ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນລະຫວ່າງ ວັນທີ 25 ຫາ 26 ກໍລະກົດ 2023 ນີ້. ທ່ານ ໄພວີ ສີບົວລິພາ ກຳມະ ການສູນກາງພັກ, ເລຂາຄະນະບໍລິຫານພັກກະຊວງ, ລັດຖະມົນຕີກະຊວງຍຸຕິທຳ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມ ຢາມ ແລະ ເຮັດວຽກຢູ່ແຂວງວຽງຈັນ.
ໃນໂອກາດລົງເຄື່ອນໄຫວວຽກງານໃນຄັ້ງນີ້ ທ່ານລັດຖະມົນຕີກະຊວງຍຸຕິທຳ ພ້ອມດ້ວຍຄະ ນະ ໄດ້ເຂົ້າພົບ ທ່ານ ຄໍາພັນ ສິດທິດໍາພາ ກໍາມະການສູນກາງພັກ, ເລຂາພັກແຂວງ-ເຈົ້າແຂວງວຽງຈັນ ໄດ້ຮັບຊາບ. ໂດຍສະເພາະແມ່ນຊຸກຍູ້ການຈັດ ຕັ້ງປະຕິບັດວຽກງານຍຸຕິທໍາ ໂດຍສະ ເພາະ ແມ່ນການຊຸກຍູ້ການຈັດຕັ້ງປະຕິບັດວຽກງານຍຸຕິທໍາຮາກຖານ ປະຈໍາປີ 2023 ແລະ ການຈັດຕັ້ງປະຕິບັດຄໍາຕັດສີນຂອງສານ.
ຈາກນັ້ນ, ທ່ານລັດຖະມົນຕີກະຊວງຍຸຕິທຳ ພ້ອມດ້ວຍຄະນະ ກໍໄດ້ລົງເຄື່ອນໄຫວຕິດຕາມ, ຊຸກຍູ້ ແລະ ຊີ້ນຳ ການຈັດຕັ້ງປະຕິບັດວຽກງານຍຸຕິທໍາຮາກຖານ ຢູ່ແຂວງວຽງຈັນ, ມີຫົວໜ້າພະແນກ, ຮອງຫົວໜ້າພະແນກຍຸຕິ ທໍາແຂວງ ຫົວໜ້າຂະແໜງ, ຮອງຂະແໜງ, ບັນດາຫົວໜ້າຫ້ອງການຍຸຕິທຳ 11 ເມືອງ ແລະ ພະນັກງານຂອງກະຊວງຍຸຕິທຳ ທີ່ລົງຮາກຖານຢູ່ແຂວງວຽງຈັນ ເຂົ້າຮ່ວມທັງໝົດຈໍານວນ 62 ທ່ານ, ຍິງ 14 ທ່ານ.
ໃນກອງປະຊຸມ ທ່ານ ນາງ ຈັນສອນ ກົງດາລາ ຮອງເລຂາໜ່ວຍພັກ ຮັກສາການຫົວໜ້າພະແນກຍຸຕິທຳແຂວງວຽງຈັນ ໄດ້ລາຍງານສະພາບການເຄື່ອນໄຫວວຽກງານຍຸຕິທຳຮາກຖານໃນໄລຍະ 6 ຕົ້ນປີ ແລະ ທິດທາງແຜນ ການ 6 ເດືອນທ້າຍປີ 2023 ເປັນຕົ້ນ ການເຮັດວຽກງານການເມືອງ-ແນວຄິດ, ວຽກງານຈັດຕັ້ງ ແລະ ພະນັກງານ, ວຽກງານສ້າງ ແລະ ປັບປຸງນິຕິກຳ, ວຽກງານໂຄສະນາເຜີຍແຜ່ກົດໝາຍ, ວຽກງານການສ້າງບ້ານ ແລະ ຄອບຄົວແບບຢ່າງປະຕິບັດກົດໝາຍ, ວຽກງານໄກ່ເກ່ຍຂໍ້ຂັດແຍ່ງຂັ້ນບ້ານ, ວຽກງານຍຸຕິທຳເດັກ, ວຽກງານສ້າງບຸກຄະລາກອນທາງດ້ານກົດໝາຍ, ວຽກງານປະຕິບັດຄຳຕັດສີນຂອງສານ ຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ ແລະ ບັນດາຂໍ້ຄົງຄ້າງທີ່ຈະຕ້ອງໄດ້ເອົາໃຈໃສ່ປັບປຸງແກ້ໄຂໃນຕໍ່ໜ້າ. ຈາກນັ້ນ ທ່ານ ນາງ ສີສຸດາ ໂສພາວັນດີ ຫົວໜ້າກົມໂຄສະນາເຜີຍແຜ່ກົດໝາຍ ກະຊວງຍຸຕິທຳ ພະນັກງານລົງກໍ່ສ້າງຮາກຖານ ປະຈຳຢູ່ພະແນກຍຸຕິທຳ ແຂວງວຽງຈັນ ໄດ້ຂຶ້ນແນະນຳຕົນເອງ ພ້ອມທັງລາຍງານການເຄື່ອນໄຫວວຽກງານຂອງຕົນໃນ ໄລຍະລົງກໍ່ສ້າງຮາກຖານ 2 ເດືອນຜ່ານມາ ຊຶ່ງ ຍົກໃຫ້ຜົນສຳເລັດ, ຂໍ້ຄົງຄ້າງ ແລະ ທິດທາງແຜນການຂອງການຈັດຕັ້ງປະຕິບັດວຽກງານຍຸຕິທໍາຮາກຖານ ໃນຕໍ່ໜ້າ.
ໃນຕອນທ້າຍຂອງກອງປະຊຸມ ທ່ານ ໄພວີ ສີບົວລິພາ ກຳມະການສູນກາງພັກ, ເລຂາຄະນະບໍລິຫານພັກກະຊວງ, ລັດຖະມົນຕີກະຊວງຍຸຕິທຳ ກໍໄດ້ມີຄຳເຫັນໂອ້ລົມ ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນ ງານທີ່ພະແນກຍຸຕິທໍາແຂວງ ແລະ ຫ້ອງການຍຸຕິທໍາເມືອງ ຍາດມາໄດ້ໃນໄລຍະຜ່ານມາ. ພ້ອມນັ້ນ ທ່ານກໍໄດ້ເນັ້ນ ໜັກ ໃຫ້ຄະນະພັກ-ຄະນະນໍາຂອງພະແນກຍຸຕິທໍາ ເຊີດຊູບົດບາດການນໍາພາຂອງພັກ, ເອົາໃຈໃສ່ເພີ່ມທະວີສຶກສາ ອົບຮົມການເມືອງ-ນຳພາແນວຄິດ ໃຫ້ກວ້າງຂວາງ, ເລິກເຊິ່ງ, ຄົ້ນຄວ້າ, ເຊື່ອມຊຶມ, ແນວທາງນະໂຍບາຍຂອງພັກ, ກົດໝາຍ ແລະ ລະບຽບການຂອງລັດ ໃນແຕ່ລະໄລຍະໃຫ້ແກ່ສະມາຊິກພັກ, ພະນັກງານ ພາຍໃນພະແນກ ໃຫ້ເປັນປົກກະຕິ, ເອົາໃຈໃສ່ເຄື່ອນໄຫວຈັດຕັ້ງປະຕິບັດຄຳແນະນໍາຂອງລັດຖະມົນຕີກ່ຽວກັບການຈັດຕັ້ງປະຕິບັດວຽກງານຍຸຕິທຳຮາກຖານ ປະຈຳປີ 2023 ຢ່າງແຂງແຮງ ແລະ ເປັນຂະບວນການຟົດຟື້ນ, ຍົກສູງຄວາມເປັນແບບຢ່າງນຳໜ້າໃນການປະຕິບັດໜ້າທີ່ ທີ່ພັກ-ລັດ ແລະ ປະຊາຊົນມອບໝາຍໃຫ້ເປັນຢ່າງດີ ມີຜົນສຳເລັດໃໝ່ໃຫຍ່ຫຼວງກວ່າເກົ່າ.
ໃນໂອກາດລົງເຄື່ອນໄຫວຊຸກຍູ້ວຽກງານຍຸຕິທຳຮາກຖານໃນຄັ້ງນີ້ ທ່ານລັດຖະມົນຕີກະຊວງຍຸຕິທຳກໍໄດ້ມອບເງິນ ໃຫ້ພະແນກຍຸຕິທໍາແຂວງວຽງຈັນ ຈຳນວນ 15,000,000 ກີບ (ສິບຫ້າລ້ານກີບ) ແລະ ມອບໃຫ້ຫ້ອງ ການຍຸຕິທໍາ 11 ຕົວເມືອງ, ເມືອງລະ 15,000,000 ກີບ (ສິບຫ້າລ້ານກີບ) ລວມທັງໝົດ 180,000,000 ກີບ (ໜຶ່ງຮ້ອຍແປດສິບລ້ານກີບ) ເພື່ອຊຸກຍູ້ໃນການເຄື່ອນໄຫວວຽກງານຍຸຕິທໍາຮາກຖານ.
ຂ່າວ-ພາບ: ໄຊຍະສິດ ບັນຍາວົງ
May be an image of 5 people and text
May be an image of 10 people, dais and text
May be an image of 2 people, dais and text