ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

   ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຕົວຈິງ

ລັດຖະມົນຕີແຮງງານ ສປປ ລາວ ເຂົ້າ ຮ່ວມກອງປະຊຸມສະມັດຊາໃຫຍ່ຂອງອົງການແຮງງານສາກົນ ສະໄໝທີ 109 ປະຈຳປີ 2021.

ໃນວັນທີ 8 ມິຖຸນາ 2021ນີ້, ທ່ານ ນາງ ໃບຄຳ ຂັດທິຍະ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ຂອງ ສປປ ລາວ ພ້ອມຄະນະ, ໄດ້ ເຂົ້າ ຮ່ວມ ກອງປະຊຸມສະມັດຊາໃຫຍ່ຂອງອົງການແຮງງານສາກົນ ສະໄໝທີ 109 ປະຈຳປີ 2021 ແລະ ກອງປະຊຸມປິ່ນອອ້ມຕ່າງໆ ທີ່ໄດ້ໄຂຂື້ນຢ່າງເປັນທາງການ ແລະ ໄດ້ດໍາເນີນກອງປະຊຸມ ເລີ່ມແຕ່ວັນທີ 03-19 ມິຖຸນາ 2021, ທີ່ ເມືອງເຈນີວາ ປະເທດສະວິດເຊີແລນ ພາຍຫົວຂໍ້: “ການຮັບມືກັບການແຜ່ລະບາດຂອງເຊື້ອພະຍາດໂຄວິດ-19 ຂອງລັດ ຖະບານ ເພື່ອປົກປ້ອງຜູ້ອອກແຮງງານ ແລະ ຜູ້ໃຊ້ແຮງງານ ຢູ່ ສປປ ລາວ” ດ້ວຍຮູບ ແບບກອງປະຊຸມທາງໄກ (ອອນລາຍ), ໂດຍການເປັນປະທານກອງປະຊຸມຂອງ ທ່ານ ໂອມາ ຊະໄນເບີ (Omar ZNIBER) ເອກອັກຄະລັດຖະທູດວິສາມັນ ຜູ້ມີອຳນາດເຕັມ, ຜູ້ຕາງໜ້າຖາວອນຂອງປະເທດ ໂມລ໋ອກໂກ ປະຈຳອົງການສະຫະປະຊາຊາດ ແລະ ອົງການຈັດຕັ້ງສາກົນ ທີ່ເຊີແນວ ແລະ ມີຜູ້ແທນຈາກບັນດາປະເທດສະມາຊິກອົງການແຮງງານສາກົນ ຈຳນວນທັງໝົດ 3.856 ທ່ານ ໃນຈຳນວນ 176 ປະເທດເຂົ້າຮວ່ມ.
ກອງປະຊຸມຄັ້ງນີ້, ພາຍໃຕ້ການຜັນຂະ ຫຍາຍເນື້ອໃນຂອງຖະແຫຼງການອົງການແຮງງານສາກົນ ຕໍ່ກັບຄວາມຍຸຕິທຳທາງສັງຄົມ ເພື່ອຄວາມເປັນທຳຂອງໂລກາພິວັດ ຊຶ່ງປິ່ນອອ້ມໃຫ້ແກ່ກອງປະຊຸມສະ ມັດຊາໃຫຍ່ອົງການແຮງງານສາກົນ ຄັ້ງທີ 109, ດັ່ງກ່າວນີ້ ໄດ້ມີກອງປະຊຸມປຶກສາຫາລືລະດັບວິຊາການຈຳນວນໜຶ່ງປິ່ນອອ້ມ ເປັນຕົ້ນ ກອງປະຊຸມສຸດຍອດ, ກອງປະຊຸມລັດຖະມົນຕີແຮງງານຂອງຂະບວນການບໍ່ຮ່ວມກຸ່ມ, ກອງປະຊຸມຄະນະກຳມະການຈັດຕັ້ງປະຕິບັດສົນທິສັນ ຍາຂອງອົງການແຮງງານສາກົນ, ກອງປະຊຸມປຶກສາຫາລືທົ່ວໄປກ່ຽວກັບຄວາມບໍ່ເທົ່າທຽມກັນ ແລະ ໂລກແຫ່ງການເຮັດວຽກ, ກອງປະຊຸມປຶກສາຫາລືກ່ຽວກັບຈຸດປະສົງຍຸດທະສາດຂອງການປົກປ້ອງສັງຄົມ (ປະກັນສັງຄົມ), ພາຍໃຕ້ການຜັນຂະຫຍາຍເນື້ອໃນຂອງຖະແຫຼງການອົງການແຮງງານສາກົນ ກ່ຽວກັບຄວາມຍຸຕິທຳທາງສັງຄົມ ເພື່ອຄວາມເປັນທຳຂອງໂລກາພິວັດ, ກອງປະຊຸມປຶກສາຫາລືທົ່ວໄປກ່ຽວກັບສີມືແຮງງານ ແລະ ການຮຽນຮູ້ໄລຍະຍາວ ແລະ ກອງປະຊຸມອື່ນໆ.
ກອງປະຊຸມ ສະມັດຊາໃຫຍ່ອົງການແຮງງານສາກົນ ຄັ້ງທີ 109 ຈະໄດ້ຄົ້ນຄ້ວາ ແລະ ຮັບຮອງເອກະສານ ຈຳນວນ 04 ເອກະສານ ຄື: 1) ເອກະສານບົດລາຍງານການເງິນ; 2) ເອກະສານບົດລາຍງານຄວາມຄືບໜ້າການຈັດຕັ້ງປະຕິບັດ ສົນທິສັນຍາຂອງອົງການແຮງງານ ສາກົນ; 3) ເອກະສານການຮັບຮອງເອົາບົດລາຍງານການປຶກສາຫາລືກ່ຽວກັບການຮັບມືກັບການແຜ່ລະບາດຂອງເຊື້ອພະຍາດໂຄວິດ-19 ແລະ ບົດລາຍງານການປຶກສາຫາລືກ່ຽວກັບ ປະກັນສັງຄົມ; ແລະ 4) ເອກະສານການລົບລ້າງບັນດາສົນທິສັນຍາ ຈຳນວນ 08 ສະບັບ, ການຖອດຖອນສົນທິສັນຍາ ຈຳນວນ 09 ສະບັບ ແລະ ຖອດຖອນຂໍ້ແນະນໍາ ຈໍານວນ 11 ສະບັບ.
ກອງປະຊຸມໃນຄັ້ງນີ້, ທ່ານ ນາງ ໃບຄຳ ຂັດທິຍະ, ຕາງໜ້າຄະນະຜູ້ແທນ ແຫ່ງ ສປປ ລາວ ໄດ້ກ່າວປະກອບຄວາມເຫັນ ເຊິ່ງມີບາງຕອນທີ່ສຳຄັນວ່າ: “ການແຜ່ລະບາດຂອງພະຍາດໂຄວິດ-19 ໄດ້ກະທົບຕໍ່ການດຳລົງຊີວິດ ແລະ ການພັດທະນາເສດຖະກິດ-ສັງຄົມ ຂອງທົ່ວໂລກ ໂດຍສະເພາະແມ່ນສະເຖຍລະພາບຂອງການເຮັດວຽກ ແລະ ລາຍຮັບຂອງກຳລັງແຮງງານ. ສຳລັບ ສປປ ລາວ ໂຄວິດ 19 ໄດ້ເຮັດໃຫ້ກໍາລັງແຮງງານທີ່ເຮັດວຽກຢູ່ພາຍໃນປະເທດຈຳນວນ 114 ພັນຄົນ ຖືກໂຈະການຈ້າງງານຊົ່ວຄາວ ແລະ 130 ພັນຄົນ ຕ້ອງໄດ້ກັບຈາກການເຮັດວຽກຢູ່ຕ່າງປະເທດ ນອກນັ້ນກໍຍັງມີແຮງງານນອກລະບົບຈຳນວນຫຼາຍ ໄດ້ຮັບຜົນກະທົບ ໂດຍສະເພາະແມ່ນແຮງ ງານທີ່ເຄື່ອນຍ້າຍຈາກຊົນນະບົດເຂົ້າມາເຮັດວຽກຢູ່ໃນຕົວເມືອງຕ່າງໆຂອງປະ ເທດ ລວມທັງແຮງງນທີ່ຜະລິດກະສິກຳເພື່ອເປັນສິນຄ້າ. ຂະແໜງບໍລິການ ເປັນຂະແໜງການທີ່ໄດ້ຮັບຜົນກະທົບຫຼາຍກວ່າຂະແໜງການອືື່ນ ຊຶ່ງມາຮອດປັດ ຈຸບັນແມ່ນບໍ່ສາມາດກັບມາດຳເນີນກິດ ຈະການໄດ້, ຂະແໜງການຜະລິດເສື້ອຜ້າ, ເກີບ ແລະ ຜະລິດຕະພັນອື່ນເພື່ອສົ່ງ ອອກ ກໍ່ບໍ່ສາມາດດຳເນີນການຜະລິດໄດ້ເປັນປົກກະຕິ. ສະນັ້ນ, ເພື່ອແກ້ໄຂບັນຫາດັ່ງກ່າວ ລັດຖະບານ ໄດ້ປະຕິບັດມາດຕະການໃນການຊ່ວຍເຫຼືອຜູ້ອອກແຮງງານ ແລະ ຜູ້ລົງທຶນ ທີ່ໄດ້ຮັບຜົນກະທົບ ເຊັ່ນ: ກຳນົດນະໂຍບາຍຍົກເວັ້້ນອາກອນເງິນເດືອນ, ຫຼຸດຜ່ອນ ຫຼື ເລື່ອນເວລາການຈ່າຍພັນທະຕ່າງໆຂອງຜູ້ລົງທຶນ ລວມທັງການຈ່າຍເງີນສົມທົບເຂົ້າກອງທຶນປະກັນສັງຄົມ. ພ້ອມນີ້, ລັດຖະບານໄດ້ອະນຸ ຍາດຈ່າຍເງິນອຸດໜູນການວ່າງງານໃຫ້ສະມາຊິກກອງທຶນເປັນກໍລະນີພິເສດ ຊຶ່ງໄດ້ຈ່າຍທັງໝົດ 38,18 ຕື້ກີບ ຫຼື ປະມານ 4 ລ້ານໂດລາສະຫະລັດ”. ພ້ອມນັ້ນ, ທ່ານ ລັດຖະມົນຕີ ຍັງໄດ້ສະແດງຄວາມຂອບ ໃຈຕໍ່ກັບການສະໜັບສະໜູນຂອງບັນດາອົງການຈັດຕັ້ງສາກົນ ແລະ ປະເທດສະ ມາຊິກ ທີ່ໄດ້ໃຫ້ການຊ່ວຍເຫຼືອແກ່ ສປປ ລາວ ໃນການຮັບມືກັບການແຜ່ລະບາດຂອງພະຍາດໂຄວິດ-19, ພ້ອມທັງໄດ້ຮຽກຮ້ອງໃຫ້ອົງການແຮງງານສາກົນ ແລະ ບັນດາທ່ານຜູ້ແທນກອງປະຊຸມໃຫຍ່ ຄັ້ງທີ 109 ຈົ່ງພະຍາຍາມເຮັດໃຫ້ມາດຕະການການຮັບມືກັບພະຍາດໂຄວິດ-19 ທີ່ກອງປະຊຸມໄດ້ຄົ້ນຄ້ວາ ຈົ່ງໄດ້ບັນຈຸເນື້ອໃນທີ່ຄົບຖ້ວນ ເພື່ອເຮັດໃຫ້ເກີດມີການຮ່ວມມື, ມີການຊ່ວຍເຫຼືອທີ່ມີປະສິດທິພາບຊຶ່ງກັນ ແລະ ກັນໃນລະດັບພາກພື້ນ ແລະ ສາກົນ ໂດຍສະເພາະແມ່ນຢາກໃຫ້ເບີ່ງຊ່ວຍເຫຼືອປະເທດສະມາຊິກທີ່ຍັງຂາດຊັບພະຍາກອນໃນການຮັບມືກັບບັນຫາທີ່ຮ້າຍແຮງດັ່ງກ່າວ ໃຫ້ລອດພົ້ນຈາກວິກິດການໄປພ້ອມໆກັນ. ພ້ອມດຽວກັນນັ້ນ, ກໍ່ຂໍສະແດງຄວາມຍິນດີຕໍ່ການກຳນົດເອົາປີ 2021 ເປັນປີແຫ່ງການລຶບລ້າງການນຳໃຊ້ແຮງງານເດັກໃນທົ່ວ ໂລກ ຊຶ່ງ ສປປ ລາວ ກໍ່ກຽມຄວາມພ້ອມໃນການກຳຈັດບັນຫາແຮງງານເດັກຮ່ວມ ກັນໃນທົ່ວໂລກ ໂດຍມີໝາຍສານຂອງ ທ່ານ ນາຍົກລັດຖະມົນຕີ ຂອງ ສປປ ລາວ, ກະກຽມໂຄສະນາໃຫ້ສັງຄົມໄດ້ຮັບຮູ້ ແລະ ເຂົ້າໃຈຄວາມໝາຍຄວາມສຳຄັນຂອງແຮງງານເດັກ.
ຕອນທ້າຍ ທ່ານລັດຖະມົນຕີ ກະຊວງແຮງງານ ແລ ສະຫວັດດີການສັງຄົມ ໄດ້ກ່າວສະໜັບສະໜູນ ແລະ ເຫັນດີຕໍ່ບົດລາຍງານຂອງທ່ານຜູ້ອຳນວຍການໃຫຍ່ ອົງການແຮງງານສາກົນ ປະຈຳປີ 2021 ນຳອີກ./
(ຂ່າວສານ ຮສສ)
May be an image of 3 people, people sitting, people standing and indoor