ໃນວັນທີ 5 ກໍລະກົດ ປີ 2024, ທີ່ຫໍປະຊຸມໃຫຍ່ຂອງແຂວງ, ສະຫາຍ ພົນເອກ ວິໄລ ຫຼ້າຄໍາຟອງ ກໍາມະການກົມການເມືອງ ສູນກາງພັກ ຄະນະກໍາມະການປ້ອງກັນຊາດ – ປ້ອງກັນຄວາມສະຫງົບສູນກາງ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ ໄດ້ລົງເຄື່ອນໄຫວຢ້ຽມຢາມ ແລະ ພົບປະໂອ້ລົມ ພະນັກງານຫຼັກແຫຼ່ງ ຂອງສອງກໍາລັງປ້ອງກັນຊາດ – ປ້ອງກັນຄວາມສະຫງົບແຂວງອັດຕະປື, ໃຫ້ກຽດຕ້ອນຮັບຂອງ ສະຫາຍ ພົນໂທ ວັນທອງ ກອງມະນີ ກໍາມະການສູນກາງພັກ ເລຂາພັກແຂວງ ເຈົ້າແຂວງອັດຕະປື ປະທານປ້ອງກັນຊາດ – ປ້ອງກັນຄວາມສະຫງົບແຂວງ, ມີຄະນະນໍາຂອງສອງກໍາລັງເຂົ້າຮ່ວມ.
ໃນໂອກາດນີ້ ສະຫາຍ ພົນເອກ ວິໄລ ຫຼ້າຄໍາຟອງ ໄດ້ຍົກໃຫ້ເຫັນສະພາບການທີ່ພົ້ນເດັ່ນຂອງໂລກ, ພາກພື້ນ-ສາກົນ ແລະພານໃນປະເທດ, ເຊິ່ງມີຫຼາຍເຫດການທີ່ເອື້ອອຳນວຍ ແລະ ສິ່ງທ້າທາຍທົດສອບຫຼາຍປະການທີ່ສົ່ງຜົນກະທົບຕໍ່ການປົກປັກຮັກສາ ແລະ ສ້າງສາພັດທະນາປະເທດຊາດ ແລະ ການປັບປຸງກໍ່ສ້າງກຳລັງປ້ອງກັນຊາດ – ປ້ອງກັນຄວາມສະຫງົບ ເຊິ່ງໄດ້ຢັ້ງຢືນເຖິງຄວາມເອົາໃຈໃສ່ປະຕິບັດໜ້າທີ່ການເມືອງດ້ວຍຄວາມຮັບ ຜິດຊອບ ຂອງແຕ່ລະພາກສ່ວນ ແລະ ໄດ້ເນັ້ນໜັກຄະນະພັກ – ຄະນະບັນຊາ ພະນັກງານຫຼັກແຫຼ່ງ ໃນສອງກໍ່າລັງ ຕ້ອງເພີ່ມທະວີຄວາມເປັນເຈົ້າການນຳພາ – ຊີ້ນໍາ, ເປັນແບບຢ່າງໃນທຸກຂົງເຂດວຽກງານ ມີຄວາມສາມັກຄີໃຫ້ໜັັກແໜ້ນ ຮ່ວມແຮງຮ່ວມໃຈກັນຕ້ານ ແລະ ສະກັດກັ້ນປະກົດການຫຍໍ້ທໍ້ທີ່ສ້າງຄວາມບໍ່ສະຫງົບພາຍໃນ ເຮັດວຽກລວມສູນປະຊາທິປະໄຕ ເຮັດວຽກເປັນໝູ່ຄະນະ ແບ່ງງານໃຫ້ບຸກຄົນຮັບຜິດຊອບ ແລະ ແທດເຖິງທຸກເປົ້າໝາຍ, ອອກແຮງຫັນລົງກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ຕາມທິດຊີ້ນໍາຂອງພັກ, ສືບຕໍ່ປັບປຸງກໍ່ສ້າງກໍາລັງ ໂດຍການເພີ່ມທະວີການສຶກສາອົບຮົມການເມືອງນໍາພາ- ແນວຄິດ ໃຫ້ພະນັກງານ – ນັກຮົບ ມີຫຼັກໝັ້ນຊົນຊັ້ນ, ມີຄຸນທາດການເມືອງໜັກແໜ້ນ, ມີລະບຽບວິໄນເຂັ້ມງວດ, ເຊື່ອໝັ້ນຕໍ່ການນໍາພາຂອງພັກ ແລະ ການຈັດຕັ້ງຂັ້ນເທິງ, ຍູ້ແຮງຂະບວນການປູກຝັງ -ລ້ຽງສັດ ເພື່ອຮັບປະກັນຊີວິດການເປັນຢູ່ຂອງກົມກອງ, ເສີມຂະຫຍາຍການພົວພັນຮ່ວມມືກັບອໍານາດການປົກຄອງທ້ອງຖິ່ນ ເພື່ອເກັບກໍາສະພາບການຕ່າງໆ, ຕັ້ງໜ້າຜັນຂະຫຍາຍເນື້ອໃນ ມະຕິກອງປະຊຸມໃຫຍ່ ຄັ້ງທີ XI ຂອງພັກ, ເພື່ອເປັນການປະກອບສ່ວນສ້າງຂະບວນການ, ສ້າງຜົນງານ ແລະ ພັດທະນາກົມກອງໃຫ້ມີບາດກ້າວຂະຫຍາຍຕົວອັນໃໝ່ໃຫຍ່ຫຼວງກວ່າເກົ່າ ຕາມແນວທາງຂອພັກ-ນະໂຍບາຍຂອງລັດ, ການກ້າວເດີນຂອງປະເທດຊາດ ແລະ ໜ້າທີ່ການເມືອງຂອງກົມກອງ, ເພື່ອກະກຽມຄວາມພ້ອມຂໍ່ານັບຮັບຕ້ອນ ກອງປະຊຸມໃຫຍ່ 3 ຂັ້ນຂອງພັກ ແລະ ກຽມຄວາມພ້ອມກອງປະຊຸມອາຊຽນ ທີ່ ສປປລາວ ໄດ້ຮັບກຽດເປັນເຈົ້າພາບ.
ຂ່າວ: ຕິ໋ມພອນ ນັກຂ່າວ ປກຊ ແຂວງອັດຕະປື
