ມີນັກຮຽນ 300 ກ່ວາຄົນ ສອບເສັງເຂົ້າມະຫາວິທະຍາໄລສະຫວັນນະເຂດ ຈາກຄວາມຕ້ອງການ 1,500 ຄົນ

ການສອບເສັງເຂົ້າມະຫາວິທະຍາໄລສະຫວັນນະເຂດ ປະຈໍາສົກສຶກສາ 2024-2025 ຈັດຂຶ້ນໃນວັນທີ 20 ສິງຫາ 2024 ໂດຍການເປັນປະທານຕັດຫົວບົດ ສອບເສັງໃນຄັ້ງນີ້ມີທ່ານ ນາງ ຫຼິງທອງ ແສງຕາວັນ ຮອງເຈົ້າ ແຂວງສະຫວັນນະເຂດ.

ມະຫາວິທະຍາໄລສະ ຫວັນນະເຂດ ມີ 8 ຄະນະວິຊາ, ມີ 46 ຫຼັກສູດທີ່ເປີດການຮຽນ-ການສອນ, ລວມມີ 3 ຫຼັກສູດ ປະລິນ ຍາໂທ, 37 ຫຼັກສູດປະລິນຍາຕີປົກກະຕິ, 5 ຫຼັກສູດຕໍ່ເນື່ອງ ແລະ 1 ຫຼັກສູດນານາຊາດ, ຫຼັກສູດທັງໝົດແມ່ນຢູ່ພາຍໃຕ້ການ ຊີ້ນຳຂອງກົມການສຶກສາຊັ້ນສູູງກະຊວງສຶກສາທິການ ແລະກິລາ.

ສໍາລັບການສອບເສັງຄັດເລືອກ ເອົານັກສຶກສາເຂົ້າສຶກສາຕໍ່ທີ່ ມະຫາວິທະຍາໄລສະຫວັນນະ ເຂດ ໃນສົກປີ 2024 ຫາ 2025 ນີ້ ໄດ້ແບ່ງສູນສອບເສັງອອກເປັນ 3 ສູນໃຫຍ່ຄື: ສູນສອບເສັງມະຫາ ວິທະຍາໄລສະຫວັນນະເຂດ, ສູນສອບເສັງ ມ.ປາຍ ທ່າແຂກ ແລະສູນສອບເສັງເຊໂປນ, ໂດຍ ມີການກຳນົດເອົາທັງ 3 ສູນການ ສອບເສັງຄັດເລືອກເອົານັກສຶກສາເຂົ້າຮຽນຕໍ່ແມ່ນວັນທີ 20 ສິງ ຫາ 2024 ແຕ່ວ່າໃນການປະຕິບັດ ຕົວຈິງແມ່ນສາມາດປະຕິບັດໄດ້ ແຕ່ສູນດຽວຄື ສູນມະຫາວິທະຍາໄລສະ ຫວັນນະເຂດ, ສ່ວນສູນ “ອື່ນແມ່ນ ມີຈໍານວນນັກສອບໜ້ອຍ ວິທີແກ້ແມ່ນໄດ້ຈັດສອບແບບອອນລາຍແທນ.

ນັກຮຽນທີ່ສະໝັກສອບເສັງໃນແຕ່ລະສູນມີຈໍາ ນວນທັງ ໝົດ 329 ຄົນ ຍິງ 199 ຄົນ, ຖ້າປຽບທຽບກັບແຜນຮັບນັກ ສຶກສາປີນີ້ທີ່ກະຊວງອະນຸມັດຈໍານວນ 1,500 ຄົນ, ກວມເອົາພຽງ 22% ແລະຈໍານວນນັກສອບເສັງ ແມ່ນຍັງມີໜ້ອຍເມື່ອປຽບທຽບ ກັບຈໍານວນນັກຮຽນ ມ7 ທີ່ມະຫາ ວິທະຍາໄລຮັບຜິດຊອບ 3 ແຂວງ ຄື: ແຂວງບໍລິຄໍາໄຊ, ຄໍາມ່ວນ ແລະສະຫວັນນະເຂດ ທີ່ມີຈໍາ ນວນນັກຮຽນທັງໝົດ 9,468 ຄົນ, ແຕ່ມີຜູ້ມາສອບເສັງເຂົ້າຮຽນຕໍ່ ທີ່ມະຫາວິທະຍາໄລສະຫວັນນະ ເຂດ ມີພຽງ 329 ຄົນ ສະເລ່ຍພຽງ ແຕ່ 3.4% ເທົ່ານັ້ນ.