ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ມາຮອດວັນທີ 15 ກຸມພາ 2020 ລາວຍັງບໍ່ພົບການແຜ່ລະບາດຂອງພະຍາດອັກເສບປອດສາຍພັນໃຫມ່ ຫລື ໂຄວິດ19 ເທື່ອ

ຫົວຫນ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຢັ້ງຢືນວ່າ: ປັດຈຸບັນຢູ່ລາວຍັງບໍ່ພົບການແຜ່ລະບາດຂອງພະຍາດອັກເສບປອດສາຍພັນໃຫມ່ ຫລື ໂຄວິດ19 ເທື່ອ ແລະ ບໍ່ມີການປົກປິດຂໍ້ມູນຄວາມຈີງກ່ຽວກັບຜູ້ຕິດເຊື້ອພະຍາດນີ້ຄືດັ່ງສື່ສັງຄົມອອນລາຍບາງສື່ອອກຂ່າວໃນວັນທີ 14 ກຸມພານີ້ ແຕ່ຢ່າງໃດ ຮຽກຮ້ອງໃຫ້ສັງຄົມຢ່າຫລົງເຊື່ອ ແລະ ຫມັ້ນໃຈໃນການຈັດຕັ້ງປະຕິບັດວຽກງານຂອງທາງການລາວ.

ໃນໂອກາດຖະແຫລງຂ່າວປະຈໍາວັນກ່ຽວກັບການປ້ອງກັນ ແລະ ສະກັດກັ້ນພະຍາດອັກເສບປອດສາຍພັນໃຫມ່ຫລື ໂຄວິດ 19 ໃນຕອນບ່າຍທີ 15 ຢູ່ຫ້ອງປະຊຸມກະຊວງສາທາລະນະສຸກ ດຣ ລັດຕະນະໄຊ ເພັດສຸວັນ ຫົວຫນ້າກຸມຄວບຄຸມພະຍາດຕິດຕໍ່ກະຊວງສາທາລະນະສຸກໃຫ້ຮູ້ວ່າ: ການທີ່ສື່ສັງຄົມອອນລາຍບາງສື່ນໍາສະເຫນີຂ່າວທີ່ວ່າລັດຖະບານລາວປົກປິດຂໍ້ມູນຄວາມຈີງກ່ຽວກັບຜູ້ຕິດເຊື້ອພະນີ້ຢູ່ລາວນັ້ນເປັນພຽງການສ້າງກະແສຢາກໃຫ້ສັງຄົມເກີດຄວາມບໍ່ສະຫງົບເທົ່ານັ້ນ, ເຊີ່ງການກວດຫາເຊື້ອພະຍາດນີ້ເຈົ້າຫນ້າທີ່ກ່ຽວຂ້ອງຂອງທາງການລາວແມ່ນປະຕິບັດຕາມມາດຕະຖານດຽວກັນກັບສາກົນ ໂດຍທຸກຂັ້ນຕອນການກວດຫາເຊື້ອກະຊວງສາທາລະນະສຸກມີພັນທະຕ້ອງລາຍງານໃຫ້ອົງການອະນາໄມໂລກທຸກຄັ້ງຖ້າພົບວ່າມີກໍລະນີຢັ້ງຢືນການຕິດເຊື້ອ. ນອກນີ້ສູນວິເຄາະແລະ ລະບາດວິທະຍາດແຫ່ງຊາດຍັງສົ່ງຕົວຢ່າງທັງຫມົດ 30 ຕົວຢ່າງ ທີ່ສົງໃສວ່າເປັນພະຍາດນີ້ໃຫ້ 2 ຫ້ອງວິເຄາະຄື ຢູ່ ສະຖາບັນ ປັດສເຕີລາວ, ແລະ ຫ້ອງວິເຄາະໂຮງຫມໍມະໂຫສົດ ເຊີ່ງເປັນຫ້ອງກວດຫາເຊື້ອພະຍາດທີ່ໄດ້ມາດຕະຖານສາກົນ ຜ່ານກາກວດພົບວ່າບໍ່ພົບກໍລະນີໃດເປັນພະຍາດອັກເສບປອດສາຍພັນໃຫມ່ ແລະ ໄດ້ຮັບການຢັ້ງຢືນຈາກຫ້ອງວິເຄາະຂອງອົງການອະນາໄມໂລກຮ້ອຍສ່ວນຮ້ອຍ ດຣ ລັດຕະນະໄຊ ເພັດສຸວັນ ຫົວຫນ້າກຸມຄວບຄຸມພະຍາດຕິດຕໍ່ກະຊວງສາທາລະນະສຸກໃຫ້ຮູ້ຕື່ມວ່າ: ປັດຈຸບັນ ເຈົ້າຫນ້າທີ່ກ່ຽວຂ້ອງຂອງລາວຍັງສືບຕໍ່ຕິດຕາມເຝົ້າລະວັງການແຜ່ລະບາດຂອງພະຍາດອັກເສບປອດສາຍພັນໃຫມ່ຫລືໂຄວິດ19ຢ່າງຕໍ່ເນື່ອງໂດຍສະເພາະກຸ່ມຄົນທີ່ເດີນທາງມາຈາກເຂດລະບາດ ແລະ ກຸ່ມຄົນທີ່ເຂົ້າມາເຮັດວຽກຕາມສະຖານທີ່ເຮັດວຽກຕ່າງໆ ເປັນຕົ້ນ:ພະນັກງານຈີນທີ່ເດີນທາງຈາກປະເທດຈີນເຂົ້າມາເຮັດວຽກຢູ່ລາວໂດຍສະເພາະຢູ່ໂຮງງານຢາສູບແຂວງສະຫວັນະເຂດ,ຄົນລາວທີ່ເດີນທາງກັບມາຈາກທັດສະນະສືກສາຢູ່ຈີນ,ຕິດຕາມຄະນະຄົນງານຈີນ ທີ່ຈະກັບເຂົ້າມາເຮັດວຽກຢູ່ໂຮງໝໍມະໂຫສົດ,ທາງລົດໄຟ ແລະ ບ່ອນອື່ນໆສໍາລັບຈໍານວນຕົວເລກຜູ້ຕິດເຊື້ອແລະເສຍຊີວີດຈາກການລະບາດຂອງພະຍາດອັກເສບປອດສາຍພັນໃຫມ່ຫລືໂຄວິດ19ຢູ່ຈີນຍັງມີຈໍານວນເພືີ່ມຂື້ນຕາມການລາຍງານຂອງເຈົ້າຫນ້າທີ່ຈີນມາຮອດວັນທີ14ກຸມພານີ້ຈີນມີຜູ້ຕິດເຊື້ອພະຍາດນີ້ທັງຫມົດ 66,492 ກໍລະນີ ເສຍຊີວິດ 1,523 ຄົນ, ປິ່ນປົວຫາຍດີ 8,096 ຄົນ. ສ່ວນຢູ່ລາວຍັງບໍ່ພົບຈັກກໍລະນີທີ່ເປັນພະຍາດນີ້.

ຂ່າວ: ເດດອາລຸນ ແກ້ວວິໄລ