ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ມາຮອດຕອນແລງ ວັນທີ 4 ມິຖຸນານີ້ ມີຜູ້ເດີນທາງເຂົ້າ ປະເທດລາວທັງໝົດ 2,108 ຄົນ.

ໂອກາດຖະແຫຼງຂ່າວຕໍ່ສື່ມວນຊົນ ໃນວັນທີ 4 ມິຖຸນາ 2020 ຂອງດ໋ອກເຕີ ສີສະຫວາດ ສຸດທານີລະໄຊ ຮອງຫົວໜ້າ ກົມຄຸ້ມຄອງພະຍາດຕິດຕໍ່ ກະຊວງສາທາລະນະສຸກ ໃຫ້ຮູ້ວ່າ: ຜູ້ເດີນທາງເຂົ້າອອກ ຫຼາຍກວ່າໝູ່ ແມ່ນເບື້ອງຊາຍແດນລາວໄທ ມີ 1,288 ຄົນ, ໃນນັ້ນມີແຮງງານລາວເຂົ້າມາໂດຍຜ່ານດ່ານວັງເຕົາ-ຊ່ອງເມັກ ມີ 128 ຄົນ ແລະດ່ານຂົວມິດຕະພາບ 2 ແຂວງສະຫວັນນະເຂດ ມີ 16 ຄົນ, ມີ ວິຊາການໂຄງການໄຟຟ້າໄຊຍະບູລີ 2 ຄົນ, ເຫຼືອນັ້ນແມ່ນຄົນຂັບລົດຂົນສົ່ງສິນຄ້າ 1,142 ຄົນ, ຈຸດຜ່ານແດນ ລາວ-ຈີນ ມີ 20 ຄົນ ທັງໝົດແມ່ນຄົນຂັບລົດຂົນສົ່ງສິນຄ້າ, ຈຸດຜ່ານແດນລາວ-ຫວຽດນາມ ມີ 799 ຄົນ, ໃນນັ້ນມີຄົນລາວກັບມາແຕ່ ເຮັດວຽກລັດຖະການ 03 ຄົນ ຜ່ານດ່ານພູເກືອ ແຂວງອັດຕະປື, ເຫຼືອນັ້ນແມ່ນຄົນຂັບລົດຂົນສົ່ງສິນຄ້າ 796 ຄົນ, ຈຸດຜ່ານແດນລາວ ກຳປູເຈຍ ມີ 01 ຄົນເຊິ່ງແມ່ນຄົນລາວທີ່ໄດ້ຮັບອະນຸຍາດຈາດຄະນະສະເພາະກິດ.

ທຸກຄົນທີ່ເດີນທາງເຂົ້າມາລາວແມ່ນໄດ້ຮັບການວັດແທກອຸນຫະພູມຂອງຮ່າງກາຍ ແລະກວດຫາອາການຜິດປົກກະຕິ, ບໍ່ພົບຜູ້ມີອາການເປັນໄຂ້, ພ້ອມນີ້ຍັງໄດ້ເກັບຕົງຢ່າງແຮງງານລາວມາກວດແລ້ວສົ່ງໄປຈຳກັດຢູ່ບໍລິເວນທີ່ຢູ່ບ່ອນທີ່ທາງການໄດ້ກະກຽມໄວ້ໃຫ້ ຈົນກວ່າຈະຄົບກຳນົດ 14 ວັນ.

ນອກຈາກນີໃນວັນທີ 3 ມິຖຸນາ 2020 ຍັງໄດ້ເກັບຕົວຢ່າງມາວິເຄາະທັງໝົດ 72 ຄົນ ໃນນັ້ນມີແຮງງານລາວທີ່ກັບມາແຕ່ປະເທດໄທ 67 ຄົນ, ກໍລະນີສົງໃສ 5 ຄົນ. ຜົນກວດແຮງງານລາວ ແລະກໍລະນີສົງໃສທັງໝົດ ໃນມື້ວານນີ້ ບໍ່ພົບເຊື້ອ. ໝາຍຄວາມວ່າໃນວັນທີ 3 ມິຖຸນາ 2020 ບໍ່ມີຜູ້ຕິດເຊື້ອໃໝ່.