ທ່ານ ຄຳແພງ ໄຊສົມແພງ ລັດຖະມົນຕີ ກະຊວງອຸດສາຫະກຳ ແລະ ການຄ້າ (ອຄ) ໄດ້ຕ້ອນ ຮັບ ທ່ານ ພາໂບຣ ອານໂຕນີໂອ ໂຣຣີເກຊ ວີດາລ (Pablo Antonio Rodriguez Vidal) ເອກອັກ ຄະລັດຖະທູດ ວິສາມັນຜູ້ມີອຳນາດເຕັມແຫ່ງ ສາທາລະນະລັດ ກູບາ ປະຈຳ ສປປ ລາວ ເຂົ້າຂ່ຳນັບ ເມື່ອວັນທີ 9 ມິຖຸ ນານີ້ ທີ່ ກະຊວງ ອຄ ໃນໂອກາດທີ່ ທ່ານ ຄຳແພງ ໄຊສົມແພງ ໄດ້ຮັບໜ້າທີ່ເປັນລັດຖະ ມົນຕີ ກະຊວງອຸດສາຫະກຳ ແລະ ການຄ້າຜູ້ໃໝ່.
ໃນໂອກາດດັ່ງກ່າວ ທ່ານລັດຖະມົນຕີກະ ຊວງອຸດສາຫະກຳ ແລະ ການຄ້າ ໄດ້ສະ ແດງຄວາມຕ້ອນຮັບຊົມເຊີຍ ແລະ ຕີລາ ຄາສູງຕໍ່ ທ່ານ Pablo Antonio Rodriguez Vidal ທີ່ໄດ້ເຂົ້າຢ້ຽມຂ່ຳນັບຄັ້ງນີ້ ຊຶ່ງເປັນການປະກອບສ່ວນ ເສີມສ້າງສາຍພົວພັນຮ່ວມມື ແລະ ຊ່ວຍເຫຼືອຊຶ່ງກັນ ແລະ ກັນ ລະ ຫວ່າງລາວ-ກູບາທີ່ມີມາແລ້ວນັ້ນໃຫ້ນັບມື້ດີຂຶ້ນເປັນກ້າວໆ ໃນນັ້ນທ່ານລັດຖະມົນຕີ ແລະ ທ່ານທູດຍັງໄດ້ທົບທວນຄືນວຽກງານການຮ່ວມມື ແລະ ຊ່ວຍເຫຼືອ ລະຫວ່າງລາວ-ກູບາໃນໄລຍະຜ່ານມາ.
ທ່ານ Pablo Antonio Rodriguez Vidal ໄດ້ສະແດງຄວາມຂອບໃຈຕໍ່ ທ່ານລັດຖະມົນຕີ ກະຊວງອຸດສາຫະກຳ ແລະ ການຄ້າ ທີ່ໄດ້ໃຫ້ການຕ້ອນຮັບຢ່າງອົບ ອຸ່ນ, ໂອກາດດັ່ງກ່າວທ່ານທູດຍັງໄດ້ສະ ແດງຄວາມຍິນດີ ແລະ ຊົມເຊີຍຕໍ່ ທ່ານ ຄຳແພງ ໄຊສົມແພງ ທີ່ໄດ້ຮັບໜ້າທີ່ເປັນລັດຖະມົນຕີ ກະຊວງອຸດສາຫະກຳ ແລະ ການຄ້າຜູ້ໄໝ່ອີກດ້ວຍ.
ສຳລັບການຮ່ວມມືດ້ານການຄ້າລາວ ແລະ ກູບາ ບໍ່ມີການຮ່ວມມືດ້ານການຄ້າແຕ່ທີ່ຜ່ານມາຄີືໃນວັນ 8 ກັນຍາ 2019, ທ່ານ Rodrido Malmierca Diaz ລັດຖະມົນຕີ ກະຊວງການຄ້າຕ່າງປະເທດ ແລະ ການລົງທຶນຕ່າງປະເທດຂອງກູບາ ໄດ້ມາຢ້ຽມຢາມ ສປປ ລາວ ຢ່າງເປັນທາງການ, ການ ຢ້ຽມຢາມຄັ້ງນີ້ມີຈຸດປະສົງມາຮຽນເຊີນ ຄະນະນໍາຂອງບັນດາກະຊວງກ່ຽວຂ້ອງຂອງລາວເຂົ້າຮ່ວມງານ Havana Trade Fair 2019 ທີ່ Havana ກູບາ ຈັດຂຶ້ນໃນວັນທີ 4-8 ພະຈິກ 2019 ແລະ ປຶກສາຫາລືກ່ຽວກັບ ການລົງນາມສັນຍາວ່າດ້ວຍ ການຮ່ວມມືທາງດ້ານເສດຖະກິດ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສ ກູບາ, ທ່ານ ລັດຖະມົນຕີ Rodrido Malmierca Diaz ໄດ້ໄປຢ້ຽມຢາມກະຊວງຕ່າງໆຄື: ກະຊວງອຸດສາຫະກໍາ ແລະ ການຄ້າ, ກະຊວງແຜນການ ແລະ ການລົງທຶນ, ກະຊວງກະສິກໍາ ແລະ ປ່າໄມ້, ສະພາການຄ້າ ແລະ ອຸດສາຫະກໍາ ແຫ່ງຊາດ, ນອກນັ້ນກໍໄດ້ເຂົ້າຢ້ຽມຂ່ໍານັບ ທ່ານຮອງນາຍົກລັດຖະມົນຕີ ສົມດີ ດວງດີ ແລະ ໄດ້ໄປຢ້ຽມຢາມ ບໍລິສັດ ພັນເພັດ ຈໍາກັດ ແລະ ລົງຢ້ຽມຢາມແຫຼ່ງເພາະປູກເຂົ້າຂອງບໍລິສັດດັ່ງກ່າວ.
(ຂ່າວ+ພາບ: ສຳນານ)
Loading...