນາເສດຖະກິດ-ສັງຄົມຂອງແຂວງ, ບັນດາມະຕິ, ຄຳສັ່ງ, ຂໍ້ກຳນົດ, ລະບຽບ, ກົດ ໝາຍ ແລະ ເອກະສານສຳຄັນຕ່າໆ, ເຮັດໃຫ້ຄະນະພັກແຕ່ລະຂັ້ນ, ສະມາຊິກພັກ, ພະນັກງານ-ລັດຖະ ກອນ, ທະຫານ, ຕຳ ຫລວດ ແລະ ປະຊາຊົນບັນດາເຜົ່າພາຍ ໃນແຂວງຫລວງນ້ຳທາ ມີຄວາມຮັບຮູ້, ເຂົ້າໃຈ, ເປັນເອກະພາບ ແລະ ເຊື່ອໝັ້ນຕໍ່ການນຳພາຂອງພັກ, ໄດ້ຜັນຂະຫຍາຍ ແລະ ຈັດຕັ້ງປະຕິບັດ 2 ວາລະແຫ່ງຊາດ, ໄດ້ນຳພາການພັດທະນາເສດ ຖະກິດຂະຫຍາຍຕົວຢ່າງຕໍ່ເນື່ອງ, ໝັ້ນທ່ຽງ ແລະ ຖືກທິດ, ປີ 2022 ການຂະ ຫຍາຍຕົວເສດຖະກິດ ສະເລ່ຍເກືອບ 5%, ລາຍຮັບຕໍ່ຫົວຄົນໄດ້ 18, 2 ລ້ານກວ່າກີບ ຕໍ່ຄົນຕໍ່ປີ ຫລື ເທົ່າ 1.219 ໂດລາສະ ຫະລັດ ຖ້າທຽບໃສ່ປີຜ່ານມາແມ່ນເພີ່ມຂຶ້ນ 2,1 ລ້ານກີບ.
ໃນພິທີ, ທ່ານ ພົນເອກ ວິໄລ ຫລ້າຄຳຟອງ ກໍໄດ້ໂອ້ລົມ ແລະໃຫ້ທິດຊີ້ນຳວຽກງານພາຍໃນແຂວງຫລວງນ້ຳທາ ແລະ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ຄະນະພັກ, ອົງການປົກຄອງແຂວງຫລວງນໍ້າທາ ຍາດມາໄດ້ໄລຍະ 2 ປີຜ່ານມາ ແລະ ໃຫ້ທິດຊີ້ນຳແກ່ເລຂາພັກແຂວງຜູ້ໃໝ່ ພ້ອມຄະນະ ຈົ່ງເພີ່ມທະວີການເປັນຄັນທຸງຮັກສາຜູກແໜ້ນຄວາມສາ ມັກຄີ ພາຍໃນຄະນະບໍລິຫານງານພັກ, ປະຕິບັດຖືກຕ້ອງຄົບຖ້ວນຕາມຫລັກ ການນຳພາຂອງພັກ, ມີຄວາມເປັນເອ ກະພາບໃນການຕັດສິນບັນຫາ, ພ້ອມກັນເປັນຫົວຈັກຫລັກແຫລງເປັນແບບຢ່າງໃນການນຳພາ, ແບບແຜນດຳ ລົງຊີວິດປອດໃສ ມີຈັນຍາບັນ-ຈັນຍາທຳ, ເດັດດ່ຽວຕ້ານແນວຄິດໃນຕົວ-ຕ້ອງເຂັ້ມງວດຕໍ່ຕົນເອງ ແລະ ປັບປຸງຕົນເອງໃຫ້ຮອບດ້ານ.
