ຕອນບ່າຍ ວັນທີ 30 ກໍລະກົດ 2024 . ທ່ານ ວິໄລວົງ ບຸດດາຄຳ ລັດຖະມົນຕີກະຊວງພາຍໃນ ພ້ອມດ້ວຍຄະນະ ໄດ້ລົງເຄຶ່ອນໃຫວຢ້ຽມຢາມສູນບໍລິການຜ່ານປະຕູດຽວ ເມືອງສາມັກຄີໄຊ ແຂວງອັດຕະປື ໂດຍການຕ້ອນຮັບຂອງ ທ່ານ ພິທູນ ມະວົງສາ ຮອງເຈົ້າເມືອງສາມັກຄີໄຊ ພ້ອມດ້ວຍຄະນະນຳຂອງເມືອງ ແລະພາກສ່ວນກ່ຽວຂ້ອງໃຫ້ການຕ້ອນຮັບ.
ທ່ານລັດຖະມົນຕີກະຊວງພາຍໃນ ໄດ້ຕີລາຄາສູງຕໍ່ການຊິ້ນຳ-ນຳພາຂອງຄະນະພັກ-ຄະນະນຳເມືອງສາມັກຄີໄຊ ທິ່ຍາມໃດກໍ່ໄດ້ເອົາໃຈໃສ່ນຳພາວຽກງານໃນແຕ່ລະຂົງເຂດ ໄດ້ຈັດຕັ້ງປະຕິບັດ ໄປຕາມພາລະບົດບາດສິດໜ້າທີ່ ຕາມການມອບໝາຍຂອງຄະນະນະພັກຂັ້ນເທິງ. ພ້ອມທັງຮຽກຮ້ອງມາຍັງຄະນະນຳເມືອງສາມັກຄີໄຊ ແຂວງອັດຕະປື ສືບຕໍ່ຖືສຳຄັນຕໍ່ວຽກງານສຶກສາອົບຮົມການເມືອງ ນຳພາແນວຄິດໃຫ້ຖັນແຖວ ສະມະຊິກພັກ-ພະນັກງານ ໃນແຕ່ລະຂົງເຂດວຽກງານພາຍໃນເມືອງຂອງຕົນ ເອົາໃຈໃສ່ໃນການຈັດຕັ້ງປະຕິບັດໜ້າທິ່ວຽກງານ ຖືເອົາການບໍລິການຜ່ານປະຕູດຽວເປັນແຜນຍຸດທະສາດຂອງເມືອງ ໃນເງຶ່ອນໄຂໜຶ່ງຂອງການສ້າງເມືອງເປັນຫົວໜ່ວຍເຂັ້ມເເຂງຮອບດ້ານ ໂດຍສະເພາະແມ່ນການຈັດຕັ້ງປະຕິບັດວຽກງານ ສູນບໍລິການຜ່ານປະຕູດຽວ ໃຫ້ເປັນທີ່ບໍລິການຂອງປະຊາຊົນ ບັນດາຫົວໜ່ວຍທຸລະກິດ ແລະອົງການຈັດຕັ້ງພາກລັດ -ເອກະຊົນ ຢ່າງໂປ່ງໃສໃນການຈັດຕັ້ງປະຕິບັດກົນໄກ ການບໍລິການຜ່ານປະຕູດຽວໃຫ້ເປັນທີ່ເຊື່ອໝັ້ນໄວ້ວາງໃຈ ແລະຍອມຮັບຂອງສັງຄົມຢ່າງແທ້ຈິງ.
ຂ່າວ:ສຸກມີໄຊ
