ໂອກາດຖະແຫລງຂ່າວຕໍ່ສື່ມວນຊົນໃນຕອນບ່າຍວັນທີ 28​ ເມສາ​ 2020​ ທ່ານ ຮສ ດຣ ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ, ຜູ້ປະຈໍາການຄະນະສະເພາະກິດເພື່ອຄວບຄຸມພະຍາດ ໂຄວິດ-19 ໃຫ້ຮູ້ວ່າ: ໃນວັນທີ 27 ເມສາ 2020, ໄດ້ເກັບຕົວຢ່າງມາກວດທັງໝົດ 19 ຄົນ, ໃນນັ້ນ ຜູ້ມີອາ ການສົງໄສມາກວດຢູ່ໂຮງໝໍ 15 ຄົນ, 01 ຄົນ ແມ່ນຜູ້ຕິດເຊື້ອກໍລະນີທີ 6 ທີ່ເກັບຕົວຢ່າງກວດຄືນ ແລະ 03 ຄົນ ແມ່ນແຮງງານລາວທີ່ກັບມາຈາກປະເທດໄທ. ໃນຈໍານວນຜູ້ມີອາການສົງໄສ 05 ຄົນ, ທັງໝົດ ແມ່ນມາຈາກນະຄອນຫຼວງວຽງຈັນ,​ ສຳລັບແຮງງານລາວ ຈຳນວນ 03 ຄົນ, ທັງໝົດ ແມ່ນມາຈາກແຂວງຄຳມ່ວນ. ຜົນກວດທັງໝົດ 19 ຄົນ ບໍ່ພົບເຊື້ອ ໝາຍຄວາມວ່າໃນວັນທີ 27 ເມສາ 2020 ບໍ່ມີກໍລະນີໃໝ່.


ນັບແຕ່ເດືອນມັງກອນ ຮອດ ວັນທີ 27 ເມສາ 2020 ໄດ້ເກັບຕົວຢ່າງມາກວດທັງໝົດ ມີ 1,815 ຕົວຢ່າງ, ກວດພົບເຊື້ອສະສົມ 19 ຄົນ (16 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ).

Loading...