ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ມີຜູ້ເດີນທາງ ເຂົ້າມາມີທັງໝົດ1,284 ຄົນ ໃນວັນທີ 14 ມິຖຸນາ 2020

ດຣ. ລັດສະໝີ ວົງຄຳຊາວ, ຮອງຫົວໜ້າກົມ ຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ຖະແຫຼງຂ່າວຕໍ່ສື່ມວນຊົນ ໃນຕອນເຊົ້າວັນທີ 15 ມິຖຸນາ 2020 ວ່າ: ໃນວັນທີ 14 ມິຖຸນາ 2020 ມີຜູ້ເດີນທາງ ເຂົ້າມາມີທັງໝົດ1,284 ຄົນ, ໃນນັ້ນ ເຂົ້າມາ ຈຸດຜ່ານດ່ານລາວໄທ700 ຄົນຊຶ່ງມີລາຍລະອຽດດັ່ງລຸ່ມນີ້:  ຜ່ານດ່ານນ້ຳເງິນ,​ ແຂວງໄຊຍະບູລີ ຄົນໄທ 14 ຄົນ ເຂົ້າໄປເຮັດວຽກຢູ່ບໍລິສັດໄຟຟ້າຫົງສາ. ຜ່ານດ່ານຂົວມິດຕະພາບແຫ່ງທີ I ມີ ມີຄົນໄທເຂົ້າມາເຮັດວຽກ03 ຄົນແລະ ນັກການທູດລາວ 01 ຄົນ. ຜ່ານດ່ານ ຂົວມິດຕະພາບແຫ່ງທີ II ມີແຮງງານລາວ 39 ຄົນ ມີຖິ່ນຖານຈາກ ສະຫວັນນະເຂດ  37 ຄົນ, ສາລະວັນ 01 ຄົນ ແລະຄໍາມ່ວນ 01 ຄົນ.  ແຮງງານລາວເຂົ້າມາຜ່ານດ່ານວັງເຕົ່າ-ຊ່ອງເມັກມີ38ຄົນ (ມີຖິ່ນຖານຈາກຈໍາປາສັກ 24 ຄົນ, ສາລະວັນ 05 ຄົນ, ສະຫວັນນະເຂດ 04 ຄົນ, ຄຳມ່ວນ 03 ຄົນ, ບໍລິຄຳໄຊ 01 ຄົນ ແລະ ນະຄອນຫຼວງວຽງຈັນ 01 ຄົນ ເຫຼືອນັ້ນແມ່ນຄົນຂັບລົດສົ່ງສິນຄ້າ 605 ຄົນ.

ຈຸດຜ່ານດ່ານ ລາວຈີນ43 ຄົນ,ທັງໝົດແມ່ນຜູ້ຂັບລົດຂົນສົ່ງສິນຄ້າ. ຈຸດຜ່ານດ່ານລາວຫວຽດ ນາມ 518 ຄົນ,ຜ່ານດ່ານນ້ຳໂສ້ຍ, ແຂວງຫົວພັນ ມີຄົນ ຫວຽດນາມ 10 ຄົນ, ເຫຼືອນັ້ນ ແມ່ນຄົນຂັບລົດສົ່ງສິນຄ້າ. ຈຸດຜ່ານດ່ານ ລາວກຳປູເຈຍ 03 ຄົນ, ທັງໝົດແມ່ນຄົນລາວ. ຈຳນວນຜູ້ເດີນທາງຜ່ານສະໜາມບິນສາກົນວັດໄຕ 20 ຄົນ, ທັງໝົດ ແມ່ນຄົນຈີນ  ເຊິ່ງເຮັດວຽກຢູ່ບໍລິສັດຄອນຈໍ 16 ຄົນ ແລະ ບໍລິສັດສິນຄ້າຊ່າງຕົງ 04 ຄົນ.

ທຸກຄົນແມ່ນໄດ້ແທກອຸນຫະພູມຮ່າງກາຍ,ກວດຫາອາການຜິດປົກກະຕິ, ແຕ່ບໍ່ພົບຜູ້ມີອາການເປັນໄຂ້ແລະໄດ້ເກັບຕົວຢ່າງທຸກ​ໆຄົນມາກວດ (ຍົກ​ເວັ້ນແຕ່​ຜູ້​ຂັບ​ລົດ​ຂົນ​ສົ່ງ​ແລະ​ຜູ້​ຕິດ​ຕາມ​) ແລ້ວຈຶ່ງນຳສົ່ງໄປ​ຫາສະຖານທີ່ຈຳກັດບໍລິເວນທີ່ກຳນົດໄວ້ຈົນກວ່າຈະຄົບກຳນົດ 14ວັນ.

ໃນວັນທີ 14ມິຖຸນາ2020, ໄດ້ເກັບຕົວຢ່າງມາກວດວິເຄາະທັງໝົດ854ຄົນ, ໃນນັ້ນແຮງງານລາວກັບມາແຕ່ໄທ625ຄົນ, ແຮງງານໄທ04 ຄົນ, ແຮງງານຈີນ 165 ຄົນ, ແຮງງານຫວຽດນາມ 56ຄົນ ແລະ ກໍລະນີສົງໄສ  04 ຄົນ.

ຜົນກວດຂອງແຮງງານລາວ, ແຮງງານໄທ, ແຮງງານຈີນ, ແຮງງານຫວຽດນາມ ແລະ ກໍລະນີ

ສົງໄສທີ່ກວດມື້ວານນີ້ບໍ່ພົບເຊື້ອ. ໝາຍຄວາມວ່າໃນວັນທີ 14ມິຖຸນາ 2020 ບໍ່ມີຜູ້ຕິດເຊື້ອໃໝ່.

ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 14ມິຖຸນາ2020 ໄດ້ເກັບຕົວຢ່າງມາກວດທັງໝົດ11,000 ຕົວຢ່າງ, ກວດພົບເຊື້ອສະສົມ19ຄົນ(64 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).