ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ລັດຖະມົນຕີກະຊວງປ້ອງກັນປະເທດ ເຄືື່ອນໄຫວຢ້ຽມ ຢາມກອງພັນນ້ອຍທະຫານຮາບ19

ເນື່ອງໃນໂອກາດທີ່ ພົນເອກ ຈັນສະໝອນ ຈັນຍະລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ ເດີນທາງເຂົ້າຮ່ວມກອງປະຊຸມໃຫຍ່ຜູ້ແທນອົງຄະນະພັກແຂວງຜົ້ງສາລີ ຄັ້ງທີ XI . ໃນຕອນເຊົ້າຂອງວັນທີ 7 ຕຸລາ 2020 , ທ່ານ ພ້ອມດ້ວຍຄະນະການນຳຂັ້ນແຂວງ ໄດ້ເຄືື່ອນໄຫວຢ້ຽມຢາມ ແລະ ພົບປະໂອ້ລົມຄະນະພັກ, ຄະນະບັນຊາ, ນາຍ ແລະ ພົນທະຫານຢູ່ກອງພັນນ້ອຍທະຫານຮາບ 19 ທີ່ເມືອງບຸນເໜືອ, ແຂວງຜົ້ງສາລີ.

ໂອກາດນີ້ ທ່ານໄດ້ຮັບຟັງການລາຍງານຫຍໍ້ກ່ຽວກັບການຈັດຕັ້ງປະຕິບັດວຽກງານວິຊາສະເພາະໃນໄລຍະຜ່ານຂອງກອງພັນນ້ອຍທະຫານຮາບ 19 ຈາກ ພັນໂທ ວິໄລ ແພງສົມເຮືອງ ຄະນະພັກກອງບັນຊາການທະຫານແຂວງ, ເລຂາຄະນະພັກຮາກຖານ ຫົວໜ້າການເມືອງກອງພັນນ້ອຍທະຫານຮາບ 19. ຈາກນັ້ນ, ລັດຖະມົນຕີກະຊວງປ້ອງກັນປະເທດ ໄດ້ໃຫ້ກຽດໂອ້ລົມຕໍ່ນາຍ ແລະ ພົນທະ ຫານ ເຊິ່ງທ່ານໄດ້ຍົກໃຫ້ເຫັນສະພາບການທີ່ພົ້ນເດັ່ນທີ່ເກີດຂຶ້ນພາຍໃນ ແລະ ຕ່າງປະເທດ, ໝາກຜົນອັນພົ້ນເດັ່ນຂອງການປົກປັກຮັກສາ ແລະ ສ້າງສາພັດທະນາລະບອບໃໝ່, ເຊິ່ງທ້າທາຍຕໍ່ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃນປັດຈຸບັນ ກໍ່ຄືອະນາຄົດ, ປະ ຫວັດ, ມູນເຊື້ອອັນດີງາມຂອງກໍາລັງປ້ອງກັນຊາດແຂວງຜົ້ງສາລີ ເວົ້າລວມ ເວົ້າສະເພາະຂອງກອງພັນນ້ອຍທະ ຫານຮາບ 19, ຄວາມພະຍາຍາມ ແລະ ເອົາໃຈໃສ່ຂອງພັກ ແລະ ລັດຖະບານ ຕໍ່ການສ້າງ ແລະ ປັບປຸງກອງ ທັບໃຫ້ມີຄວາມເຕີບໃຫຍ່, ໝັກແໜ້ນ ແລະ ເຂັ້ມແຂງຮອບດ້ານຢ່າງບໍ່ຢຸດຢັ້ງ.

ທ່ານຍັງໄດ້ເນັ້ນໜັກໃຫ້ນາຍ ແລະ ພົນທະຫານກອງພັນນ້ອຍທະຫານຮາບ 19 ສືບຕໍ່ເອົາໃຈໃສ່ບາງດ້ານ ໂດຍສະເພາະແມ່ນ: ສືບຕໍ່ສືກສາອົບຮົບການເມືອງແນວຄິດໃຫ້ນາຍ ແລະ ພົນທະຫານຢ່າງຕໍ່ເນື່ອງ, ສືບຕໍ່ສ້າງພາລາທິ ການກັບທີ, ໃນການປູກ, ການລ້ຽງ, ເຮັດໃຫ້ກົມກອງກຸ້ມຢູ່ກຸ້ມກີນ, ສືບຕໍ່ຮໍ່າຮຽນເອົານໍ້າໃຈຮັກຊາດ, ນໍ້າໃຈພີລະອາດ ຫານ, ມູນເຊື້ອຂອງກອງ ທັບ ພ້ອມທັງເຊື່ອມຊຶມແນວທາງນະໂຍບາຍຂອງພັກ, ເອົາໃຈໃສ່ຝຶກແອບວິຊາສະເພາະໃຫ້ມີຄວາມຊໍານິຊໍານານ, ມີຄວາມພ້ອມໃນການສູ້ຮົບຢູ່ສະ ເໝີ ໂດຍສະເພາະສິນລະປະຍຸດ, ຍຸດທະວີທີ ແລະ ເຂັ້ມງວດໃນການປະຕິບັດລະ ບຽບວີໄນ, ມີການປຶກສາຫາລື, ແບ່ງງານ, ແບ່ງຄວາມຮັບຜິດຊອບ ສາມາດເຮັດຫຼ້ອນໜ້າທີ່ທີຂັ້ນເທິງມອບໝາຍໃຫ້ສໍາເລັດຕາມລະດັບຄາດ ໝາຍ ແນ່ໃສ່ເຮັດໃຫ້ປະເທດ ຊາດມີຄວາມສະຫງົບສຸກໂດຍພຶ້ນຖານ.

ໃນໂອກາດ ທ່ານລັດຖະມົນຕີກະຊວງປ້ອງກັນປະ ເທດ ລົງເຄື່ອນໄຫວ ແລະ ພົບປະໂອ້ລົມຄະນະພັກ, ຄະ ນະບັນຊາ, ນາຍ ແລະ ພົນທະຫານຢູ່ກອງພັນນ້ອຍທະ ຫານຮາບ19 ນັ້ນ ຍັງໄດ້ນຳເອົາອາຫານແຫ້ງຈຳນວນໝື່ງມອບໃຫ້ກັບກອງພັນນ້ອຍທະຫານຮາບ19 ຕື່ມອີກ.

Cr: ແສງຄໍາ ສາລີວັນ