ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດ

Lao National Radio

ຊົມເຊີຍ ວັນສ້າງຕັ້ງພັກປະຊາຊົນປະຕິວັດລາວ
ຄົບຮອບ 65 ປີ ຢ່າງສຸດໃຈ

ລັດຖະບານຫວຽດນາມປະດັບຫລຽນໄຊດາວຄໍາ ຂອງຫວຽດນາມ ໃຫ້ກະຊວງປ້ອງກັນປະເທດ, ໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ.

ລັດຖະບານຫວຽດນາມປະດັບຫລຽນໄຊດາວຄໍາ ຊື່ງເປັນຫລຽນສູງສຸດຂອງຫວຽດນາມ ແລະຫລຽນປະເພດຕ່າງໆໃຫ້ກະຊວງປ້ອງກັນປະເທດ, ກົມກອງທ້ອງຖີ່ນ ແລະບຸກຄົນຈຳນວນໜື່ງ ໃນໂອກາດວັນສ້າງຕັ້ງກອງທັບປະ ຊາຊົນລາວ ວັນທີ 20 ມັງກອນ ຄົບຮອບ 70 ປີ. ພິທີຈັດຂື້ນໃນຕອນເຊົ້າວັນທີ 4 ພະຈິກ 2019, ທີ່ສະໂມສອນກະຊວງປ້ອງກັນປະເທດ ໂດຍເປັນກຽດເຂົ້າຮ່ວມຂອງທ່ານ ພັນຄຳ ວິພາວັນ, ກຳມະການກົມການເມືອງສູນກາງພັກ ຜູ້ປະຈຳການຄະນະເລຂາທິການສູນກາງພັກ ຮອງປະທານປະ ເທດ, ພົນເອກ ຈັນສະໝອນ ຈັນຍາລາດ, ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ, ພົນເອກ ໂງຊວນລິກ, ກໍາມະການກົມການເມືອງສູນກາງພັກກອມມຸຍນິດຫວຽດນາມ, ລັດຖະມົນຕີກະຊວງປ້ອງກັນປະເທດຫວຽດນາມ ພ້ອມດ້ວຍບັນດານາຍ ແລະພົນທະຫານອ້ອມຂ້າງກະຊວງປ້ອງກັນປະເທດລາວ ແລະຫວຽດນາມ.

ພົນເອກ ຈັນສະໝອນ ຈັນຍາລາດ, ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ ມີຄຳເຫັນວ່າ: ການປະດັບຫລຽນໄຊດາວຄຳໃນຄັ້ງນີ້ເປັນຄວາມພາກພູມໃຈ ແລະເປັນກຽດອັນສູງສົ່ງຂອງກອງທັບປະຊາຊົນລາວ ສະແດງໃຫ້ເຫັນວ່າຕະຫລອດໄລຍະ 70 ປີຜ່ານມາ ຜົນງານທີ່ກອງທັບປະຊາຊົນລາວຍາດມາໄດ້ນັ້ນ ຕິດພັນກັບຜົນງານລວມຂອງສອງປະເທດລາວ-ຫວຽດນາມ ຊື່ງເປັນຜົນງານແຫ່ງການຮ່ວມສຳພັນສູ້ຮົບລາວ-ຫວຽດນາມ ຕະຫລອດໄລຍະແຫ່ງການຕໍ່ສູ້ກູ້ຊາດ, ຕ້ານສັດຕູໂຕດຽວກັນ ເພື່ອຄວາມເປັນເອກະລາດແຫ່ງຊາດຂອງລາວ ກໍ່ຄືໄລຍະແຫ່ງການປົກປັກຮັກສາ ແລະສ້າງສາພັດທະນາປະເທດຊາດໃນປະຈຸບັນ. ລັດຖະບານຫວຽດນາມຍາມໃດກໍ່ໃຫ້ການຊ່ວຍເຫລືອສະໜັບສະໜູນລາວເວົ້າລວມ, ເວົ້າສະເພາະແມ່ນການຊ່ວຍເຫລືອກອງທັບປະ ຊາຊົນລາວດ້ານວັດຖຸກໍ່ຄືປັດໃຈຕ່າງໆ, ການກໍ່ສ້າງຊັບພະຍາກອນມະນຸດ ແລະອື່ນໆ ເປັນການປະ ກອບສ່ວນສຳຄັນເຂົ້າໃນການເສີມສ້າງ ແລະຮັດແໜ້ນສາຍພົວພັນມິດຕະພາບ, ຄວາມສາມັກຄີພິເສດ ແລະການຮ່ວມມືຮອບດ້ານລະຫວ່າງສອງຊາດ, ສອງກອງທັບລາວ-ຫວຽດນາມໃຫ້ແຕກດອກອອກຜົນຢ່າງບໍ່ຢຸດຢັ້ງ.

   ໃຫ້ກຽດປະດັບຫລຽນໄຊດາວຄຳໃຫ້ກະຊວງປ້ອງກັນປະເທດຄັ້ງນີ້ໂດຍພົນເອກ ໂງຊວນລິກ, ກໍາມະການກົມການເມືອງສູນກາງພັກກອມມຸຍນິດຫວຽດນາມ, ລັດຖະມົນຕີກະຊວງປ້ອງກັນປະເທດຫວຽດນາມ ແລະຂື້ນຮັບໂດຍພົນເອກ ຈັນສະໝອນ ຈັນຍາລາດ,ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ .

ໃນພິທີຍັງໄດ້ມອບຫລຽນໄຊປະເພດຕ່າງໆໃຫ້ກົມກອງລວມໝູ່ ແລະ ບຸກຄົນອີກຈຳນວນໜື່ງ ໃນນີ້ຫລຽນໄຊເອກະລາດຊັ້ນ 1 ປະກອບມີ 7 ກົມກອງ, ຫລຽນໄຊເອກະລາດຊັ້ນ 2 ມີ 10 ກົມກອງ, ຫລຽນໄຊເອກະລາດຊັ້ນ 3 ມີ 35 ກົມກອງ ແລະມອບໃຫ້ບຸກຄົນຕື່ມອີກ.