ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ລັດຖະມົນຕີກະຊວງສາທາລະນະສຸກຢັ້ງຢືນວ່າ: ປັດຈຸບັນ ລາວຍັງບໍ່ພົບກໍລະນີຕິດເຊື້ອພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃຫມ່ ຫລື ໂຄໂຣນາໄວຣັສ

ລັດຖະມົນຕີກະຊວງສາທາລະນະສຸກຢັ້ງຢືນວ່າ: ປັດຈຸບັນ ລາວຍັງບໍ່ພົບກໍລະນີຕິດເຊື້ອພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃຫມ່ ຫລື ໂຄໂຣນາໄວຣັສ ພາຍຫລັງສັງຄົມເປັນຫ່ວງເຖິງມາດຕະຖານການວິເຄາະເພື່ອຊອກຫາເຊື້ອພະຍາດ.

ຮອງສາສະດາຈານ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກເນັ້ນຫນັກວ່າ: ກະຊວງສາທາ ລະນະສຸກໄດ້ເຮັດວຽກຮ່ວມກັບອົງການອະນາໄມໂລກ ແລະ ອົງການຈັດຕັ້ງສາກົນທີ່ກ່ຽວຂ້ອງກັບພະຍາດໂຄໂຣນາໄວຮັສ ຜົນການກວດແຕ່ລະຄັ້ງ ລ້ວນແຕ່ມີປະສິດທີພາບ ຜ່ານ​ເຄື່ອງວິເຄາະຂໍ້ມູນທີ່ໄດ້ມາດຕະຖານ ແລະ ສາມາດຮັບປະກັນໄດ້ຢ່າງແນ່ນອນ, ສະນັ້ນ ຈິ່ງຫມັ້ນໃຈໄດ້ວ່າ ປັດ​ຈຸບັນ ຍັງບໍ່ມີລາຍງານການຕິດເຊື້ອໂຄໂຣນາສາຍພັນໃຫມ່ ຢ່າງໄດກໍຕາມ ລັດຖະບານ ກໍຄື ກະຊວງສາທາລະນະສຸກ ໄດ້ສືບຕໍ່ກະກຽມຄວາມພ້ອມ ເພື່ອຮັບມືກັບພະຍາດນີ້ຢ່າງເຂັ້ມງວດ ເພື່ອປ້ອງກັນບໍ່ໃຫ້ມີກໍລະນີການຕິດເຊື້ອໃນລາວ ແລະ ຖ້າຫາກພົບຄົນຕິດເຊື້ອຈະພະຍາຍາມຈໍາກັດການລະບາດຢ່າງທັນການ.
ລັດຖະມົນຕີກະຊວງສາທາລະນະສຸກ ຢັ້ງຢືນຕື່ມວ່າ: ລາວມີການລາຍງານກໍລະນີສົງໄສທັງຫມົດ 19 ກໍລະນີ ແຕ່ຜ່ານການກວດວິເຄາະແລ້ວ ບໍ່ພົບເຊື້ອພະຍາດໂຄໂຣນາໄວຣັສສາຍພັນໃຫມ່ ຫລື ໃຫ້ເປັນຜົນລົບທັງຫມົດ. ສໍາລັບການຕິດຕາມກໍລະນີສໍາຜັດໃກ້ຊິດກັບຄົນເຈັບທີ່ຖືກຢັ້ງຢືນວ່າຕິດເຊື້ອພະຍາດອັກເສບປອດທີ່ເຂົ້າມາທ່ຽວລາວແລ້ວກັບຄືນເມືອກວດພົບຢູ່ຈີນນັ້ນ, ໄດ້ຕິດຕາມຢ່າງໃກ້ຊິດທັງບຸກຄົນທີ່ເຮັດວຽກໃນການບໍລິການກຸ່ມທ່ອງທ່ຽວ, ພະນັກງານຂັບລົດ, ຜູ້ບໍລິການໃນໂຮງແຮມ, ຮ້ານອາຫານ, ສະຖານທີ່ທ່ອງທ່ຽວ ທຸກຄົນທີ່ມີການສໍາຜັດຢູ່ແຂວງຫລວງພະບາງຈໍານວນ 86 ຄົນ, ແຂວງຫລວງນໍ້າທາ ແລະ ອຸດົມໄຊເຫັນວ່າທັງຫມົດມີສຸຂະພາບແຂງແຮງດີ.

ຂ່າວ,​ພາບ: ຈັນທະພອນ​ ສີຫານາດ