ມູນນິທິຈີນ ແຈກຢາຍເຄື່ອງອຸປະໂພກ-ບໍລິໂພກ ໂອກາດບຸນປະເພນີໄຫວ້ບັນພະບຸລຸດ

ວັນທີ 29 ສິງຫາ 2024 ທີ່ມູນນິທິຈີນນະຄອນຫລວງວຽງຈັນ ຈັດກິດຈະກຳບຸນປະເພນີ ໄຫວ້ບັນພະບຸລຸດ ແລະ ຄົບຮອບວັນສ້າງຕັ້ງມູນນິທິຈີນນະຄອນຫລວງວຽງຈັນ 58 ປີ ໂດຍມີ ທ່ານ ບຸນຕາ ສຸລິວົງ ເຈົ້າເມືອງຈັນທະບູລີ, ທ່ານ ອ່າງ ຫານວິຈິດ ປະທານມູນນິທິຈີນນະຄອນຫລວງວຽງຈັນ, ທັງເປັນຮອງປະທານສະ ມາຄົມຈີນ, ຫົວໜ້າກົງສຸນສະຖານທູດຈີນປະຈຳລາວ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານ ອ່າງ ຫານວິຈິດ ໃຫ້ຮູ້ວ່າ: ການຈັດກິດຈະກໍາຄັ້ງນີ້ ເປັນປະເພນີທີ່ສືບທອດກັນມາ ເພື່ອລະນຶກເຖິງ ບັນພະບຸລູດ ແລະ ຄົບຮອບວັນສ້າງຕັ້ງມູນນິທິຈີນນະຄອນຫລວງວຽງຈັນ ຄົບ ຮອບ 58 ປີ ເຊິ່ງ ກິດຈະກຳໄຫວ້ບັນພະບຸລຸດ ແລະ ແຈກຍາຍເຄື່ອງອຸປະໂພກ-ບໍລິໂພກ ແມ່ນໄດ້ຖືເອົາເດືອນສິງຫາຂອງທຸກໆປີ ແລະ ໃນປີ 2024 ນີ້, ໄດ້ກຳນົດເອົາວັນທີ 28 ສິງຫາ ຕອນເຊົ້າແມ່ນມີພິທີຕັກບາດຖະຫວາຍສັງຄະທານ ແດ່ພະສົງສາມະເນນແບບ ປະເພນີລາວ ແລະ ວັນທີ 29 ສິງຫາ ແມ່ນ ພິທີໄຫ້ວບັນພະບຸລຸດຕາມປະເພນີຂອງຊາວຈີນ ທີ່ເຄີຍສືບທອດປະຕິ ບັດກັນມາ.

ສ່ວນກິດຈະກຳນແຈກຍາຍເຄື່ອງອຸປະໂພກ-ບໍລິໂພກໃນປີນີ້, ແມ່ນໄດ້ແຈກຢາຍຂົ້າສານປະມານ 20 ໂຕນ, ອາຫານແຫ້ງ, ເຄື່ອງໃຊ້ໃນຄົວເຮືອນ 4.000 ກວ່າຖົງ, ລວມມູນຄ່າທັງໝົດ 1 ຕື້ກວ່າກີບ ເຊິ່ງເຄື່ອງທີ່ນຳມາແຈກ ຢາຍ ແມ່ນໄດ້ຮັບຈາກການປະກອບສ່ວນຂອງຫລາຍພາກສ່ວນ ເປັນຕົ້ນ ບັນດາຫົວໜ່ວຍທຸລະກິດ, ຄອບຄົວ ຜູ້ໃຈບຸນ, ສະມາຄົມຕ່າງໆທັງພາຍໃນ ແລະ ຕ່າງປະເທດ.