ໃນວັນທີ 22 ສິງຫາ 2024 ເກີດຝົກຕົກໜັກຕິດຕໍ່ກັນຫລາຍຊົ່ວໂມງ ເຮັດໃຫ້ດິນເຈື່ອນ, ຕົ້ນໄມ້ລົ້ມທັບສາຍຕາຂ່າຍໄຟຟ້າ ຢູ່ເຂດບ້ານນາຮ້ວງ ເມືອງໄຊແຂວງອຸດົມໄຊ ຊຶ່ງສົ່ງຜົນເຮັດໃຫ້ ອຸປະກອນໄຟຟ້າເປ່ເພ ແລະ ເສຍຫາຍຈຳນວນໜຶ່ງ ພ້ອມນີ້, ປະຊາຊົນໃນເຂດບ້ານດັ່ງກ່າວ ບໍ່ມີໄຟຟ້າໃຊ້ຊົ່ວຄາວ.
ຕໍ່ກັບສະພາບການດັ່ງກ່າວ, ລັດວິສາຫະກິດໄຟຟ້າ ສາຂາແຂວງອຸດົມໄຊ ໄດ້ລົງແກ້ໄຂສ້ອມແປງສຸກເສີນໃນຈຸດດັ່ງກ່າວ ຊຶ່ງປັດຈຸບັນໄດ້ສ້ອມແປງສຳເລັດແລ້ວ ພ້ອມທັງສົ່ງໄຟຟ້າໃຫ້ປະຊາຊົນໄດ້ຊົມໃຊ້ເປັນປົກກະຕິ.
ເນື່ອງຈາກປັດຈຸບັນ ສະພາບອາກາດ ໃນເຂດດັ່ງກ່າວ ແມ່ນຍັງມີຝົນຕົກລິນ ຈາກການລົງສຳຫລວດ ຂອງລັດວິສາຫະກິດໄຟຟ້າລາວ ສາຂາແຂວງອຸດົມໄຊ ເຫັນວ່າ ລະບົບຕາຂ່າຍໄຟຟ້າ ມີຫລາຍຈຸດ ແມ່ນຍັງມີຄວາມສ່ຽງ.
ສະນັ້ນ, ຖ້າຫາກທ່ານໃດທີ່ພົບເຫັນ ເຫດການຜິດປົກກະຕິທາງດ້ານໄຟຟ້າ ສາມາດໂທແຈ້ງຫ້ອງການໄຟຟ້າ ປະຈຳເມືອງຂອງທ່ານໂດຍດ່ວນ ຫລື ສາມາດໂທແຈ້ງໄດ້ທີ່ເບີ 030 4744770 ເພື່ອຄວາມປອດໄພຂອງຕົວທ່ານເອງ.
ລັດວິສາຫະກິດໄຟຟ້າລາວ ສາຂາແຂວງອຸດົມໄຊ ໂທ: (856-81) 312 505, 212 530
ສາຍດ່ວນ: 081 1199
