ໃນວັນທີ 28 ພຶດສະພານີ້ ມູນນິທິຮ່ວມໃຈ ເກົາຫຼີ ໄດ້ນຳເອົາຜ້າອັດປາກ, ດັງ, ເຈວລ້າງມື, ສະເປຂ້າເຊື້ອ, ເຫຼົ້າ 90 ລວມມູນຄ່າ 22 ລ້ານກວ່າກີບ ມອບໃຫ້ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ເພື່ອນຳໃຊ້ເຂົ້າໃນການຕ້ານ ແລະ ສະກັດກັ້ນພະຍາດໂຄວິດ-19, ຕາງໜ້າໃຫ້ມູນນິທິ ກ່າວມອບໂດຍທ່ານນາງ ດາລານີ ພົມມະວົງສາ ຫົວໜ້າກົມຄຸ້ມຄອງການທ່ອງທ່ຽວ ກະຊວງ ຖວທ ແລະ ກ່າວຮັບໂດຍທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງ ຖວທ.
ເຄື່ອງທີ່ນຳມາມອບໃນຄັ້ງນີ້ ປະກອບມີ ຜ້າປິດປາກ-ດັງ 30 ​ພັນອັນ, ເຈວລ້າງມື 100 ກວດ, ສະເປຂ້າເຊື້ອ 100 ກວດ ແລະ ເຫຼົ້າ 90 ຈຳນວນ 100 ລິດ ລວມມູນຄ່າທັງໝົດ 22.600.000 ກີບ.
ທ່ານ ສະຫວັນຄອນ ຣາຊມຸນຕຣີ ໄດ້ສະແດງຄວາມຂອບໃຈ ຕໍ່ມູນນິທິຮ່ວມໃຈ ເກຼົາຫຼີ ທີ່ເຫັນໄດ້ຄວາມສຳຄັນນຳເອົາເຄື່ອງຊ່ວຍເຫຼືອຕ້ານໂຄວິດ-19 ມາມອບໃຫ້ໃນຄັ້ງນີ້, ພ້ອມທັງຢືນຢັນຈະນຳເອົາເຄື່ອງຊ່ວຍເຫຼືອ ດັ່ງກ່າວໄປແຈກຍ້າຍໃຫ້ພະນັກງານ ແລະ ປະຊາຊົນ ເພື່ອຕ້ານ ແລະ ສະກັດກັ້ນ ການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ ໃຫ້ຫຼຸດລົງ ແລະ ກັບຄືນສູ່ສະພາບປົກກະຕິໂດຍໄວ .
(ຂ່າວ-ພາບ: ຍຸພິນທອງ)
Loading...