ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ລັດຖະບານປະກາດຜ່ອນຜັນບາງມາດຕະການເພື່ອໃຫ້ສັງຄົມດໍາລົງຊີວິດເປັນປົກະຕິແຕ່ນີ້ຮອດວັນທີ 1 ມິຖຸນາ 2020

ທີ່ສູນປະຕິບັດງານ ຄະນະສະເພາະກິດຄວບຄຸມ ໂຄວິດ19 ຕອນບ່າຍວັນທີ 15 ພຶດສະພານີ້ ທ່ານບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໄດ້ຖະແຫລງບາງມາດຕະການຜ່ອນຜັນ ເພື່ອໃຫ້ສັງຄົມປະຕິບັດ ແຕ່ວັນທີ 18 ພຶດສະພາ ຫາວັນທີ 1 ມິຖຸນາ2020, ເພື່ອໃຫ້ທຸກພາກສ່ວນໄດ້ປະຕິບັດໜ້າທີ່ຂອງຕົນ ແລະດໍາລົງຊີວິດໄດ້ເປັນປົກກະຕິ ,ຈາກນັ້ນ ສຈ.ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ຜູ້ປະຈໍາການຄະນະສະເພາະກິດຄວບຄຸມໂຄວິດ19 ຖະແຫລງຕໍ່ສື່ມວນຊົນ ເຖິງສະພາບການຄວບຄຸມໂຄວິດຢູ່ລາວກ່ຽວກັບການເຝົ້າລະວັງ ແລະ ວິເຄາະວ່າ: ໃນວັນທີ 14 ພຶດສະພາ 2020, ໄດ້ເກັບຕົວຢ່າງມາກວດທັງໝົດ 112 ຄົນ, ໃນນັ້ນ ມີກໍລະນີສົງໄສ 20 ຄົນ ເກັບຕົວຢ່າງມາກວດຫາເຊື້ອຄືນຂອງຜູ້ຕິດເຊື້ອທີ່ນອນປິ່ນປົວຢູ່ໂຮງໝໍມິດຕະພາບ 5 ຄົນ ຄືກໍລະນີທີ 7, 10, 16, 17 ແລະ 18 ແລະ ກໍລະນີທີ່ປິ່ນປົວຫາຍດີອອກໂຮງໝໍແລ້ວມີອາການໄຂ້ 1 ຄົນ ແລະ ແຮງງານລາວທີ່ກັບມາຈາກປະເທດໄທ 86 ຄົນ, ຜົນກວດທັງໝົດຂອງມື້ວານນີ້ ບໍ່ພົບເຊື້ອ, ໝາຍຄວາມວ່າໃນວັນທີ 14 ພຶດສະພາ 2020 ບໍ່ມີຜູ້ຕິດເຊື້ອໃໝ່.    ຮອດວັນທີ 15 ພຶດສະພາ ທົ່ວໂລກມີຜູ້ຕິດເຊຶ້ອ 4.514.359 ຄົນ, (ເພີ່ມຂຶ້ນ 89.719 ຄົນ), ເສຍຊີວິດ 302.684 ຄົນ, (ເພີ່ມ 4.831 ຄົນ), ປົວດີ 1.622.586 ຄົນ. ອາເມລິກາ : ຕິດເຊື້ອ 1.449.928 ຄົນ, (ເພີ່ມຂຶ້ນ 25.693 ຄົນ) ຫຼາຍເປັນອັນດັບ 1 ຂອງໂລກ ເສຍຊີວິດ 86.530 ຄົນ.

– ຈີນແຜ່ນດິນໃຫຍ່ : ຕິດເຊື້ອ 82.929 ຄົນ (ບໍ່ມີເພີ່ມ) ເສຍຊີວິດ 4.633 ຄົນ, ປົວດີ 78.717 ຄົນ.         ສ່ວນປະເທດສະມາຊິກອາຊຽນ: ສິງກະໂປ ມີຜູ້ຕິດເຊື້ອ 26.098 ຄົນ, ເສຍຊີວິດ 21 ຄົນ, ປົວດີ 5.973 ຄົນ, ອິນໂດເນເຊຍ: ຕິດເຊື້ອ 16.006 ຄົນ, ເສຍຊີວິດ 1.043 ຄົນ, ປົວດີ 3.518 ຄົນ, ຟິລິປິນ: ຕິດເຊື້ອ 11.876 ຄົນ, ເສຍຊີວິດ 790 ຄົນ, ປົວດີ 2.337 ຄົນ, ມາເລເຊຍ: ຕິດເຊື້ອ 6.819 ຄົນ, ເສຍຊີວິດ 112 ຄົນ, ປົວດີ 5.351 ຄົນ , ໄທ: ຕິດເຊື້ອ 3.018 ຄົນ,(ເພີ່ມ1ຄົນ)  ເສຍຊີວິດ 56 ຄົນ, ປົວດີ 2.850 ຄົນ, ຫວຽດນາມ: ຕິດເຊື້ອ 312 ຄົນ, ເພີ່ມຂຶ້ນ 24ຄົນ, ປົວດີ 260 ຄົນ, ບໍ່ມີຜູ້ເສຍຊີວິດ, ມຽນມາ: ຕິດເຊື້ອ 181 ຄົນ, ເສຍຊີວິດ 6 ຄົນ, ປົວດີ 84 ຄົນ ບຣູໄນ: ຕິດເຊື້ອ 141 ຄົນ, ເສຍຊີວິດ 1 ຄົນ, ປົວດີ 134 ຄົນ ກຳປູເຈຍ: ຕິດເຊື້ອ 122 ຄົນ, ບໍມີຜູ້ເສຍຊີວິດ, ປົວດີ 121 ຄົນ, ແລະຕີມໍເລສເຕ: ຕິດເຊື້ອ 24 ຄົນ, ບໍ່ມີຜູ້ເສຍຊີວິດ , ປົວດີ 21 ຄົນ