ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ມີຈໍານວນຜູ້ເດີນທາງເຂົ້າມາລາວ ມີທັງໝົດ 1,959 ຄົນ ໃນວັນທີ 13 ມິຖຸນາ 2020

ການຕິດຕາມຜູ້ເດີນທາງຈາກຈຸດຜ່ານແດນຕ່າງໆ ເຊິ່ງມີຈໍານວນຜູ້ເດີນທາງເຂົ້າມາລາວ ມີທັງໝົດ 1,959  ຄົນ. ຈຸດຜ່ານດ່ານລາວ-ໄທ 1,335 ຄົນ ຊຶ່ງມີລາຍລະອຽດດັ່ງລຸ່ມນີ້:

ຜ່ານດ່ານຂົວມິດຕະພາບແຫ່ງທີ I ມີ 26 ຄົນ ເຊິ່ງເປັນຄົນໄທທີ່ມາເຮັດວຽກຢູ່ລາວ 25 ແລະ ຄົນ ນິວຊີແລນ 1 ຄົນ, ຜ່ານດ່ານ ຂົວມິດຕະພາບແຫ່ງທີ II ມີ ແຮງງານລາວ 65 ຄົນ (ມີຖິ່ນຖານຈາກ ສະຫວັນນະເຂດ 37 ຄົນ, ຈໍາປາສັກ 12 ຄົນ, ສາລະວັນ 06 ຄົນ, ຄໍາມ່ວນ 04 ຄົນ, ນະຄອນຫຼວງວຽງຈັນ 02 ຄົນ, ໄຍະບູລີ 02 ຄົນ, ຫຼວງພະບາງ 01 ຄົນ ແລະ ວຽງຈັນ 01 ຄົນ).  ແຮງງານລາວເຂົ້າມາ ຜ່ານດ່ານວັງເຕົ່າ-ຊ່ອງເມັກ ມີ 46 ຄົນ (ມີຖິ່ນຖານຈາກຈໍາປາສັກ 34 ຄົນ, ສະຫວັນນະເຂດ 6 ຄົນ, ສາລະວັນ 03 ຄົນ, ບໍລິຄຳໄຊ 1 ຄົນ, ເຊກອງ 1 ຄົນ ແລະ ຄຳມ່ວນ 1) ເຫຼືອນັ້ນແມ່ນ ຄົນຂັບລົດສົ່ງສິນຄ້າ.

ຈຸດຜ່ານດ່ານລາວ -ຈີນ 29 ຄົນ, (ຄົນຈີນເຂົ້າມາເຮັດວຽກຢູ່ລາວ 01 ຄົນ ,ເຫຼືອນັ້ນແມ່ນຄົນຂັບລົດສົ່ງສິນຄ້າ).ຈຸດຜ່ານດ່ານລາວ – ຫວຽດນາມ 501 ຄົນ, ທັງໝົດແມ່ນຄົນຂັບລົດສົ່ງສິນຄ້າ. ຈຳນວນຜູ້ເດີນທາງຜ່ານສະ   ໜາມບິນສາກົນວັດໄຕ  94 ຄົນ. ທັງໝົດແມ່ນຄົນຈີນ (ເຮັດວຽກບໍລິສັດໂຄງການສ້າງທາງລົດໄຟ 67 ຄົນ, ບໍລິສັດ HUBEI 09 ຄົນ, ຈະເລີນການຢາ ແລະ ເຄື່ອງມືການແພດ 01 ຄົນ, HB ການຄ້າ 06 ຄົນ, ແຈ້ງທຶນກໍ່ສ້າງ 05 ຄົນ ແລະ ເອັກທູໂຍ 06 ຄົນ) , ທຸກຄົນແມ່ນໄດ້ແທກອຸນຫະພູມຮ່າງກາຍ, ກວດຫາອາການຜິດປົກກະຕິ, ແຕ່ບໍ່ພົບຜູ້ມີອາການເປັນໄຂ້.

ສຳລັບການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດໃນວັນທີ 13 ມິຖຸນາ 2020, ໄດ້ເກັບຕົວຢ່າງມາກວດວິເຄາະທັງໝົດ 243 ຄົນ, ໃນນັ້ນ ບຸກຄົນທົ່ວໄປບໍ່ມີອາການ 06 ຄົນ, ແຮງງານລາວກັບມາແຕ່ໄທ 176 ຄົນ, ແຮງງານຈີນ 61 ຄົນ. ຜົນກວດທັງໝົດມື້ວານນີ້ ບໍ່ພົບເຊື້ອ. (ໃນວັນທີ 13 ມິຖຸນາ 2020 ບໍ່ມີຜູ້ຕິດເຊື້ອໃໝ່). ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 12 ມິຖຸນາ 2020 ໄດ້ເກັບຕົວຢ່າງມາກວດທັງໝົດ 9,703 ຕົວຢ່າງ, ກວດພົບເຊື້ອສະສົມ 19 ຄົນ (63 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).