ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເມື່ອບໍ່ດົນມານີ້, ທີ່ນະຄອນຫລວງປັກກິ່ງຂອງຈີນ, ທ່ານ ລີ ເຄີ້ງສຽງ, ນາຍົກລັດຖະມົນຕີຈີນ ໄດ້ເປັນປະທານກອງປະຊຸມຜູ້ບໍລິຫານສະພາແຫ່ງລັດຂອງຈີນ, ເຊີ່ງກອງປະຊຸມໄດ້ມີມະຕິເພີ່ມການຊ່ວຍເຫລືອໃຫ້ພາກທຸລະກິດ ແລະ ປະຊາຊົນທີ່ມີລາຍຮັບຕໍ່າ ໂດຍສະເພາະຜູ້ທີ່ໄດ້ຮັບຜົນກະ ທົບຈາກການລະບາດຂອງພະຍາດໂຄວິດ-19.
ກອງປະຊຸມ ໄດ້ຕີລາຄາວ່າ: ເສດຖະກິດຂອງຈີນຍັງຮັກ ສາການຟື້ນຕົວໄດ້ດີຫລັງຈາກການລະບາດຂອງພະຍາດໂຄວິດ-19, ແຕ່ຍັງມີຄວາມສ່ຽງສົມຄວນ ຈິ່ງຈໍາເປັນຕ້ອງເພີ່ມມາດຕະການທາງດ້ານການເງິນເພື່ອສະໜັບສະໜູນພາກທຸລະກິດໃຫ້ຫລາຍຂຶ້ນ ເຊີ່ງທາງການທ້ອງຖິ່ນຈະສາ ມາດອອກພັນທະບັດໃນອັດຕາສ່ວນທີ່ເໝາະສົມຕາມກົດ ໝາຍ ແລະ ສາມາດອອກມາດຕະການດອກເບ້ຍເງິນກູ້ພິ ເສດໄດ້ ເພື່ອຊ່ວຍເຫລືອປະຊາຊົນທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19, ລວມທັງໄພພິບັດທາງທໍາມະຊາດ.
ໃນໄລຍະ 6 ເດືອນຕົ້ນປີນີ້, ລັດຖະບານຈີນ ໄດ້ເພີ່ມງົບປະມານຊ່ວຍເຫລືອດ້ານການເງິນຫລາຍກວ່າ 120 ຕື້ຢວນ, ເພີ່ມຂຶ້ນ 7% ເມື່ອທຽບໃສ່ໄລຍະດຽວກັນຂອງປີກາຍ, ພ້ອມນີ້ ຍັງຈະເພີ່ມການຊ່ວຍເຫລືອໃນການດໍາລົງຊີວິດປະຈໍາວັນໃຫ້ປະຊາຊົນທີ່ມີລາຍຮັບຕໍ່າ ໂດຍສະເພາະໂຄງການອຸດໜູນຄ່າຄອງຊີບຈະຂະຫຍາຍຫລາຍຂຶ້ນກວ່າເກົ່າ ເພື່ອຊ່ວຍໃຫ້ປະຊາຊົນມີຊີວິດການເປັນຢູ່ທີ່ນັບມື້ດີຂຶ້ນ. ຂະນະດຽວກັນ ໃນລະຫວ່າງເດືອນສິງຫາປີ 2022 ຫາ ເດືອນມີນາປີ 2023 ຈະມີການປັບປຸງດ້ານສະຫວັດດີການສັງຄົມເພື່ອໃຫ້ສອງຄ່ອງກັບລາຄາສິນຄ້າທີ່ເພີ່ມຂຶ້ນ ແລະ ຈະຂະຫຍາຍສະຫວັດດີການໄປຫາປະຊາຊົນ 7 ກຸ່ມ, ທັງຜູ້ທີ່ດໍາລົງຊີວິດດ້ວຍເງິນຊ່ວຍເຫລືອ, ເດັກນ້ອຍກໍາພ້າ, ຜູ້ທີ່ຮັບເງິນຊ່ວຍເຫລືອວ່າງງານ ແລະ ຜູ້ທີ່ມີລາຍຮັບຕໍ່າແຕ່ບໍ່ໄດ້ຈັດເຂົ້າໃນກຸ່ມໄດ້ຮັບເງິນຊ່ວຍເຫລືອ ເຊີ່ງການຂະຫຍາຍສະຫວັດດີການສັງຄົມດັ່ງກ່າວນີ້ຈະກວມເອົາປະຊາຊົນຫລາຍກວ່າ 67 ລ້ານຄົນ.
ນອກຈາກນີ້ ລັດຖະບານຈີນ ຈະໃຫ້ເງິນສະໜັບສະໜູນທ້ອງຖິ່ນຕ່າງໆ ຕາມຄ່າໃຊ້ຈ່າຍທີ່ເພີ່ມຂຶ້ນຈາກການຂະຫຍາຍໂຄງການບັນເທົາທຸກ ແລະ ການປັບກົນໄກການອຸດໜູນລາຄາສິນຄ້າຕ່າງໆ. ໃນນີ້ ສໍາລັບກິດຈະການເບິ່ງ ແຍງຜູ້ມີອາຍຸສູງ ແລະ ເດັກນ້ອຍ ຈະມີການຍົກເວັ້ນຄ່າເຊົ່າພື້ນທີ່ໃຫ້ຜູ້ປະກອບການສ່ວນບຸກຄົນ ແລະ ຫົວໜ່ວຍທຸລະກິດຂະໜາດນ້ອຍ ແລະ ກາງທີ່ເຊົ່າດິນຂອງລັດ. ຄຽງຄູ່ກັນນີ້ ຈະຍົກເວັ້ນພາສີໃຫ້ຜູ້ທີ່ຊື້ລົດພະລັງງານໃໝ່ ຫລື ພະລັງງານສະອາດທີ່ຈະໄດ້ຮັບການຕໍ່ອາຍຸເປັນຄັ້ງທີ 3 ໄປຈົນຮອດປີ 2023, ລວມມູນຄ່າພາສີທີ່ຍົກເວັ້ນໃຫ້ລົດພະ ລັງງານສະອາດມີທັງໝົດ 100 ຕື້ຢວນ.
Source: Xinhua
Cr: BT