ໃນວັນທີ 2 ກໍລະກົດ 2022ນີ້ ທ່ານ ມະໄລທອງ ກົມມະສິດ ກໍາມະການສໍາຮອງ ສູນກາງພັກ ລັດຖະມົນຕີ ກະຊວງອຸດສະຫະກໍາ ແລະ ການຄ້າ ພ້ອມຄະນະໄດ້ເດີນທາງມາຢ້ຽມຢາມຊຸກຍູ້ວຽກງານຢູ່ແຂວງຈຳປ່ສັກ ໂອກາດນີ້ໄດ້ ພົບປະໂອລົມ ພະນັກງານການນຳຫຼັກແຫຼງຂອງພະແນກອຸດສະຫະກຳ ແລະ ການຄ້າແຂວງ. ໂດຍຕ້ອນຮັບຂອງທ່ານ ປອ ບຸນຍະເດດ ທອງສະຫວັນ ກຳມະການພັກແຂວງ ຫົວໜ້າ ພະແນກ ອຸດສະຫະກຳ ແລະ ການຄ້າແຂວງ,ທ່ານ ສີທົນ ແກ້ວພູວົງ ອະດິດຄະນະປະຈຳພັກແຂວງ ອະດິດ ປະທານແນວລາວສ້າງແຂວງຈຳປາສັກ, ພ້ອມຄະນະ ແລະ ພະນັກຫຼັກແຫຼ່ງເຂົ້າຮ່ວມ.
ໃນພົບປະໂອ້ລົມຄັ້ງນີ້ ທ່ານ ມະໄລທອງ ກົມະສິດ ລັດຖະມົນຕີກະຊວງ ອຸດສະຫະກຳ ແລະ ການຄ້າ ກ່າວວ່າ ແມ່ນເພື່ອ ເປັນການພຝຢຽ້ມຢາມ ແລະ ຕິດຕາມ ຊຸກຍູ້ສະພາບ ການຈັດຕັ້ງປະຕິບັດວຽກງານ ເປັນຕົ້ນບັນຫາການຄຸ້ມຄອງລາຄານ້ຳມັນ ແລະ ລາຄາສິນຄ້າທີ່ກະທົບຕໍ່ສະພາບການພັດທະນາເສດຖະກິດສັງຄົມ, ກະທົບຕໍ່ຊິວິດການເປັນຢູ່ຂອງພໍ່ແມ່ປະຊາຊົນ,ໃນນີ້ໃດ້ຮຽກຮ້ອງໃຫ້ທຸກພາກສ່ວນໄດ້ສຶບຕໍ່ຕິດຕາມກວດກາຢ່າງໃກ້ຊິດ ໂດຍສະເພາະບັນຫາການສວຍໂອກາດໃນໄລຍະຂອງການວິກິດ ສະພາບເສດຖະກິດ ທີ່ກະທົບຈາກລາຄານ້ຳມັນມີການປ່ຽນແປງໃນຕະຫຼາດໂລກ ແລະ ບັນຫາ ການຂາດແຄນເງິນຕາ, ໃນນີ້ໄດ້ຊີ້ນຳໃຫ້ມີຄວາມເອົາໃຈໃສ່ເປັນພິເສດ ແລະ ໃນໂອກາດນີ້ ຍັງໄດ້ຮັບຟັງການລາຍງານບັນຫາ ແລະ ຄຳສະເໜີຂອງພະແນກອຸດສະຫະກຳການຄ້າແຂວງຈຳປາສັກ ເພື່ອນຳໄປປັບປຸງແກ້ໄຂໃນຂັ້ນກະຊວງ ເພື່ອເຮັດໃຫ້ການຈັດຕັ້ງປະຕິບັດວຽກງານໃຫ້ມີຄວາມສອດຄ່ອງ ແລະ ຮັບປະກັນຜົນສຳເລັດສູງໃນຕໍ່ໜ້າ.
ດວງໃຈ ຂຸນສັດດາ ນັກຂ່າວສວຈ
