ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ມື້ນີ້ ສປປ ລາວ ບໍ່ພົບຜູ້ຕິດເຊື້ອພະຍາດໂກວິດ19 ເພີ່ມເປັນມື້ທີ 23

ສຈ.ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈໍາການ ຄະນະສະເພາະກິດ ຄວບຄຸມພະຍາດໂຄວິດ 19 ຖະແຫລງຕອນບ່າຍວັນທີ 5 ພຶດສະພານີ້ ເຖິງສະພາບການຄວບຄຸມພະຍາດໂກວິດ 19 ຢູ່ລາວວ່າ: ມື້ຜ່ານມາໄດ້ເກັບຕົວຢ່າງມາກວດທັງໝົດ 195 ຄົນ, ໃນນັ້ນ ມີກໍລະນີສົງໄສ 6 ຄົນ ແລະ ແຮງງານລາວທີ່ກັບມາຈາກປະເທດໄທ 189 ຄົນ. ຜົນນກວດທັງໝົດ 195 ຄົນ ແມ່ນບໍ່ພົບເຊື້ອໃໝ່. ໝາຍຄວາມວ່າໃນວັນທີ 4 ພຶດສະພາ 2020 ບໍ່ມີກໍລະນີໃໝ່.

ນັບແຕ່ເດືອນມັງກອນ ຮອດ ວັນທີ 4 ພຶດສະພາ 2020 ໄດ້ເກັບຕົວຢ່າງມາກວດທັງໝົດ ມີ 2,418 ຕົວຢ່າງ, ກວດພົບເຊື້ອສະສົມ 19 ຄົນ (23 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ).

ມາຮອດວັນທີ 4 ພຶດສະພາ 2020 ທົ່ວປະເທດ ຍັງມີສູນຈໍາກັດບໍລິເວນ ທັງໝົດ 93  ສູນ, ມີຜູ້ຈຳກັດບໍລິເວນຢູ່ສູນ 566 ຄົນ, ເກັບຕົວຢ່າງມາກວດວິເຄາະຫາເຊື້ອ 934 ຄົນ. ທັງໝົດບໍ່ພົບເຊື້ອ. ຮອດມື້ນີ້ ຜູ້ຈຳກັດບໍລິເວນຢູ່ເຮືອນແມ່ນຄົບກຳນົດແລ້ວ. ຜູ້ທີ່ເດີນທາງເຂົ້າມາ ສປປ ລາວ ເລິ່ມແຕ່ວັນທີ 20 ເມສາ 2020 ເປັນຕົ້ນມາ ແມ່ນໄດ້ຈຳກັດບໍລິເວນຢູ່ສູນ ຫຼື ໂຮງແຮມຕາມທີ່ໄດ້ກຳນົດໄວ້ ໃນແຈ້ງການເລກທີ 507/ຫສນຍ ຊຶ່ງບໍ່ອະນຸຍາດໃຫ້ຈຳກັດບໍລິເວນຢູ່ເຮືອນ ເພື່ອຮັບປະກັນການປະຕິບັດມາດຕະການປ້ອງກັນການແຜ່ເຊື້ອ ແລະ ມີຄວາມສະດວກໃນການຕິດຕາມກວດກາສຸຂະພາບແຕ່ລະວັນ ແລະ ການລາຍງານຕໍ່ຄະນະສະເພາະກິດ.

ການຕິດຕາມປີ່ນປົວຄົນເຈັບຢູ່ໂຮງໝໍ: ປະຈຸບັນ ມີຜູ້ຕິດເຊື້ອນອນຕິດຕາມ ປິ່ນປົວຢູ່ໂຮງໝໍມິດຕະພາບ 9 ຄົນ ທັງໝົດເຫັນວ່າ ມີອາການເບົາບາງ ແລະ ຍັງຕິດຕາມເພື່ອກວດວິເຄາະຢັ້ງຢືນການບໍ່ພົບເຊື້ອ;

ທົ່ວໂລກ : ຕິດເຊຶ້ອ 3.642.581 ຄົນ, (ເພີ່ມ 78.380 ຄົນ), ເສຍຊີວິດ 252.119 7 ຄົນ, (ເພີ່ມ 4.087 ຄົນ), ປົວດີ 1.162.818 ຄົນ.

ຈີນແຜ່ນດິນໃຫຍ່ : ຕິດເຊື້ອ 82.881 ຄົນ, (ເພີ່ມ 1 ຄົນ) ເສຍຊີວິດ 4.633 ຄົນ, ປົວດີ 77.853 ຄົນ.

– ອາເມລິກາ : ຕິດເຊື້ອ 1.210.007 ຄົນ, ຫຼາຍເປັນອັນດັບ 1 ຂອງໂລກ (ເພີ່ມ 24.478 ຄົນ) ເສຍຊີວິດ 69.644 ຄົນ (ເພີ່ມ 1.326 ຄົນ)

– ຫວຽດນາມ : ຕິດເຊື້ອ 271 ຄົນ, ປົວດີ 219ຄົນ , ບໍ່ມີຜູ້ເສຍຊີວິດ.

– ໄທ : ຕິດເຊື້ອ 2.987 ຄົນ (ເພີ່ມ 18 ຄົນ) ປົວດີ 2.740 ຄົນ, ເສຍຊີວິດ 54 ຄົນ