ວັນທີ 17 ກັນຍານີ້, ກອງບັນຊາການປ້ອງກັນສູນກາງ (ປກ) ກະຊວງ ປກສ ໄດ້ຈັດຝຶກອົບຮົມວິຊາສະເພາະມ້າຂາວຄຸມແຫ່ ເພື່ອກະກຽມຄວາມພ້ອມປ້ອງກັນກອງປະຊຸມສຸດຍອດ ອາຊຽນ ປີ 2024 ທີ່ຈະມາເຖິງໃນມໍ່ໆນີ້ ໃຫ້ມີຄວາມສະຫງົບ-ປອດໄພ 100% ໂດຍການປະທານຂອງ ພັອ ຄໍາເຜີຍ ຄໍາດີ ຮອງຫົວໜ້າກອງບັນຊາການ ປກ.
ການຝຶກອົບຮົມໃນຄັ້ງນີ້ ໃຊ້ເວລາທັງໝົດ 14 ວັນ ຈຶ່ງຈະສໍາເລັດ. ເອກະສານທີ່ນໍາມາຄົ້ນຄວ້າຮໍ່າຮຽນ ປະກອບມີ 3 ພາກ ໄດ້ແກ່:
– ພາກທີ I ແມ່ນຄວາມຮູ້ພື້ນຖານການຄຸມແຫ່ ແລະ ກົດຈະລາ ຈອນ 2 ວັນ ເທົ່າກັບ 14 ຊົ່ວໂມງ
– ພາກທີ II ມີ 2 ບົດ ຄື: ຂັບຂີ່ທາງສັ້ນ-ຈອດຈຸດທີ່ໝາຍ 2 ວັນ ແລະ ຂັບຂີ່ເລກ 8 ງູລອຍ 2 ວັນ
– ພາກທີ III ມີ 3 ບົດ ຄື: ຄຸມແຫ່ຮູບແຖວ 3 ຄັນ 2 ວັນ, ຄຸມແຫ່ຮູບແຖວ 5 ຄັນ 2 ວັນ ແລະ ຄຸມແຫ່ຮູບແຖວ 7 ຄັນ 4 ວັນ
ຂ່າວ: ລັດດາວັນ
